Vepsläižed (kirj)

Рувики-späi
Vepsläižed
ven.: Вепсы
Vepsläižed.jpg
Avtor Zinaida Strogalščikova
Žanr istorii-etnografine tedosanutez
Originalan kel' Vepsän kel', venän kel'
Original om paindud 2008
Paindai Periodika
Lehtpol't 256
Носитель Kirj
ISBN 978-5-88170-179-6

"Vepsläižed" (ven.: Вепсы) om Zinaida Strogalščikovan kirj vepsän da venän kelel. Se mülüb Fenno-Ugrika-Kirjišt-serijaha, mittušt painab Vengrian Colegium Fenno-ugrikum-institut. Nece om kormankirj vepsläižiden polhe. Kirj läksi eloho vodel 2008[1].

Vepsläižed tedosanutez oli paindud Karjalan rahvahaližen politikan i uskonsebroiden azjoiden Ministerstvan abul Petroskoiš Karjalas Periodika-paindištos. Kirjan kändai om filologijan tedodoktor Nina Zaiceva(vepsän kel'he). Kirj om oigetud kaikile, ked mahtaba lugeda vepsäks, ked opendaba vepsän kel't školas, universitetas, vepsän kelen kursoil da kelle om melentartušt vepsläine literatur.

Südäimišt

Kirjan avtor Zinaida Strogalščikova starinoičeb kirjas vepsläižiden keles, istorijas, veroiš, materialižes i hengeližes kul'turas, heiden elotahoiš da vepsän kelen i kul'turan nügüdläižes olendas.

Tedod kirjas om jägadud 17 palaha: "Üleižed tedod.Elotahod i lugumärad", "Vepsän kel'", "Etnonimad i ičenimed", "Antropologine kuva", "Vepsläižiden jured i heiden endevanh istorii", "Vepsläine agj XV—XVIII voz'sadoil", "Vepsläižed XIX voz'sadal-XX voz'sadan augpolel", "Vepsläižiden tradicionine elomišt; eloradod", "Vepsläižiden küläd da vepsläižed pertid", "Kodiradod i käzitöd", "Rahvahaližed sömižed", "Hengine kul'tur. Verod", "Veroiden eländ" "Vepsläine fol'klor", "Vepsläižiden demografine kuva XXI—XX voz'sadoil", "Vepsläižed valdkundan sulatuzpolitikan aigan" "Vepsläižed vajehtuzkeskustan aigan".

Tedosanutesen täht Z. Strogalščikova kerazi da ühtezoiti äi tedoid vepsläižes kul'turaspäi, fol'kloraspäi, istorijaspäi, kelespäi, elospäi[2].

Kirjan toimitajad oma Jelizaveta Haritonova da Ol'ga Žukova. Kuvad — I. V. Heglund. Kirjan lugumär om 500 kirjad.

Avtor

Zinaida Ivanovna Strogalščikova om sündunu vepsläižes Sarjärv'-küläs, Podporožjen rajonas, Piterin agjas. Hän om vepsläine tedomez', politik, Vepsän kul'turan sebran varapämez', istorian tedokandidat, Karjalan tedokeskusen Kelen, literaturan da istorian institutan vanhemb tedoradnik. Om pauklahjoitud ordenan medalil «Za zaslugi pered Otečestvom» toižel stepenil[3].

Homaičendad

  1. ↑ Строгальщикова З. И. Вепсы : историко-этнографический очерк. Дата обращения: 11 kül'mkud 2025.
  2. ↑ Zinaida Strogalščikova kirjad, sanutesed, očerkad. Дата обращения: 11 kül'mkud 2025.
  3. ↑ Известный ученый и общественный деятель Карелии Зинаида Строгальщикова удостоена госнаграды России. Дата обращения: 11 kül'mkud 2025.

Lähtked

Om sadud "https://vep.ruwiki.ru/w/index.php?title=Vepsläižed_(kirj)&oldid=468709"