Ezmäine änik

Ezmäine änik
Первоцвет
Avtor	Ol'ga Žukova
Žanr	Runod da starinad
Originalan kel'	Vepsän kel'
Original om paindud	2023
Paindai	Periodika
Носитель	Kirj

«Ezmäine änik» (ven.: Первоцвет) — runoiden da starinoiden kogomuz' vepsän kelel, avtor - Ol'ga Žukova, toimitai - Nina Zaiceva, taidehpirdai - Margarita Jufa. Kirj läksi eloho vodel 2023 Vepsän kul'tursebran abul, Karjalan pämehen grantoiden fondan rahatugel Petroskoiš Karjalas Periodika-paindištos. Kirj om oigetud penile da vanhembile lapsile, školan openikoile, ked mahtaba pagišta vepsäks, libo opendaba vepsän kel't školas. Kirjan prezentacii mäni Petroskoiš "Kirjmel'nican" aigan.

Kirjan südäimišt

«Ezmäine änik» - kirj - nece om runoiden da sarnoiden kogomuz' peniden da vanhembiden lapsiden täht, ked mahtaba pagišta vepsäks, libo opendaba vepsän kel't školas. Kirjas om 16 runod da 13 sarnad vepsän kelel, miččed starinoičeba voden aigoiš, kodiman londuses, lapsiden holiš. Gerojad oma živatad, lindud? londusen olijad da lapsed. Aavtor om vepsläine runoilii da kirjutai Ol'ga Žukova. Natalia om vepsläine. Hän om sündunu vepsläižehe kanzaha.

«Nel'l' dölod» - sarnoiden kogomuz' om kätud vepsän kel'he. Kändmižid tegi vepsän kelen tedai Larisa Čirkova. Kirjan nimi om tehtud pohjoižvepsän paginal, sikš ku iče avtor om pohjoižvepsläine. Sarnad om kirjutadud vepsän kirjkelel, se abutab sirtta kirjad vepsän rahvahan keskes Karjalas, Piterin da Vologdan agjoiš.

Sarnoiš oma erazvuiččed süžetad, kus oma vedehižed, mechižed, londusen eläjad, henged. Tägä tehtas magižed azjad. Kaik sarnan henged eläbzuba muga, miše ristitud voiba pagišta heidenke. Nece om vepsläine pird. Ei muite tedomehed nimitaba vepsläižid «Londusen lapsikš». Kirjan avtor löuzi melentartuižid süžetoid, hengid, ühtenzoiti niid ičeze sarnoiš.

Kaik sarnad voib kundelta audioformatas "Arktikan lapsed" portalal.

Avtor

Ol'ga Žukova oli sündunu 19. tal'vkud vodel 1978 Kurb-küläs Podporožjen rajonas Piterin agjas vepsläižes kanzas, koli 31. vilukud vodel 2023 Petroskoi-lidnas - vepsläine tedomez', runoilii, vepsläižen fol'kloran, sai- da mahapanendvoikuiden tundii, filologian tedokandidat (2009), Venäman tedoakademian Karjalan tedokeskusen Kelen, literaturan da istorian institutan noremb tedoradnik,, Petroskoin universitetan Filologian institutan docent, vepsän kelen opendai, Vepsän kul'tursebran ühtnik.

EZMÄINE ÄNIK. Runod

• Midä tegi keväz’?
• Keväz’ tuleb.
• Ezmäine änik.
• Mi om keza.
• Babukoihe.
• Sügüzen mujud.
• Tal’vut.
• Uden Voden praznik.
• Jänoi, jänoi!
• Kudmaine.
• Töndu matkaha!
• Tuti-tuti-tuti-ti.
• Baboin käded.
• Meiden heled kirjamišt.
• Ozoitesed vodenaigan polhe.
• Uden Voden ozoitesed.

EZMÄINE ÄNIK. Starinad

• Kuna jokseb ojaine.
• Kaikjal om mujuid.
• Vauged jäniš.
• Kuspäi neglikoil oma neglad?
• Kezalebu küläs.
• Tal’v-kuvitai.
• Jäpuraz.
• Kadonu kaži.
• Kut tat poiganke kuzen valiči.
• Koir da minun alaine.
• Baboin uudimed.
• Sarn piragvärtinas.
• Nagriž pertin päl.

Homaičendad

Literatur

• Žukova, O. Ezmäine änik / Ol’ga Žukova; taidehpirdai Margarita Jufa. - Petroskoi: Periodika, 2023. - 60 l.: kuvad - Nimi da tegii lähtendtedoiš: Ezmäine änik: runod da proza vepsän kelel lapsiden täht / Žukova Ol'ga Jurjevna. - ISBN 978-5-88170-440-7.

Lähtked

• Ezmäine änik-kirj vepsän kelel onlain-kirjištos. Ol'ga Žukova
• Ezmäine änik-kirjan polhe Karjalan TV programmas starinoičeb kirjan toimitai Nina Zaiceva
• Ezmäine änik-kirjan polhe Karjalan TV uzištoiš