Kušv

Kušv
Fail:Goroblagodatsky mine-7.jpg
Флаг[d] Герб
58°17′00″ с. ш. 59°44′00″ в. д.
Valdkund	Venäma
Istorii da geografii
Tegemižen päiv	1735
Pind	50
Высота	240
Aigvö	UTC+5:00[d]
Ekonomik
Eläjad
Eläjad	▲27 306 чел. (1 vilukud 2021)
Lugud
Telefonan kod	34344
Počtan indeksad	624300–624303
-
Официальный сайт
lugeda • diskussii • redaktiruida

Fail:W W Kushva.jpg

Lidnan da sen ümbrišton nägu kaimdajaspäi edel 2006. vot

Kušv (Kušvan lidnümbrikon administrativine keskuz.

Istorii

Eländpunktan aluz om pandud Kušvan tegim-žiloks (Anna Ioannovna-imperatornaižen nimen kändusel ivrit-kelespäi), ühtennimižen jogen randal vl 1735. Saudihe padoseinäd jogel, i ezmäine čuhunduzpäč radaškanzi vn 1739 sügüz'kul. Raudte ühtenzoiti Alatagilanke i Jekaterinburganke vl 1878, raudtestancii nimitase Goroblagodatskai (ven.: Гороблагодатская). Toižed lidnan raudtestancijad oma Kušv i Blagodat' jonol edemba Jugrahasai. Žilo sai lidnan statusad vn 1925 semendkus, nimitase nügüdläižikš vspäi 1926.

Kušv šingotase kaivuzohjandusel (löudmižsijad lidnan ümbrištos i kivendon jändusiden kogod), raudkivendon küllästamižel kahtel fabrikal, vanundpuiden valkoiden tegimel, sauvondmaterialiden tegimištol (transportmašiništon tegimen metalližkonstrukcijad, keramzitan tegim, raudbetonantegim, rusttan savičun edheotand, šebin') i sömtegimištol (maidtegim, leibänkombinat). Edel 2003. vot sijaližen raudkivendon vanadijanke samine da sen küllästoitand oliba olmas, nügüd' kar'jer jäi 315 m süvütte.

Geografijan andmused

Lidn sijadase 20 km päivnouzmha Uralan pämägisel'gaspäi, Kušv-jogen randoil (20 km pitte, Turan oiged ližajogi, Obin hurapol'ne bassein), 250..260 metrhasai korktusil, 240 m ü.m.t. keskmäižel korktusel. Korktusiden vajehtuz sase 50..60 metrhasai. Kušv-lidn ümbärdab Kušvan uitod (keskuses i suves) i Blagodat'-mäged (päivnouzmas). Matkad Jekaterinburghasai om 168 km suvhe-suvipäivnouzmha orhal, 192 km avtotedme vai raudtedme. Lähembaižed lidnad oma Ülätur 4 km pohjoižhe-pohjoižpäivnouzmha orhal, avtotedme vai raudtel, i Krasnoural'sk 17 km päivnouzmha-pohjoižpäivnouzmha orhal, 20 km avtotedme vai raudtel.

Eläjad

Vn 2010 Venäman rahvahanlugemižen mödhe eläjiden lugu oli 30 167 ristitud, lidnümbrikon seičeme kümnendest. Kaikiš suremb lidnan ristitišt oli 47 tuhad eläjid vl 1967.

Rahvahad (ozutadud rahvahudenke vl 2010): venälaižed — 93,4%, totarlaižed — 2,9%, toižed rahvahad — 3,7%.

Ortodoksižen hristanuskondan kaks' pühäpertid ratas lidnas: Mikoi-arhangelan jumalanpert' (om saudud vll 1886−1892) i ph. Spiridon Trimifuntalaižen jumalanpert'. Islaman pühäpert' om olmas lidnas.

Barančinskijan elektromehanižen tehnikuman Kušvan filial om professionaližen opendusen aluzkundaks.

Galerei

• Kushva Administration 006 1969.jpg

  Lidnümbrikon administracijan sauvuz (2019)

• The Archangel Michael Church (Kushva) 3.jpg

  Mikoi-arhangelan jumalanpert', vn 2019 nägu

• Kushva Roll Manufacturing Factory-5.jpg

  Kušvan vanundpuiden valkoiden tegim vl 2020

• Kushva Stroiteley13 006 1983.jpg

  «Rostelekom:an» i počtan palakund (2019)

• 

  Goroblagodatskai-raudtestancii vl 2005

Irdkosketused

• Lidnümbrikon tobmuden oficialine sait (kushva.midural.ru). (ven.)