Langinen Leo Fomič

Внешние изображения
Внешние изображения
	Скульптор Лео Ланкинен.

Leo Fomič Langinen
(Lankinen)
Leo Fomič Langinen; (Lankinen)
Sündundpäiv	13. kezakud 1926 или 13. heinkud 1926
Sündundsija	k. Mottorovo, Pargilovon volost', Leningradan ujezd, Leningradan gubernii, RSFSR, SSSR
Kolendpäiv	17. tal'vkud 1996 (70 лет)
Kolendsija	Petroskoi, Karjalan Valdkund, Venäma;
Ma	Sovetskii Sojuz; Venäma;
Žanr	Vestai, taidehkuvanik
Openduz'	Leningradan korged taideh-tegeline radmahttehnikum V.I. Muhinan nimel
Pauklahjad	SSSRan taidehakademijan kuldaine medal' (1967)
	Karjalan valdkundaline rahalahj kul'turan, taidehen i literaturan tedo-oblastiš (2006)
	Mediafailad RUWIKI-tedoiš

Muštlaud Petroskoiš, Kuibiševa-irdal, 16

Leo Fomič Langinen (Lankinen) (ven.: Лео Фоми́ч Ла́нгинен (Ла́нкинен), 13. kezakud 1926 или 13. heinkud 1926^[1], Leningradan gubernii^[d] — 17. tal'vkud 1996^[1], Petroskoi, Karjalan Valdkund, Venäma) — vestai, taidehkuvanik, RSFSRan arvostadud taidehradnik (1959), RSFSRan rahvahan taidehpirdai (1968), SSSRan Taidehakademijan ühtnik-korrespondent (1973), SSSRan Taidehakademijan nügüdläine ühtnik (1986)^[2].

Elostarin

Om sündnu suomalaižiden-ingermanlandcoiden kanzas. 1930-voziden lopus kanz tuli elole Karjalan ASSRan Rugozeron rajonaha. Konz zavodihe Sovetskijan-suomaline voin (1941—1944), kanz oigetihe Čel'abinskan agjaha. Radoi hil'kaivuses Kopeiskas.

Konz voin lopihe, hän pördihe tagaze Karjalaha, Oloncaha, radoi statistan Karjalan-Suomalaižen dramateatran teatrozutelusiš. Sil aigal se oli Oloncas. Abuti tehta dekoracijoid. Lopi Petroskoin radnmahttehnikuman, openzihe mujutajaks-taidehpirdajaks.

Vozil 1950—1955 openzihe Leningradan korktas taideh-tegeližes radmahttehnikumas V. I. Muhinan nimel (ven.) (vep..

Vodel 1955 händast ottihe SSSRan taidehpirdajiden sebraha (ven.) (vep., tuli elämaha Petroskoihe.

Vozil 1967—1973 — Karjalan ASSRan Taidehpirdajiden sebran pämez'.

Om pandud maha Petroskoiš Sulažgoran kaumištol.^[3]

Taidehradod

Vestatuz

"Sarnoičii Mihejeva M. I." (1958), "Sarnoičii Perttunen T. A.", "Sarnoičii Hämälainen J. I", "Karjalaine neižne" (1961), "Sauvojad" (diptih, 1961—1964), "Muzikantegii Gel'mer-Rainer Sinisalo^?!" (1965), "Sirkka", serii "Meiden Ühtenaiganik" (1969), "Jasinskijan lekarin modkuva" (1969), "J. Panijev" (1976), "Ohjandai K. Nuotio" (1968—1986), "Ragnar Russo" (1984), "Ohjandai V. Eufer" (1986), "Maša Svetlova" (1986), "Toivo Antikainen", "Edvard G'ulling", "Kirjutai Pekka Pertu" (1991—1995), "Suomalaine kirjutai Markku Nieminen" (1993) i toižed.

Kuvataideh, grafika

"Üläopenikan nat'urmort" (1957), "Kaivusen nat'urmort", "Suks'kävelusen jäl'ghe" (1958), "Laivan varastuses", "Edel smenad" (1959), "Sügüz' Petroskoiš" (1962), "Änikoičeb viluhein" (1982), londuzkuviden serii (1994) i toižed.

Scenografii

Enamba 20 ozutelust Petroskoin teatroiš — R. Pergament, "Kumoha" (1958), B. Breht, V. Vuolijoki "Ižand Puntilla" (1959), B. Breht, "Mamoi Kuraž i hänen lapsed" (1965), А. Miller "Mectuz noidakoile" (1968), "Kalevala" (1974) i toižed.

Leo Fomič om Sovetskijan Sojuzan Gerojiden Maria Melentjevan da P'otr Tikiläižen muštpachoiden avtor. Jäl'gmäine hänen rad om "Gor'an rist"^[4], mitte om pandud Sovetskijan-suomaližen voinan žertvoiden muštoks (1941—1944). L. F. Langižen taidehradod kaičese Valdkundaližes Tretjakovan galerejas (ven.) (vep., Valdkundaližes Venälaižes muzejas (ven.) (vep., Karjalan taidehmuzejas.

Ozutelused

Ühthižvenälaižed (1954, 1955, 1958, 1961, 1962, 1967, 1972, 1973, 1976, 1977, 1978, 1982, 1987).
Ühthižvenälaižed (1960, 1965, 1967, 1970, 1975, 1977, 1985, 1987, 1992).
Karjalan taidehpirdajiden Moskvas (1951, 1959, 1980), Leningradas (1972, 1980), Germanian demokratižes valdkundas (1972, 1977, 1983, 1985), Suomes (1966, 1969, 1976).
Avtonomijoiden (1971, 1989).
Kaik SSSRan Taidehakademijan ozutelused vodelpäi 1973.
"Venän Pohjoine" (Moskva, Buharest, Baršava, Bratislava vodel 1971).
Sovetskijoiden taidehpirdajiden Bolgarias, Vengrias, Germanian demokratižes valdkundas, Pol'šas, Čehoslovakias, Ruminias, Jugoslavias, Kanadas, Mongolias, Japonias, Suomes, Kubal vodelpäi 1961.
Personaližed — Petroskoi (1966), Moskva (1977), Hel'sinki i Turku (1975).

Kanz

Vel'l' — Langinen Gennadii Fomič (Lankinen) (1938—1998) — vestai, Karjalan arvostadud taidehradnik (1991).

Homaičendad

↑ ¹ ² ³ ⁴ Kuvataidehen arhiv — 2003.
↑ Карелия: энциклопедия: в 3 т. / гл. ред. А. Ф. Титов.. — Петрозаводск: ИД "ПетроПресс", 2009. — Т. Т. 2: К—П. — С. 134—135. — ISBN 978-5-8430-0125-4.
↑ Могила Л. Ф. Лангинена (неопр.). Дата обращения: 7 heinkud 2025.
↑ Мемориальный комплекс «Крест Скорби» (неопр.). Дата обращения: 7 heinkud 2025.

Literatur

Калинин Е. С. Художники Карелии. — Петрозаводск, 2000. — С. С.150—151.. — 159 с. с. — ISBN 978-5-8430-0051-6.
Скульптор Лео Ланкинен / Сост. З. Г. Юсупова. — Петрозаводск, 2003.

Lähtked

Незабываемый Лео Ланкинен (рус.). Дата обращения: 28 heinkud 2025.
Жертвам той «незнаменитой» войны… (рус.) Дата обращения: 28 heinkud 2025.
Указ Главы Республики Карелия (рус.). Дата обращения: 28 heinkud 2025.

[_91a48217889647b5-1] ¹ ² ³ ⁴ Kuvataidehen arhiv — 2003.

[2] Карелия: энциклопедия: в 3 т. / гл. ред. А. Ф. Титов.. — Петрозаводск: ИД "ПетроПресс", 2009. — Т. Т. 2: К—П. — С. 134—135. — ISBN 978-5-8430-0125-4.

[3] Могила Л. Ф. Лангинена (неопр.). Дата обращения: 7 heinkud 2025.

[4] Мемориальный комплекс «Крест Скорби» (неопр.). Дата обращения: 7 heinkud 2025.

[1]

[2]

[3]

[4]