Sredneural'sk

	Sredneural'sk
Флаг[d]	Герб
	56°59′00″ с. ш. 60°28′00″ в. д.GЯO
Valdkund	Venäma;
Istorii da geografii
Tegemižen päiv	1931
Высота	270
Ekonomik
Eläjad
Eläjad	▼23 344 чел. (2021);
Lugud
Telefonan kod	34368
Počtan indeksad	624070 da 624071
-
	Официальный сайт
	lugeda • diskussii • redaktiruida

Sredneural'sk (ven.: Среднеуральск) om Venäman lidn Sverdlovskan agjan suvipäivlaskmas. Se om Jekaterinburgan pohjoine ezilidn, Sredneural'skan lidnümbrikon administrativine keskuz da pala.

Istorii

Eländpunktan aluz om pandud vl 1931 SUGRES-žiloks sauvomha da holitamha valdkundaližen rajonižen elektrostancijan (Sredneural'skan GRES, radab vspäi 1936). Vn 1932 10. päiväl heinkud kätihe radnikžiloks nügüdläiženke nimenke. Vn 1966 17. päiväl uhokud Sredneural'sk-žilo sai lidnan statusad.

Sredneural'sk šingotase järedal GRES:al, sauvondmaterialiden tehmižel (metalližkonstrukcijad, raudbetontegesed, pumaterialad, asfal't) i sömtegimištol (pühävoi, kolbas, vin), mugažo maižandusel (kalakazvatusen edheotand, lindfabrik).

Geografijan andmused

Lidn sijadase Isetinjärven-vezivaradimen päivnouzmaižel randal (24 km², Iset'-jogen purde, Obin hurapol'ne bassein), Keskmäižen Uralan päivnouzmaižil pautkil, 252..278 m ü.m.t. korktusil. Matkad Jekaterinburghasai om 5 km suvhe orhal vai 8 km avtotedme, raudte tuleb Sredneural'skha vaiše jüguiden täht. Toine lähembaine lidn om Üläpišm 1 km suvipäivnouzmha orhal vai avtotel. Pened manrehkaidused oleldas, voib olda 6 ballhasai.

Kaks' pen't küläd da üks' žilo mülüdas lidnümbrikho Sredneural'skan ližaks. Lidnümbrikon pind — 83,98 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 20 449 ristitud, lidnümbrikon — 20 771 ristitud. Kaikiš suremb lidnan ristitišt om nügüd'. Vl 2017 kaik 22 896 ristitud elihe lidnas i 23 479 ristitud kaikes lidnümbrikos.

Rahvahad (ozutadud rahvahudenke vl 2010): baškiralaižed — 1,4%, toižed rahvahad — 4,8%.

Ortodoksižen hristanuskondan nened puhapertid^[2] oma avaitud lidnas: ph. Mikulai-čudonsädajan jumalanpert' (om saudud vll 2001−2011) i Sredneural'skan naižjumalankodi (nell' jumalanpertid).

Professionaližen opendusen lähembaižed aluzkundad sijadasoiš Üläpišm- i Jekaterinburg-lidnoiš.

Galerei

Mulänk-jogen randoil (lankteb Isetinjärvhe), 2016. voz'
Sredneuralsky Convent - 9.jpg

Sredneural'skan naižjumalankodi, vn 2022 nägu
Sredneural'skan GRES vl 2015
Солнечный Берег - panoramio (3).jpg

«Solnečnii Bereg»-lebubaz Isetinjärvel (2016, Päivoikaz Rand)

Homaičendad

Irdkosketused

Lidnümbrikon tobmuden aluzkundoiden oficialine sait (sredneuralsk.midural.ru). (ven.)

Sredneural'sk Vikiaitas

	Sverdlovskan agjan lidnad
	Alapajevsk \| Alasald \| Alasergid \| Alatagil \| Alatur \| Aramil' \| Artömovskii \| Asbest \| Berözovskii \| Bogdanovič \| Degtärsk \| Irbit \| Ivdel' \| Jekaterinburg \| Kačkanar \| Kamensk Uralal \| Kamišlov \| Karpinsk \| Kirovgrad \| Krasnoturjinsk \| Krasnoufimsk \| Krasnoural'sk \| Kušv \| Lesnoi \| Mihailovsk \| Nevjansk \| Novoural'sk \| Pervoural'sk \| Polevskoi \| Rež \| Revd \| Serov \| Severoural'sk \| Sisert' \| Sredneural'sk \| Suhoi Log \| Zarečnii \| Talic \| Tavd \| Turinsk \| Uz' Läl' \| Verhoturje \| Volčansk \| Üläpišm \| Üläsald \| Ülätagil \| Ülätur

[_15bd2465f028e4c3-1] ¹ ² https://rosstat.gov.ru/storage/mediabank/tab-5_VPN-2020.xlsx

[2] Sredneural'skan pühäpertid sobory.ru-saital. (ven.)

[1]

[2]