Lüberci

Lüberci
Флаг[d] Герб
55°40′42″ с. ш. 37°53′40″ в. д.
Valdkund	Venäma
Глава	Vladimir Ruzhitsky[d]
Istorii da geografii
Tegemižen päiv	1623
Pind	44 ± 1
Высота	130
Aigvö	UTC+3:00[d]
Ekonomik
Eläjad
Eläjad	▲224 195 чел. (2021)
Lugud
Telefonan kod	495, 496 и 498
Počtan indeksad	140000–140014
-
Официальный сайт
lugeda • diskussii • redaktiruida

Lüberci (Moskvan päivnouzmaine ezilidn, agjan kudenz' lidn eläjiden lugun mödhe, Lübercin lidnümbrikon (edel vn 2017 vilukud — rajonan) administrativine keskuz.

Istorii

Eländpunkt mainitase ezmäižen kerdan vl 1621 kuti Liberici-Nazarovo-külä (Aleksandr Menšikov-ruhtinaz valdoiči žilos vspäi 1705, sauvoi pert'kulud, kivišt padoseinäd puištonke, i udesnimiti Novo-Preobraženskoje:ks, möhemba Liberici möst. Vll 1862−1864 saudihe raudteid žilonno Kolomnhasai i Räzanihesai. Sätud vl 1899 purumašinoiden tegim radaškanzi vspäi 1910 maižanduzmašinoiden tegimeks. Radnikžilo sai lidnan statusad vl 1925. Mülütihe lähižid žiloid lidnha vl 1934. Kätihe Lübercin päivlaskmad Moskvan palaks vl 1984 (nüg. Kosino- i Žulebino-rajonad).

Lüberci šingotase «Ka»-punolendimiden tegimel, maižanduzmašinoiden tegimel (oz., saharrogon obrädindkombainad), sauvondmaterialiden pästandal (niiden kombinat, alüminiikonstrukcijoiden tegim pertiden täht maižanduzmašinoiden tegimen cehoiden palas), kouroiden tehmižühtelmasel i torguindmašiništon edheotandal.

Geografijan andmused

Lidn sijadase lidnümbrikon lodehes da keskuses, 130 m ü.m.t. keskmäižel korktusel. Röunatab Moskvanke päivlaskmas, Moskvan rengazavtote om 2 kilometras lidnaspäi. Pehork-jogi (Moskvan hura ližajogi) jokseb 1..3 km päivnouzmha lidnaspäi. Toižed lähembaižed lidnad oma Kotel'niki ani suvipäivlaskmha i Dzeržinskii 4 km suvipäivlaskmha.

«Ural»-manten «Moskv — Kazanin päraudtestancijhasai om 19 km.

Edel 2017. vot lidnankundan pind oli 43,68 km². Tomilinon puišt otab sen znamasišt palad.

Eläjad

Vl 1939 lidnan ristitišt oli 46 491 eläjad, vl 1959 — 93 255 eläjad. Vn 2010 Venäman rahvahanlugemižen mödhe lidnan eläjiden lugu oli 172 525 ristutud, rajonan (nüg. lidnümbrik) kaks' koumandest. Kaikiš suremb ristitišt om enamba 200 tuhad eläjid vspäi 2018 (207 349 rist. vl 2019). Ortodoksižen hristanuskondan kuz' jumalanpertid i kaks' časounäd oma olmas lidnas.

Rahvahad (2010): venälaižed — 93,3%, ukrainalaižed — 1,5%, armenijalaižed — 1,3%, toižed rahvahad — 3,9%.

Professionaližen opendusen aluzkundad oma Lübercin tehnikum, Moskvan agjan medicinižen kolledžan nomer 2 (Ramenskoje) Lübercin filial, üläopendusen aluzkundad (kaivuztöiden institut, muitakademii, fizkul'turan akademii) da seičeme filialad (Moskv).

Galerei

• 

  Krumingan pert'

• Люберцы. Церковь Спаса Преображения. - panoramio (1).jpg

  Spasan Toižetamižen jumalanpert'
  vl 2016

• 

  Venäman muitakademii

• Ptu gagarin.jpg

  Lübercin tehnikuman üks' sauvusišpäi

• 

  Lüberci I-raudtestancii vl 2007

Irdkosketused

• Lidnümbrikon tobmuden aluzkundoiden oficialine sait (люберцы.рф). (ven.)
• Lidnan informacine sait (inlubertsy.ru). (ven.)