Mušton da gor'an päiv

Mušton da gor'an päiv
Mušton da gor'an päiv
	; "Mušton tohuz"-akcii Vägestusen muzejas (2023)
Päiv	22. kezakud
Sü	Sur' Kodiman voin
	26,6 mln sovetskijoiden eläjiden kolnuzid
Om suditud	Germanian nacizman voinpahantegijad
Sudan azj	vep.
	Mediafailad RUWIKI-tedoiš

Mušton da gor'an päiv (ven.: День па́мяти и ско́рби) — muštpäiv, mitte om üks' kaikiš opalahižembišpäi Venäman istorijas. 22. kezakud vodel 1941, konz Germania ühtenmeližidenke maidenke tacihe Sovetskijan Sojuzan päle, zavodihe Sur' Kodiman voin. Joga voden 22. kezakud Venämal, Belorussias i toižiš enččiš Sovetskijan Sojuzan maiš pidetas muštazjtegoid^[1].

Voinan voziš koli 26,6 mln sovetskijoid eläjid (heišpäi 8,7 mln om riktud torapöudoil; 7,42 mln — om riktud nacistoil okkupiruitud tahoil; 4,1 mln — koli näl'gha okkupiruitud tahoil; 5,27 mln — om ajadud Germaniaha). Nacistad murenziba Sovetskijan Sojuzan 1,7 tuhad lidnoid da külid, läz 70 tuhad külid, valdkund da eläjad kadotiba materiališt ližad 679 mlrd rubl'ad (voden 1941 arvod)^[2].

Venäma

13. heinkud vodel 1992 Venäman Korktan nevondišton prezidium ičeze käskös nimiti 22. kezakud Kodiman kaičijoiden Mušton päiväks.

8. kezakud vodel 1996 Venäman prezident Boris Jel'cin nimiti 22. kezakud Mušton da gor'an päiväks.

24. redukud vodel 2007 Mušton da gor'an päiv pandihe Venäman voinrohktuden päividen da muštpäivmäriden lugetišehe^[3].

Tradicijad

Änetomuden minut Mušton da gor'an päiväl (2023)

22. kezakud tedotadas kaikenvenäman änetomuden minut Sovetskijan Sojuzan žertvoiden muštoks, valdkundaližiden organizacijoiden pertil lasktas Venäman flag, laivoil — Andrejevskii flag, pertil riputadas flag opallentaižidenke. Kul'turpertiš, televidenijas da radios heittas kaik ilotuzprogrammad^[4].

Kaikedme madme mäneba muštazjtegod, "Mušton varjoičendaig"- i "Mušton tohuz"-akcijad, Suren voinan gerojiden muštpachile pandas änikoid da änikvencoid^[5]. Sur' homaičuz necile päiväle anttas Venäman voingarnizonoiš i Rosgvardijas. Ozutesikš, vodel 2024 rosgvardeicad, kudambad ühtniba Eriližehe voinoperacijaha, ištutiba puid Doneckan Valdkundan puištoiš da skveroiš "Mušton sad"-akcijan aigan^[6].

Rosgvardeicad Eriližen ühtneba "Mušton sad"-akcijaha (2024)

Venäman Prezident, Venäman valdmehišton ezitai, Federacijan Nevondišton pämez', Parlamentan pämez', Venäman valdkundan ühtnikad, Parlamentan deputatad, Venäman senatorad,veteranoiden organizacijoiden ezitajad paneba änikvencoid Tundmatoman Saldatan kaumale Aleksandran sadus.

Venäman prezident Vladimir Putin Tundmatoman Saldatan kaumanno (2023)

Mušton da gor'an päiv vodel 2024

22. kezakud vodel 2024 avoirdal Vägestusen muzejan edes Moskvas mäni kaikenvenäman "Mušton tohuz"-akcii: openikad, üläopenikad i Sur' Kodiman voinan veteranad sütutiba sadoid tohuzid, ičetahtoižed abunikad tegiba lämoikuvan, mitte johtutab taidehpirdajan Irakli Toidzen "Gerojile — kodiman sal'ut!"-plakatad, Vägestusen muzejan fasadal ozutadihe interaktivine video vai install'acii "Mušta!"^[7].

Install'acii "Mušta!" Vägestusen muzejan fasadal (2024)

Ühten aigan kaikiš Venäman lidnoiš da küliš zavodihe akcijad Sovetskijan Sojuzan eläjiden muštoks, neniden, ked koliba Suren voinan vozil. Necil päiväl venälaižiš muzejiš oli avaitud ekspozicijad, miččed starinoičeba Germanian da sen ühtenmeližiden maiden tacindas Sovetskijan Sojuzan päle. Ozutesikš, VDNHas vedetihe maksutomad "Libu, sur'kulu ma!"- i "Kirjeižed da päivkirjad kut mušt voinan polhe"-ozutelused (miše putta sille, pidi registriruidas aigvodhe)^[7].

264x264пкс

Belorussia

Belorussias nece päiv pidetas kut "Suren voinan žertvoiden kaikenrahvahan mušton päiv" (belorussian kelel Дзень усенароднай памяці ахвяр Вялікай Айчыннай вайны)^[8]. Möhemba se oli udes nimitadud "Suren voinan žertvoiden kaikenrahvahan mušton da belorussian rahvahan koletandan päiväks".

Dmitrii Medvedev и Aleksandr Lukašenko paneba änikvencad (2008)

Homaičendad

↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Дата обращения: 23 sügüz'kud 2025.
↑ День памяти и скорби — день начала Великой Отечественной войны (неопр.). РИА "Новости". Дата обращения: 23 sügüz'kud 2025.
↑ День памяти и скорби. Досье (неопр.). ТАСС. Дата обращения: 23 sügüz'kud 2025.
↑ Указ Президента России от 8 июня 1996 года № 857 (неопр.). Предпринимательское право (8 kezakud 1996). Дата обращения: 23 sügüz'kud 2025.
↑ День памяти и скорби. 83-я годовщина начала Великой Отечественной войны. Как советские граждане узнали о нападении (неопр.). РБК. Дата обращения: 23 sügüz'kud 2025.
↑ В преддверии Дня памяти и скорби росгвардейцы в ДНР присоединились к акции «Сад памяти» (неопр.). "Росгвардия". Дата обращения: 23 sügüz'kud 2025.
↑ ¹ ² Помнить историю, чтить героев: какие мероприятия пройдут в столице в ночь на 22 июня (неопр.).
↑ День всенародной памяти жертв Великой Отечественной войны в Беларуси (рус.). Министерство обороны Республики Беларусь. Дата обращения: 23 sügüz'kud 2025.

Lähtked

[1] Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Дата обращения: 23 sügüz'kud 2025.

[2] День памяти и скорби — день начала Великой Отечественной войны (неопр.). РИА "Новости". Дата обращения: 23 sügüz'kud 2025.

[3] День памяти и скорби. Досье (неопр.). ТАСС. Дата обращения: 23 sügüz'kud 2025.

[4] Указ Президента России от 8 июня 1996 года № 857 (неопр.). Предпринимательское право (8 kezakud 1996). Дата обращения: 23 sügüz'kud 2025.

[5] День памяти и скорби. 83-я годовщина начала Великой Отечественной войны. Как советские граждане узнали о нападении (неопр.). РБК. Дата обращения: 23 sügüz'kud 2025.

[6] В преддверии Дня памяти и скорби росгвардейцы в ДНР присоединились к акции «Сад памяти» (неопр.). "Росгвардия". Дата обращения: 23 sügüz'kud 2025.

[:0-7] ¹ ² Помнить историю, чтить героев: какие мероприятия пройдут в столице в ночь на 22 июня (неопр.).

[8] День всенародной памяти жертв Великой Отечественной войны в Беларуси (рус.). Министерство обороны Республики Беларусь. Дата обращения: 23 sügüz'kud 2025.

[1]

[2]

[3]

[4]

[5]

[6]

[7]

[8]