Petroskoin tegeližuden istorijan muzei

Рувики-späi
Petroskoin tegeližuden istorijan galerei
Petrozavodsk 06-2017 img52 Industry History Museum.jpg
Augonpanendan päiv 1838
Radčasud Kaikuččen päivän 11.00—17.00 časuil, pühäpäiv — ezmärg
Olendsija
Adres Venäma, Karjala, Petroskoi, Liteinaja avoird, 1
Sait techmuseum.pro
Логотип РУВИКИ.Медиа Mediafailad RUWIKI-tedoiš

Petroskoin tegeližuden istorijan galerei (ven.: Галерея промышленной истории Петрозаводска) om vanhemb Petroskoin muzejoišpäi, mitte om tehtud vodel 1838. Se sijadase enččes Änižen traktorzavodan pertiš.

11. sügüz'kud vodel 2025 galerei om saubatud suren kohendusen täht[1].

Istorii

Petroskoin tegeližuden istorijan muzejan istorii zavodiše vodel 1838, konz Aleksandran zavodal (ven.) (vep. oli avaitud Mägimuzeum. Ozutelusen pohjas oliba radišton tavaroiden ozutesed[2]. Muzei om tehtud mägen ohjandajan Roman Adamovič Armstrongan (ven.) (vep. ohjandusel. Mägimuzeuman keradamištod tehihe avaitud vodel 1871 Oloncan londuz-tegeližuden da istoriko-etnografižen muzejan pohjaks[3].

Muzejan udessündutadihe 12. sügüz'kud vodel 1967[4]. Änižen traktorzavodan istorijan muzei sijatsihe OTZen kul'turpertiš Gogol'an irdal.

Vozil 1990 kul'turpertin möndan da zavodan krizisoloiden täht muzei oli saubatud.

27. kezakud vodel 2003, zavodan da lidnan 300-voččen jubilejan praznuičemižen aigan, muzei möst avaiži ičeze verajad. Sidä aigaspäi muzei sijadase enččes zavodan poliklinikan pertiš (om sauvotud vodel 1949) Kalininan irdal (zavodan sijal)[5][6].

Vodel 2009 muzejan päl möst oli saubatusen varu, konz Änižen traktorzavodan sirdiškanziba toižele zavodan sijale — Tidenan läbiajole. Muzejan sirdändan vasthapäi libuiba Änižen traktorzavodan veteranad[7] da Petroskoin lidnalaižen nevondišton deputadad[8].

Sulakus vodel 2009 Karjalan Parlamentan pämez', Petroskoi-lidnan kehitoitusen ühthižkomissijan ohjandai Levin Nikolai Ivanovič (ven.) (vep. ezini tomotusenke kaita muzejad da ostta sidä zavodal[9]. Karjalan pämez' Sergei Katanandov ezini tomotusen toižeta OTZen istorijan muzejad Karjalan tegeližuden muzejaha, mitte oliži Karjalan rahvahaližen muzejan erištoks[5]. Sidä jäl'ghe nimidä ei olend tehtud, miše sada muzejan lidnan omištusehe. Muzejan saubatuzvaru ei olend heittud, sikš ičetahtnikad (kodiröunan muzejan radnikad da Karjalan pedagogižen universitetan üläopenikad) jatksiba radon muzejan elektronižen katalogan tegemižes.

Vodel 2010 konkursan satusiden mödhe Änižen traktorzavodan sija mülüi ven.: «Охта Групп»-kompanijaha[10].

17. sügüz'kud vodel 2011 rekonstrukcijan jäl'ghe, miččen ečeze rahoile tegi ven.: «Охта Групп»-kompanii, OTZen istorijan muzei oli udes avaitud toižel Petroskoin tegeližuden istorijan muzei-nimel[11].

Vodel 2016 federaližiden zakonoiden mödhe, miččed kel'ttäs kävutada valdkundatomile organizacijoile nimiš "Muzei"-sanan, muzejan nimi om udes vajehtadud "Tegeližuden istorijan galerejaks".

Tämbei Galerei om üks'jäine ozuteluzsija Karjalas, kus om ozutadud melentartuine da znamasine Petroskoin istorijan pala: lidnan päradištoiden kehitoituz Petrovskian zavodan augotišespäi. Galerejan ozuteluz ühtenzoitab Änižen traktorzavodan da Avangard-laivzavodan muzejoiden fondoiden materialoid, da völ uded instal'acijad lidnan tegeližuden istorijas.

Temzalad

Keskaigaližiden ozutelusiden zal om sija melentartuižiden ristituiden uziden projektoiden da ičeozutamižen täht.

Interaktivižiden kaluiden zal om tedo-tehnine taho interaktivižen oppindon täht fizikan da mehanikan zakonoid tegeližudes da elos. Ozuteluzzalas oma nügüd'läižed kalud hands-on-kalud, miččed ozutadas erazvuiččed tegendmehanizmad. Niid voib eskai otta käzihe.

Istoriline zal om omištdud lidnan istorijale: kaik Petrovskan slobodan polhe, Petrovskan da Aleksandran zavodoiš, Petroskoin polhe, kut valajiden lidnas.

Petroskoin tegeližuden zal: Aleksandrovskan zavodan voz'sadan XX augotišen aigalpäi "Änižen mehanižen da metallurgižen zavodan" (ОММZ) da "Änižen traktorzavodan" (ОTZ) aigoihesai, Avangard-zavodan sauvond da kehitoituz.

Ozutelusen tüvi om tavaroiden ozutelused, miččid pästtihe Petrovskan da Aleksandrovskan zavodoil, OMMZ, OTZ da Avangard-zavodal erazvuiččel aigal. Galerejan eksponatoiden keskes oma puškad, niiden südäimed, taidehvalamine, mitte om löutud OTZen udižtusen da sauvondan aigan, traktoroiden da laivoiden maketad, fotokuvad, muštznamad da äi tošt. Erasiden kaluiden igä om 200—300 vot.

Melentartuižembad muzejan kalud Venäman ezmäižen raudten palad, mitte om tehtud vodel 1788, oma pandud Galerejan tulendverajiden ezitandrehel. Istoriliže zalas voib tundištoitas taidehvalamižen kaluidenke, Petrovskan da Aleksandrovskan zavodoiden cehoiden radai modelidenke.

Homaičendad

  1. ↑ В Петрозаводске закрылась Галерея промышленной истории. Дата обращения: 15 sügüz'kud 2025.
  2. ↑ Петрозаводские музеумы, или Страницы истории КГКМ. Дата обращения: 3 sügüz'kud 2025.
  3. ↑ Лица города. Обо всех директорах Онежского (Александровского и Петровского) завода. Дата обращения: 3 sügüz'kud 2025. Архивировано 27 redukud 2020 года.
  4. ↑ Торжественное открытие Музея истории Онежского тракторного завода. Дата обращения: 19 sügüz'kud 2025.
  5. ↑ 1 2 ОТЗ роют ямку. Дата обращения: 3 sügüz'kud 2025. Архивировано из оригинала 23 heinkud 2012 года.
  6. ↑ Программа празднования Петрозаводска. Дата обращения: 3 sügüz'kud 2025. Архивировано 4 keväz'kud 2016 года.
  7. ↑ Музей ОТЗ отправится «в ссылку»? Дата обращения: 3 sügüz'kud 2025. Архивировано из оригинала 4 keväz'kud 2016 года.
  8. ↑ Уникальные экспонаты истории города станут никому не нужны. Дата обращения: 3 sügüz'kud 2025. Архивировано из оригинала 4 keväz'kud 2016 года.
  9. ↑ Музей ОТЗ национализируют. Дата обращения: 3 sügüz'kud 2025.
  10. ↑ «Охта Групп» начала подготовку к реабилитации территории ОТЗ в Петрозаводске. Дата обращения: 3 sügüz'kud 2025.
  11. ↑ Старый музей в новом формате. Дата обращения: 3 sügüz'kud 2025.
Om sadud "https://vep.ruwiki.ru/w/index.php?title=Petroskoin_tegeližuden_istorijan_muzei&oldid=508839"