Kostarik

Kostarikan Tazovaldkund
República de Costa Rica
Flag;	Valdkundznam;
Pälidn	San Hose
Eläjiden lugu (2018)	4,987,142 ristitud
Pind	51,100 km²
	Kostarikan Tazovaldkund República de Costa Rica
Kel'	ispanijan
Valdkundan pämez'	Karlos Al'varado Kesada
Päministr	hän-žo
Religii	hristanuskond, ateizm
Val'ut	kostarikan kolon (₡) (CRC)
Internet-domen	.cr
Telefonkod	+506
Aigvö	UTC−6

Tarbhaine lehtpol'/levitadud

Anglijankel'ne tarbhaine lehtpol'

Kostarik vai Kosta Rika (Keskuzamerikan suves. Pälidn da kaikiš suremb lidn om San Hose.

Istorii

Vn 1821 15. päiväl sügüz'kud Kostarik tedištoiti ripmatomudes Ispanijaspäi.

Igähižed eläjad — uetaralaižed — kadoiba täuzin Konkistan jäl'ghe.

Valdkundan ezmäine Konstitucii oli olmas vspäi 1821. Nügüdläine 12nz' lugul Konstitucii^[2]^[3] om vahvištadud vl 1949 kül'mkun 7. päiväl, se om väges äiluguižidenke vajehtusidenke, jäl'gmäižed kohendused oliba vl 2015.

Geografijan andmused

Fail:Costa Rica Topography.png

Kostarikan topografine kart

Kostarik om mavaldkundröunoiš Kokos-sar' sijadase 550 km suvipäivlaskmpolehe Tünen valdmeren randištolpäi, sigä om meriröun Ekvadoranke suvipoles.

Kostarikan suvipäivlaskmaižed randad lainištab Tün' valdmeri (randanpird — 1016 km), i pohjoižpäivnouzmaižed randad — Atlantižen valdmeren Kariban meri (212 km). Ühthine randanpird om 1228 km.

Valdkundan kaikiš korktemb čokkoim om Čirripo-mägenoc, 3820 m ü.m.t.^[4]

Londuseližed pävarad oma gidroenergii. Kaik om 74 kel'dtahod valdkundas (kacmata surhe ravhahantihedushe), ned ottas Kostarikan territorijan läz nelländest.

Tobmuz

Fail:Asamblea Leg CR 2.JPG

Parlamentan pert', San Hose

Kostarik om unitarine konstitucine prezidentine tazovaldkund äjiden partijoiden sistemanke. Valdkundan pämez' om prezident (latinižamerikaižid prezidentid. Ozutesikš, prezident ei voi panda kel'dod käskushe büdžetan pol'he.

Parlament om üks'kodine Käskusenandai Suim (isp.: Asamblea Legislativa), rahvaz valičeb sen 57 ühtnijad mugažo nelläks vodeks. Valdkundas eile käskusenandajid suimid municipalitetoiš.

Voziden 1948−1949 Rahvanikoiden sodan jäl'ghe Kostarikal eile ičeze armijad (iče kel'dihe), vaiše policii radab.

Kostarikan päjärgvaličendad oliba vn 2018 kahtel tural, 4. uhokud i 1. sulakud, valitihe prezidentad i parlamentan ühtnijoid. Karlos Al'varado Kesada om valitud kahtes turas (sai 60,59%) da radab prezidentan vs 2018 semendkun 8. päiväspäi.

Administrativiž-territorialine jagand

Kacu kirjutuz: Kostarikan administrativiž-territorialine jagand.

Kostarik jagase seičemeks agjaks (provincijaks, isp.: provincia). Agjad alajagasoiš kantonoikš (niid om 81, isp. cantón), ned — rajonikš (isp. distrito, vl 2011 niid oli 464).

Eläjad

Kostarikas elädas kostarikalaižed. Vl 2013 valdkundan ristitišt oli 4 713 168 eläjad^[5]. Kaikiš suremb ristitišt om nügüd'.

Augotižlibundan mödhe (2011): evropalaižed i mestizo — 83,6%, mulatad — 6,7%, sijaližed indejalaižed — 2,4%, afrikalaižed — 1,1%, toiženke augotižlibundanke — 1,1%, ozutandata — 2,9%, märhapanendata — 2,2%.

Uskondan mödhe (2016): riman vižkümnenden päivän jumalankodikundan uskojad — 12,3%, toižed protestantad — 2,6%, Jehovan tundištajad — 0,5%, toižed uskojad — 2,4%, uskondata — 10,4%.

Toižed järedad lidnad (enamba 50 tuh. ristituid vn 2011 rahvahanlugemižen mödhe^{Kartago, Pavas, Limon, Hatil'jo. Lidnalaižiden pala om 80,8% (2020).}

Ižanduz

Kostarikan päeksport om mikroprocessorad, medicinmašiništ, meren sömproduktad, din'ad, ananasad, dekorativižed kazmused.

Homaičendad

Irdkosketused

Kostarik Vikiaitas

[1] Kostarikan ristitišton endustuz vn 2018 heinkus // Mail'man faktoiden kirj. — Cia.gov. (angl.)

[2] Kostarikan Konstitucijan tekst constituteproject.org-saital. (angl.)

[3] Kostarikan Konstitucijan tekst costaricalaw.com-saital. (isp.) (angl.)

[4] Keskuzamerikan kaikiš korktembad mägenpäd peaklist.org-saital. (angl.)

[5] Proyecciones de población al 30 de junio de 2013 (Ristitišton endustused vn 2013 30. päiväl kezakud). — Inec.go.cr. (isp.)

[6] Costa Rica: Población total por zona y sexo, según provincia, cantón y distrito. C01. (2011. Kostarik: ristitišt zonan i sugun mödhe, agjan, kantonan i rajonan mödhe). — Inec.go.cr. (isp.)

[1]

[2]

[3]

[4]

[5]