Orfinskii V'ačeslav Petrovič

V'ačeslav Petrovič Orfinskii
Sündundpäiv	29. sulakud 1929(1929-04-29)
Sündundtaho	Petroskoi, Karjalan ASSR[d], RSFSR[d], Sovetskii Sojuz
Kolendpäiv	2. sügüz'kud 2024(2024-09-02) (95 лет)
Ma	Venäma
Tedoerišt	arhitekturan istorii, arhitektur, etnografii
Radsija	Petroskoin valdkundaline universitet
Openduz	Moskvan arhitekturan institut[d]
Tedostepen'	Venäman arhitekturan da sauvondtedoiden akademijan akademik
Tedonimi	doktor
Om tutab kut	Venäman Pohjoižen rahvahan puarhitekturan oppii
Pauklahjad da premijad	D. S. Lihačovan fondan premii[d] (2007)
Mediafailad RUWIKI-tedoiš

V'ačeslav Petrovič Orfinskii (ven.: Вячесла́в Петро́вич Орфи́нский, 29. sulakud 1929, Petroskoi, Karjalan ASSR^[d] — 2. sügüz'kud 2024) — arhitektor, oppii, opendai, kirjutai. Venäman Pohjoižen rahvahan puarhitekturan hüvä tundii. Uden tedoalovehen — etnoarhitekturan tedon — sädai.

Elostarin

V. P. Orfinskii sündui 29. sulakud vodel 1929 Petroskoiš.

Vodel 1948 hän lopi Petroskoin arhitekturan opišton.

Vodelpäi 1950 V. P. Orfinskii tegi istorijan-arhitekturižid ekspedicijoid da iče ühtni niihe. Neniden matkoiden aigan ühtnikad tarkas oppiba Karjalan puarhitekturad, a mugažo oliba Arhangel'skan, Vologdan, Leningradan, Murmanskan, Novgorodan, Tverin, Tomskan agjoiš, oppiba Komin Valdkundan Päivnouzman Finmarkan sijad (Norvegii) da Suomen Laplandijad.

Vodel 1954 hän lopi Moskvan arhitekturan institutan.

V. P. Orfinskii zavodi rata projektan institutas "Karelgraždanprojekt" (vozil 1954—1970) i jatksi rata Petroskoin valdkundaližes universitetas, kus möhemba vodel 1972 sädi arhitekturan kafedran.

Vozil 1962—1975 V. P. Orfinskii oli RSFSRan arhitektoroiden sebran karjalaižen erišton pämehen.

Vodelpäi 1970 V. P. Orfinskii radoi opendajan Petroskoin universitetas konstrukcijoiden da arhitekturan i arhitekturan da grafikan kafedroil. Vodelpäi 1997 radoi pämehen rahvahan arhitekturan problemoiden tedo-oppindan institutas Petroskoin universitetan pohjal.

Vodel 1996 hän ohjanzi puarhitekturan oppindan laboratorijad, mitte vodel 1997 tegihe Rahvahan arhitekturan problemoiden tedo-oppindan institutaks Petroskoin universitetan pohjal.

Necilpäi-žo vodel i surmahasai V. P. Orfinskii ohjanzi jogavoččid ekspedicijod Karjaladme, miše oppida rahvahan kul'turad. Hän sädi uden tedo-oblastin, mitte ühtenzoitab ičheze arhitekturad da etnografijad — etnoarhitekturan tedod.

1960.-vozil V. P. Orfinskii tegi rahvahan soudandškolan Petroskoiš. "Karelprojektan" aigan sebran soudajad ei üht kerdad soudiba Orfinskijan ohjandusel i tegihe Karjalan vägestajikš, hö ühtniba Sovetskijan Sojuzan rahvahiden voibuihe. V. P. Orfinskii vaumišti äjid sportmehid, kudambil oli I radmahtjago. 1950.-vozil V. P. Orfinskii oli likundnevondišton varapämehen "Karelprojektan" radon aigan, a mugažo hänel oli sportradmahtjago i hän voi ohjata organizacijan šahmatoiden sebrad.

V. P. Orfinskii koli 2. sügüz'kud vodel 2024, konz hänele oli 95 vot.

Pauklahjad da arvnimed

• V. P. Orfinskii om pauklahjoitud II stepenin "Arvtegoiš Kodiman edes"-medalil (1997);
• Karjalan ASSRan arvostadud tedoradnik (1989);
• Karjalan ASSRan i Karjalan valdkundaližiden premijoiden laureat (1984, 1988, 2006);
• Venäman korktan professionaližen opendusen arvostadud radnik (2004);
• VOOPIiKan arvostadud ühtnik;
• Petroskoin arvokaz eläi (2014);
• Karjalan arvokaz eläi (2021).

Bibliografii

V. P. Orfinskii kirjuti enamba 230 tedo- da publicistiktöd, miččed oli paindud kodimaižiš da verazmaižiš painusiš, sen ližaks 11 monografijad, niišpäi 5 kollektivišt monografijad.

• Деревянное зодчество Карелии. — Л., 1972.
• Вековой спор. Типы планировки как этнический признак (на примере поселений Русского Севера) // Советская этнография. — 1989. — № 2.
• Загадки храмов Софии — Премудрости Божией // Архитектура в истории русской культуры. — М., 1996.
• Народное деревянное культовое зодчество Российского Севера (истоки и импульсы развития) // Архитектурное наследство. — М., 1996.
• К вопросу о типологии этнокультурных контактов в сфере архитектуры (на примере Российского Севера) // Фольклорная культура и её межэтнические связи в комплексном освещении. — Петрозаводск, 1997.
• Село Суйсарь: история, быт, культура. — Петрозаводск, 1997.
• Некрокультовые сооружения Российского Севера в контексте христианско-языческого синкретизма // Народное зодчество. — Петрозаводск, 1998.
• Логика красоты. — Петрозаводск: Карелия, 1982.
• Закономерности развития архитектуры. — Стройиздат, 1987.

Kanz

• Ak — Raisa Ivanovna Orfinskaja (norudes Pol'akova) (1931);
• tütär — Ol'ga V'ačeslavovna Orfinskaja (1958), istorijan tundii;
• poig — Andrei V'ačeslavovič Orfinskii (1956).

Homaičendad

Literatur

• А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2009. — С. 330—464. — ISBN 978-5-8430-0125-4.

Lähtked

• Слово об Учителе. Вячеславу Петровичу Орфинскому — 85!