Zaozerjen londusen kaičuztaho
| Zaozerjen londusen kaičuztaho | |
|---|---|
 Kaikid korktemb Fennoskandijan kuz' | |
| Rahvahidenkeskeižen londusen kaičuzsebran kategorii — IV (Suguiden libo olensijoiden ohjandusen taho) | |
| Pätedod | |
| Pind | 2658 ga |
| Sündundpäiv | 31. vilukud 1991 |
| Olendsija | |
| Ma | |
| Region | Karjalan Valdkund |
| Läheline lidn | Petroskoi |
 Mediafailad RUWIKI-tedoiš | |
Zaozerjen londusen kaičuztaho (ven.: Заказник «Заозе́рский») — valdkundaline landšaftan kaičuztaho Petroskoin lidnlaižes ümbruses da Änižröunas Karjalas, eriži kaitud londuztaho, mitte om tehtud 31. vilukud vodel 1991.
Üleižed tedod
Londusen kaičuztaho om tehtud Karjalan ASSRan Ministroiden nevondišton käsköl № 19 31. vilukud vodel 1991. [1].
Sijadase Änižjärven Petroskoin lahten päivnouzmanpolen randal, Baranii Randan nemel. Matk Karjalan pälidnaspäi Petroskoišpäi — 17 kilometrad[2].
Londusen kaičuztahon üleine pind — 2658 gektarad[1].
Eriži kaitud londuztahon erigoičused
Landšaft om jüged jagatud reljefanke, äjidenke kal'l'oidenke. Jäl'gmäižen jädumižen jäl'ged ozutasoiš morenan manpalal (0,5—10,0 m). Macoiš oma vanhad kuzištod da pedajištod, vastasoiš mugažo koivištod, lepištod, ülähäižed sod[1].
Londusen kaičuztahos kazvab kaikid korktemb Fennoskandijan kuz'. Ekologad löuziba sen vodel 2010, sil aigal sen igä oli 170—180 vot. Tüven diametr pun alusenno — 1,5 metrad, korktudel 1,3 metrad man pindaspäi — 96 sm. Pun korktuz' — 36 metrad. Vodel 2012 Kaiken Venäman "Pud — eläban londusen muštpachad"-programman laudkund vahvišti necidä pud londusen muštpachaks da pani sidä Venäman pit'kiden igäižiden puiden lugetišhe[1].
Londusen kaičuztahon öbokan pol' röunatab Čortov stul-londusen muštpachanke, geologižen londusen muštpachanke, miččel voib nägištada lämoimägespäi tehtud suisarin lämoimägen kompleksad, sille om läz 2 mlrd vot[1][3].
.jpg)
Kävumine
Kaikutte tahtnik voib tulda londusen kaičuztahoze. Ajada Petroskoin lidnan keskusespäi voib lidnalaižil avtobusoil, miččed mäneba Sollomennojen rajonaha da Suisar'-küläha[2].
Karjalan eriži kaitud regionaližen znamoičendan londuztahon pämehišt tegi ekotehuzid "Kaikid suremban kuzennoks" da seižutimid turistoiden täht[2].
Londusen kaičuztaho om popul'arine lebusija rahvahan täht, sikš ku sigä om sur' rand[2][1].
Homaičendad
- ↑ 1 2 3 4 5 6 Особо охраняемые природные территории Республики Карелия / Министерство природных ресурсов и экологии Республики Карелия, Бюджетное природоохранное рекреационное учреждение Республики Карелия "Дирекция особо охраняемых природных территорий регионального значения Республики Карелия", Карельский научный центр Российской академии наук; [сост.: Кипрухин И. В. и др.]. — Петрозаводск : Министерство природных ресурсов и экологии Республики Карелия, 2017. — 432 с. : ил., фот. ; 25 см. — ISBN 978-5-4386-1458-6
- ↑ 1 2 3 4 Заповедная Карелия / Бюджетное природоохранное рекреационное учреждение Республики Карелия "Дирекция особо охраняемых природных территорий регионального значения Республики Карелия" — Петрозаводск : Бюджетное природоохранное рекреационное учреждение Республики Карелия "Дирекция особо охраняемых природных территорий регионального значения Республики Карелия". — 29 с.
- ↑ Легендарная Карелия. Урочище "Чёртов стул"