Rež

Rež
Rež
	Fail:Views of Rezh (05).JPG
Флаг[d]	Герб
	57°22′00″ с. ш. 61°24′00″ в. д.GЯO
Valdkund	Venäma;
Istorii da geografii
Tegemižen päiv	1773
Pind	198;
Высота	190
Aigvö	UTC+5:00[d]
Eläjad
Eläjad	▼36 585 чел. (2021);
Lugud
Telefonan kod	34364
Počtan indeksad	623750, 623751 da 623752
	Официальный сайт
	Mediafailad RUWIKI-tedoiš

Rež (ven.: Реж) om Venäman lidn Sverdlovskan agjan suves. Se om Režan lidnümbrikon administrativine keskuz, mülüb sihe.

Istorii

Eländpunktan aluz om pandud vl 1773 kuti žilo sauvomha Savva Jakovlev-edheotajan kaugedraudan i raudan tegimid Rež-jogen üläjoksmusen randal. Pästtihe parahimad lehtezraudad 19. voz'sadas, vl 1878 se sai kuldaižen mötalin Pariž-lidnas Mail'man ozutelendan aigan. Vl 1924 avaitihe i vspäi 1930 tedoitihe nikelin kaht löudmižsijid. Vspäi 1943 Rež om lidnan statusanke. Vspäi 1963 lidn alištub agjan tobmudele oikti.

Rež šingotase elektrotehnižel sarakol (transformatortegim, kabel'tegim), mašiništonsauvomižel (mašiništ raudtele, kivenümbriradmižele, maižandusen täht), sauvondmaterialiden pästandal (raudbetontegesed, šebin'), kahtel omblendfabrikal i leibänkombinatal, mugažo vas'kkivendon samižen kar'jer radab. Nikelintegim eile rados vspäi 2017.

Geografijan andmused

Lidn sijadase Rež-jogen molembil kall'oikahil randoil (219 km pitte, Nican oiged joginišk, Obinjogen hurapol'ne bassein), 190 m ü.m.t. keskmäižel korktusel. Padosein om jogel lidnan keskuses, se sädab vezivaradint päivlaskmha Rež-lidnaspäi. Äiluguižiden harvoiden mineraloiden kel'tahod oma lidnan ümbrištos. Matkad Jekaterinburghasai om 76 km suvipäivlaskmha orhal, 83 km avtotedme vai raudtedme. Lähembaine lidn om Artömovskii 30 km päivnouzmha orhal, avtol i raudtel.

Eläjad

Vn 2010 Venäman rahvahanlugemižen mödhe eläjiden lugu oli 38 215 ristitud, lidnümbrikon seičeme ühesandest. Kaikiš suremb lidnan ristitišt oli 44 tuhad eläjid vodel 1992.

Rahvahad (2010, ozutadud rahvahudenke): venälaižed — 92,1%, totarlaižed — 2,8%, udmurtalaižed — 1,4%, toižed rahvahad — 3,7%.

Ortodoksižen hristanuskondan nell' pühäpertid^[2] oma olmas lidnas: ph. Johann-endustajan jumalanpert' (om saudud vll 1897−1902), ph. Johannan Kronštadtalaižen pühäpert', ph. Ksenija Piterilaižen pühäpert', mugažo ph. Mikulai-čudonsädajan jumalanpert' om sauvomas kaumžomal vspäi 2016. Islaman «Nur»-loičendpert' om avaitud lidnas.

Režan politehnikum (tehnikum)^[3] i Uralan tegimištoliž-ekonomižen tehnikuman filial (Jekaterinburg) oma professionaližen opendusen aluzkundoikš.

Galerei

Radon i torahoštusen monument (2008)
Ph. Johann-endustajan jumalanpert', vn 2010 nägu
Заводоуправление Режевского завода.JPG

Režan raudantegimen endevanh kontor (ezimal) i valdkundmehiden kontoriden pert' (tagamal) Sovetskai-irdal vl 2009
Keskškol nomer 1 (2009)

Homaičendad

Irdkosketused

Režan lidnümbrikon oficialine sait (rezhevskoy.midural.ru). (ven.)

	Sverdlovskan agjan lidnad
	Alapajevsk \| Alasald \| Alasergid \| Alatagil \| Alatur \| Aramil' \| Artömovskii \| Asbest \| Berözovskii \| Bogdanovič \| Degtärsk \| Irbit \| Ivdel' \| Jekaterinburg \| Kačkanar \| Kamensk Uralal \| Kamišlov \| Karpinsk \| Kirovgrad \| Krasnoturjinsk \| Krasnoufimsk \| Krasnoural'sk \| Kušv \| Lesnoi \| Mihailovsk \| Nevjansk \| Novoural'sk \| Pervoural'sk \| Polevskoi \| Rež \| Revd \| Serov \| Severoural'sk \| Sisert' \| Sredneural'sk \| Suhoi Log \| Zarečnii \| Talic \| Tavd \| Turinsk \| Uz' Läl' \| Verhoturje \| Volčansk \| Üläpišm \| Üläsald \| Ülätagil \| Ülätur

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Režan pühäpertid sobory.ru-saital. (ven.)

[3] Režan politehnikuman sait (rezhpt.ru). (ven.)

[1]

[2]

[3]