Oloncan rahvahaline livvin-karjalaižiden muzei N. G. Prilukinan nimel

Рувики-späi
Gerb-icon.png

Venäman kul'turministerstv

Arrow-Right.png
Gerb-big.png
Venäman Federacijan kul'turministerstv
Oloncan rahvahaline livvin-karjalaižiden muzei N. G. Prilukinan nimel
Олонецкий национальный музей карелов-ливвиков им. Н. Г. Прилукина.jpeg
Augonpanendan päiv 1959 da 1958
Olendsija

 Karjala

 Venäma
Adres 186000, Karjala, Oloncan rajon, Olonec, Vägestusen 30-voččen ird, 8
Pämez' Natalja Vasiljevna Nikolajeva
Sait olon-mus.ru(ven.)
olon-mus.ru
| Вставка =
Логотип РУВИКИ.Медиа Mediafailad RUWIKI-tedoiš

Oloncan rahvahaline livvin-karjalaižiden muzei N. G. Prilukinan nimel (ven.: Олонецкий национальный музей карелов-ливвиков имени Николая Григорьевича Прилукина) — Karjalan municipaline b'udžetine kul'turorganizacii. Se sijadase Karjalan Oloncan rajonan Oloncas Vägestusen 30-voččen irdal, pert' 8. Muzei om istorijan da kul'turan muštpacaz, miččel om valdkundaline znamoičend[1][2].

Nece om ezmäine rajonan kodiröunan muzei[3].

Muzei om augonpandud vodel 1958[4].

Istorii

Muzei sijadase Oloncan tetaban kupcan Jegor Dmitrijevič Kuttujevan pertiš, mitte oli letud vozil 1871—1872. Pert' seižub lidnan puištos, sijas nemel, kus ühtenzoitase Olonka- da Megrega-joged, nece om Oloncan lidnan istorijaline keskuz[4].

Oloncan rahvahaline livvin-karjalaižiden muzei N. G. Prilukinan nimel oli sätud kodi-istorijan tundijan Nikolai Prilukinan (1909—1983) tomotusen mödhe vodel 1958[4].

Nece om üksjaine muzei Karjalas, kus voib kulištada karjalan kelen livvin paginad (ven.) (vep.[5].

Muzei kacujiden täht oficialižesti avaitihe 30. vilukud vodel 1959 i se tegihe Karjalan ezmäižeks rajonan kodiröunan muzejaks. Ezmäi muzejan täht oli anttud kaks' honust kupcan Kuttujevan[6]. Muzejas oliba keradamištod, miččiš kaičihe etnografižed muštpachad XIX—XX voz'sadoiden livvin-karjalaižiden polhe[4].

Vodelpäi 1974 vodehesai 1992 muzei oli Smolenskan soboras. Vodel 1992 Smolenskan sobor pördutadihe pühäkodile, a muzejan täht anttihe sija Lapsiden muzikškolas[6].

Vodel 1994 Oloncan muzei tegihe "rahvahaližeks"[4].

Vodel 1999 muzejale anttihe augonpanijan da ezmäižen pämehen Nikolai Prilukinan nimi[4]. Nikolai Prilukin tegihe muzejan ezmäižeks pämeheks vodel 1959 i ohjanzi muzejad kümne vot. Hän oli sovetskii kodi-istorijan tundijan, etnografan, Karjalan ASSRan arvostadud kul'turradnikan.

Joga voden muzejaha tuleb enamba 12 000 mest[5].

Oloncan rahvahaline muzei starinoičeb livvin-karjalaižiden istorijan da kul'turan polhe, abutab kaita da kehitoitta Oloncan rajonan istorijaliž-kul'turan jäl'gestust[2].

Muzejan sädai om Oloncan rahvahaližen municipaližen rajonan administracii[7].

Nügüd' muzejan pämez' om Natalja Vasiljevna Nikolajeva[7].

Ekspozicii

Muzejas radaba mugoižed ekspozicijad:

  • interaktivine "Vahvuden formul"-ekspozicii Oloncan röunan polhe neolitan aigaspäi XVIII voz'sadahasai edel meiden aiganlugendad;
  • istorijaliž-etnografine "Liygiläžet"-ekspozicii[2].

Muzejas radab vanhan Uden voden bobaižen ozuteluz, mitte om muzejan kupcan lavkas, a mugažo om etnosija istorijaližes Bol'šaja Sel'ga-küläs, kus vedetas interaktivižid programmoid adivoiden täht[4].

Keradamištod

Oloncan rahvahaližen muzejan fondas om läz 22 000 kalud, niišpäi 15 548 om päkalud. Kal'hembad keradamištod oma: kodikalud — 640, soba, päližed — 140 kalud, elontekstil' — 160 kalud, radonmahtoiden kalud — 810, hengeližen kul'turan kalud — 325, arhiologižed muštpachad — 1 316 kalud, numizmatik — 3082 kalud, fotokuvad — 2 820 kalud, azjbumagad — 2 300 kalud[2].

Muzejas kaičese suremb Karjalas etnografine XIX voz'sadan keradamišt, mitte starinoičeb livvin-karjalaižiden kul'turas da elos[5].

Vanhoiden uden voden bobaižiden keradamištos om 860 bobašt. Kaikid vanhembale bobaižele om 120 vot[6].

Rad

Muzejas radab "Kudomišt", kus opetas tradicionaližehe kudondradmahtoihe, tehtas muzejan keradamištoiden kudondtehmusiden kopijoid da muštlahjoid: hurstid, käzipaikoid, čomid salfetkoid[5].

Muzejan pohjal radab "Muzejan teatr", tehtas openduzprogrammoid, ekskursijoid, avtobusmatkoid, avtoroiden personaližid turoid da mastar'-klassoid[4].

Radab "Vasttamoiš muzejas"-openduzkeskuz lapsiden da aigvoččiden täht, a mugažo Pakkaine-kupcan ezitanaz — Karjalaižen pakaižukon Pakkaižen interaktivine tandreh, kus oma ezitanaz, möndlauk da uden voden ait[2].

Vodel 2021 rahvahidenkeskeižen "Interaktivine istorii"-projektan aigan muzejas avaitihe interaktivine ekspozicii, miččen nimi om "Vahvuden formul. Uskond, voin da rahad Oloncan elos XVII—XVIII voz'sadoil"[2].

Oma mugoižed muzejan turistmatkad: etnografine ven.: «Что деревня — то обычай»-matk , Ortodoksine Olonec, "Voden 1941 holekaz keza"[2].

Homaičendad

  1. ↑ Муниципальное бюджетное учреждение "Олонецкий национальный музей карелов-ливвиков им. Н.Г. Прилукина". Госкаталог. Дата обращения: 3 vilukud 2026.
  2. ↑ 1 2 3 4 5 6 7 Олонецкий национальный музей карелов-ливвиков им. Н. Г. Прилукина. Музеи России. Дата обращения: 3 vilukud 2026.
  3. ↑ О музее. © Олонецкий национальный музей.. Дата обращения: 3 vilukud 2026.
  4. ↑ 1 2 3 4 5 6 7 8 Олонецкий национальный музей карелов-ливвиков им. Н. Г. Прилукина. © Национальный музей Республики Карелии. Дата обращения: 3 vilukud 2026.
  5. ↑ 1 2 3 4 Олонецкий национальный музей карелов-ливвиков им. Н. Г. Прилукина. Культура.РФ ©. Дата обращения: 3 vilukud 2026.
  6. ↑ 1 2 3 Олонецкий национальный музей карелов-ливвиков им. Н. Г. Прилукина. Официальный сайт Олонецкого национального муниципального района ©. Дата обращения: 3 vilukud 2026.
  7. ↑ 1 2 Олонецкий национальный музей карелов-ливвиков им. Н. Г. Прилукина.Общая информация. Олонецкий национальный музей карелов-ливвиков им. Н. Г. Прилукина. Дата обращения: 3 vilukud 2026.

Lähtked

Om sadud "https://vep.ruwiki.ru/w/index.php?title=Oloncan_rahvahaline_livvin-karjalaižiden_muzei_N._G._Prilukinan_nimel&oldid=529153"