Minun rahvhan fol'klor

Minun rahvhan fol'klor
ven.: Фольклор моего народа
Avtor	Rürik Lonin
Žanr	fol'klor
Originalan kel'	Vepsän kel'
Original om paindud	2000
Paindai	Periodika
Lehtpol't	94
Носитель	Kirj
ISBN	5-88170-032-5

"Minun rahvhan fol'klor" (ven.: Фольклор моего народа) om Rürik Loninan kirj vepsän kelel. Kirjas om paindud erazvuiččed vepsän fol'kloran materialad: rahvahaližed sarnad, starinad, runod, pajod, voikud, näritused, ilostarinad, ozoitesed, muštatišed, miččed Rürik Lonin kerazi erazvuiččiš vepsün man röunoiš. Kirj om pästtud Petroskoiš vodel 2000, Periodika-painištos.

Üleižed tedod

Rürik Petrovič Lonin om kodiröunan tundii, kaks'keline kirjutai (kirjuti vepsän kelel da venän kelel), vepsän fol'kloran keradai, Šoutjärven vepsän etnografižen muzejan tegii.

"Minun rahvahan fol'klor" om üks' Rürik Loninan kirjoišpäi, miččehe mülüiba rahvahaližed sarnad, starinad, runod, pajod, voikud, näritused, ilostarinad, ozoitesed, muštatišed, arboitused vepsän kelel. Äjad runod starinoičeba armastuses kodimaha, sen londusehe da živatoihe. Oma arvokahad ozutesed pohjoižvepsläižiš voikuišpäi, kudambad jo kadoiba nügüd'läižespäi elospäi.

Kirj om oigetud nügüd'läižile man eläjile, kelen mahtajile i nenile, kend vaiše zavodiba opeta vepsän kel't da kul'turad, mugažo tedaimehile, sikš ku fol'klorkirjoid vepsän kelel ei ole äi.

Necen fol'klorkirjan toimitai om nügüd'läižen kirjkelen tegi, filologijan tedodoktor Nina Zaiceva. Kirjan koren tegii om Margarita Jufa.

Minun rahvahan fol'klor-irj om paindud Periodika-painištos, sen lugumär om 2000 kirjad. Kirjas om 94 lehtpol't.

Kirjan ezisanoiš Rürik Petrovič sanub:

Nacein, miše kirj linneb mel'he äjile, ken navedib lugeda vepsän kelel, ken tehleb tedotöid vepsän fol'kloran da kul'turan pol'he.
Rürik Lonin

—

Nece kirj om paindud Pohjoiž-Suomen manradajiden nevondišton rahaabul Petroskoiš.

Südäimišt

Kirjan augotižsanad kirjuti Hel'sinkin universitetan professor Seppo Suhonen. Ezipaginas Rurik Lonin starinoičeb mitte om necen kirjan jüvä da znamoičend. Sidä jätktas kirjan palad:

• Sarnad (Tark Van'ka, Jagi-babb i Van'ka, Tütär i emindam, Laskav Maša, Maša i kondi, Rauk Mašaine, Carin saldat, Ougot' mamm poigan ostmiišihe, tark poig, Savesine prihäine,Kondi i reboi, Koumen sizaresed, Kut ukoine ičeze höboižen kaič,Kut babo tahtel' päzda dedospei, Kut prihäine manit' pakičijal dengoid, ižand i hänen radnikad, Kut vargastajad manitet'he babod da dedod, Bat't' i poigad,Toi poig mamale razvavazan, Kut niššat mužik papin manit', Semetihe dedo da babo kagran da rugehen katusen päle, Mašaine läks' mevha marjoihe, Kelle mida, Taivaz langen', Nenakaz ak, Kut Platon papin oli, Mužik Semenzi herneht, Poigan oza);
• Starinimižed (Kalanik, Kalanikoide znam);
• Runod (Äniždärv,Šoutar'vd'ogi, Kiskoi-kaskoi;Torpale,Rorpale; Tu-tu-lutu,Savi-lutu; Däniž d'oksob dähutt möto, lopin mina lopuižen, Lugemine, Läks' Püudei kalad samha, Mänin minä mägele, Sanugamoi sarnoižid, Kiska-kažine, Oravad, Päiväine, Tal'v, Mecantagine külä, Vezison', Miide lapsed nüguniižed, Tuli tal'v);
• Pajad (Kuule mindei, sötai; Miide Van'a; Minun mel'hine; Tu-ru-ru-ru da tu-ru-ru-ru; Lapsed voiktaze; Sade, voi; Därven randal; Ištui kana puul; D'ogirandal; Ala, kana, kakata; Vepsän rand; Čipitab röustas; Vepsän ma; Eli Griška; Ala mindei manita; Rodi höbo varzaižen; Kapustaine; Kazva, vil'l'; Kuldain paštab; Nouze, nor' muču;Härkin; Säs'k; Radon paja; Norištpaja; Paimnen paja; Tangun paja; tusttumine; Oma Rozmgel vävud; Vepsän man mö lujas navedim;);
• Voikud;
• Nimitesed;
• Anekdotad;
• Sanomad;
• Ozoitesed.

Lopiše kirj küliden da ristituiden nimiden lugetišel, kenelpäi Rürik Lonin om kirjutanu fol'klormaterialan.

Homaičendad

Lähtked

• Народная песня из книги Р. П. Лонина "Minun rahvhan fol’klor", Прионежский диалект.
• Minun rahvhan fol'klor