Uz' Läl'

Uz' Läl'
Флаг[d] Герб
59°03′ с. ш. 60°36′ в. д.
Valdkund	Venäma
Istorii da geografii
Tegemižen päiv	1903
Pind	20
Высота	100
Aigvö	UTC+5:00[d]
Ekonomik
Eläjad
Eläjad	▼10 684 чел. (1 vilukud 2021)
Lugud
Telefonan kod	34388
Počtan indeksad	624400–624499
-
Официальный сайт

Uz' Läl' (Uden Lälin lidnümbrikon (edel 2006. vot — rajonan) administrativine keskuz, mülüb sihe.

Istorii

Eländpunktan aluz om pandud vl 1903 kuti Uz' Läl' -žilo (Vanh Läl'-žilo-ki om olmas), nimitihe jogen mödhe. Vspäi 1928 oli rajonan keskuseks. Žilo sai lidnan statusad vl 1938. Toižen mail'man sodan aigan patrontegim radoi lidnas.

Uz' Läl' šingotase Uden Lälin cellülozbumagaižel kombinatal, mugažo mecižandusen edheotand i leibänkombinat ratas.

Geografijan andmused

Lidn sijadase Läl'-jogen muugotil randoil (Sos'v-jogen oiged ližajogi, Obin hurapol'ne bassein), 100 m ü.m.t. keskmäižel korktusel. Läl'-raudtestancii om «Alatagil — Serov»-keskustal, sijadase lidnan keskuses. Viž avtotesildad om saudud Läl'-joges päliči. Matkad Jekaterinburghasai om 246 km suvhe orhal, 290 km avtotedme vai raudtedme. Lähembaine lidn om Verhoturje 25 km suvipäivnouzmha orhal vai raudtel, 41 km avtol.

Eläjad

Vn 2010 Venäman rahvahanlugemižen mödhe lidnan eläjiden lugu oli 12 734 ristitud, lidnümbrikon viž ühesandest. Kaikiš suremb lidnan ristitišt oli 16..18 tuhad eläjad vll 1959−1979 (18 000 rist. vl 1967).

Rahvahad (2010, ozutadud rahvahudenke): saksalaižed — 1,0%, toižed rahvahad — 2,9%.

Ortodoksižen hristanuskondan kaks' jumalanpertid oma olmas Udes Läliš: Sündun Eläbzdusen (puine, om saudud vll 2001−2006) i Venäman uziden moknikoiden da hengenavaidamižen kundlijoiden (om letud türman territorijal vll 2015−2016). Islaman pühäpert' om avaitud lidnas.

Serovan politehnižen tehnikuman filial om professionaližen opendusen aluzkundaks.

Irdkosketused

• Uden Lälin lidnümbrikon tobmuden aluzkundoiden oficialine sait (ngo.midural.ru). (ven.)
• Lidnümbrikon informacine sait (newlyalya.ru). (ven.)