Lühüdad pajoižed

Lühüdad pajoižed
Короткие песенки
Avtor	Rürik Lonin
Žanr	fol'klor
Originalan kel'	Vepsän kel'
Original om paindud	2000
Paindai	Periodika
Lehtpol't	70
Носитель	Kirj

"Lühüdad pajoižed" (ven.: Короткие песенки) om vepsän kelen tundijan, fol'kloran kerdajan Rürik Loninan kirj vepsän kelel. Kirjas oma ezitadud vepsläižed lühüdad pajoižed. Ned oma keratud Pohjoižvepsän, Keskvepsän da Suvivepsän agjoiš. Kirj om pästtud Petroskoi-lidnas vodel 2000.

Üleižed tedod

Rürik Petrovič Lonin om kodiröunan tundii, kaks'keline kirjutai (kirjuti vepsän kelel da venän kelel), vepsän fol'kloran keradai, Šoutjärven vepsän etnografižen muzejan tegii.

"Lühüdad pajoižed" om üks' Rürik Loninan kirjoišpäi, kuna mülüiba lühüdad pajoižed vepsän kelel, miččid venän kelel kuctas častuškoikš, niid hän kerazi da kirjuti Pohjoižvepsän, Keskvepsän da Suvivepsän agjoiš vozil 1956—1990. Erasid pajoižid hänele anttihe Kelen, literaturan da istorijan institutan kollekcijaspäi. Hän R. Lonin valiči niid M. Zaicevan da M. Mulložen "Obrazci vepskoi reči"-kirjaspäi. Enamba nenid pajoid navediba pajatada akaižed. Erasiš pajoižiš voib kulištada vanhoid sanoid, kudambid jo nügüd' ei kävutagoi paginas vai kävutadas harvoin. Enamba pajatadas armastusen polhe.

Kukkub, kukkub kägine
pit’kän kuuzen ladvas.
Voikab, voikab niičukaine
vepsän prihän kaglas.
Lühüdad pajoižed-kirj, l.7

Kirjan ezisanoiš Rürik Petrovič homaičeb, miše Pohjoižvepsän agjan pajoižiš ei ole mugošt rifmad, mitte om toižiden agjoiden pajoiš.

Olen mugošt mel't, miše pajoižid tehtihe sid'-žo, besedal išttes, pajatiba teravas, midä putub pähä. No kaiken-se tekstoišpäi voib löuta homaitusid materialižes i hengeližes vepsän rahvahan kul'turas, endeližes i nügüd'läižes vepsän rahvahan elos.
Rürik Lonin

—

Nece kirj om paindud Karjalan valdkundaližen rahvahaližen politikkomitetan da Vepsän kul'tursebran abul diapozitivišpäi Anohinale nimitadud "Znak početa"-painištos, Petroskoiš. Kirjas om 70 lehtpol’t.

Lühüdad pajoižed-kirj om allekirjutadud painusehe 8. uhokud vodel 2000. Sen toimitai om Nina Zaiceva. Kirjas om notoiden ližapala, miččen tegi muzikkul'turan tedaimez' da muzikredaktor Irina Borisovna Semakova.

Kirjan südäimišt

Kirj zavodiše ezisanoil, miččed kirjuti iče Rürik Petrovič, sidä jäl'ghe om viž palad:

• Pohjoižvepsän agj;
• Keskvepsän agj;
• Suvivepsän agj;
• Küliden nimed, ristituiden nimed;
• Notiden ližaduz.

Homaičendad

Lähtked

• Lühüdad pajoižed-kirj