Mecan da mectegeližuden radnikoiden päiv

Рувики-späi
Mecan da mectegeližuden radnikoiden päiv
LUMBERJACK FROM TUPPER LAKE CUTTING LOGS INTO EIGHT FOOT SECTIONS FOR LOADING. HE IS WORKING ON INTERNATIONAL PAPER... - NARA - 554414.jpg
Tip Ekologine professionaline praznik
Mugažo Mecnikan päiv, Mecan radnikoiden päiv
Znamoičend Elonradišton popul'arizoitand noriden keskes om oigetud tedomahtoižen opendusen da tulijan radon samižele. Joga voden ozateldas radnikoid, kudambad kaičeba da parembzoitaba men mecoid.
Om tehtud 13. elokud vodel 1966 ("Sovetskijan Sojuzan Ülembaižen nevondišton vedomost'ad", 1966, № 33, st. 742)
Tegii Sovetskijan Sojuzan Ülembaižen nevondišton Prezidium
Praznuitas  SSSR  RSFSR  Venäma  Belorussia  Kirgizii  Ukraina
Päiv sügüz'ku
Praznuičend sügüz'kun koumanz' pühäpäiv
Om sidotud 18. sügüz'kud vodel 1977 zavodi rata "Mecan zakoinoiden kogomuz".
Логотип РУВИКИ.Медиа Mediafailad RUWIKI-tedoiš

Mecan da mectegeližuden radnikoiden päiv (ven.: Де́нь рабо́тников ле́са и лесоперераба́тывающей промы́шленности) — internacionaline, ekologine professionaline mecan radnikoiden raznik, mitte praznuitihe joga voden sügüz'kun koumanden pühäpäivän Sovetskijas Sojuzas, a möhemba praznuitihe Venämal, Belorussias, Kirgizias, Ukrainal vodelpäi 1966. Se om vahvištoittud Sovetskijan Sojuzan Ülembaižen nevondišton Prezidiumal.

Istorii

13. elokud vodel 1966 Sovetskijas Sojuzan Ülembaižen nevondišton Prezidiuman käskön mödhe (Sovetskijan Sojuzan Ülembaižen nevondišton vedomost'ad", 1966, № 33, st. 742) oli vahvištoittud "Mecan da mectegeližuden radnikoiden päiv". Praznuičendan päiväks pandihe sügüz'kun koumanz' pühäpäiv[1].

Praznikan pätegend om elonradišton popul'arizoitand noriden keskes, se om oigetud tedomahtoižen opendusen da tulijan radon samižele. Joga voden ozateldas radnikoid, kudambad kaičeba da parembzoitaba men mecoid[2].

18. sügüz'kud vodel 1977 zavodi rata "Mecan zakoinoiden kogomuz", mitte tarkišteleb da sel'genzoitab mecan elomištod koskijid küzundoid[3].

Vodel 1980 Sovetskijas Sojuzan Ülembaižen nevondišton Prezidiuman käsköl № 3018-Х "Praznik- da muštpäiviš" nece päiv oli vahvištoittud toižen kerdan i oli sidotud "Mecan zakoinoiden kogomusenke"[3].

Vodelpäi 1992 jäl'ges Sovetskijan Sojuzan jagandad praznik jatketihe praznuita mugoižiš valdkundoiš[1]:

  • Kirgizii — 13. elokud vodel 1993 Kirgizian valdmehišton ohjandusel Valdkundaližen mecinspekcijan radnikoiden samoiden jäl'ghe käskön № 364 mödhe oli vahvištoittud "Mecan da mectegeližuden radnikoiden päiv";
  • Ukraina — 28. elokud vodel 1993 prezident L. M. Makarovič tegi käskön № 356/93 "Mecan da mectegeližuden radnikoiden päivän" vahvištoitandas;
  • Belorussii — 26. keväz'kud vodel 1998 prezidentan käskön № 157 mödhe "Valdkundaližiš praznikoiš, praznik- da muštpäiviš Belorussias" oli vahvištoittud "Mecan da mectegeližuden radnikoiden päiv"[4].

7. elokud vodel 2000 Venämal prezidentan Vladimir Putinan käskön № 157 mödhe nece päiv oli vahvištoittud toižen kerdan[1].

1. redukud vodel 2018 zavodi rata federaline "Mecoiden kaičend"-projekt[5].

Nece praznikpäiv ei ole lebupäiv[1].

Koume mecančapajad sorttud punke

Sidotud azjtegod

  • Vodel 1894 mecanholitajan Mitrofan Turskijan tomotusen mödhe eloho pästtihe azjbumag, miččes oli taričend vihandoitta sijad openikoiden abul. Necil aigal zavottihe vedäda ezmäižid akcijoid puiden ištutandan mödhe, ned oliba ani Sovetskijan Sojuzan jagamižehesai. Mugažo vahvištoittihe "Puiden ištutandan päiv (ven.) (vep." (sulakun lop — semendkun augotiž)[6];
  • Vodel 1981 oli vahvištoittud "Puiden ištutandan päiv Kitajas", mitte praznuitas joga voden 12. keväz'kud;
  • 21. tal'vkud vodel 2012 Ühthižrahvazkundoiden päassamblejal oli vahvištoittud года "Rahvahidenkeskeine mecoiden päiv", mitte praznuitas joga voden 21. keväz'kud[3].
Pun čapand benzopilal

Ozatelendtelegrammad

Joga voden Venäman prezidentalpäi paindas ozatelendtelegrammoid, miččed om omištadud necile päiväle[7]:

Arvostadud sebranikad!

Ozatelen teid professionaližen praznikanke – Mecan radnikoiden päivänke. Meckompleksal om tärged tegend kodimaižes ekonomokas, se tegeb suren panendan regionoiden kehitoitandaha, ekologižen varumatomuden vahvištoitandaha. Tö ülendatoi raderišton istorijal, äjiden sugupol'viden radon satusil, erazvuiččiden radmahtoiden tundijoil, kudambiden abul sünduiba radtradicijad, kudambad ozutiba kut pidab pidäda "vihandad fondad", meiden man todesižen rahvahaližen ühthižvaroid.

Olen sidä mel't, miše teiden tedod, vastusenpidänd abutaba meile satusekahašti pätta tegendoid Venäman da meidenrahvahanikoiden hüvüdeks.Vladimir Putin

Osanovon meckeskuz da Krivandino-raudtelinii — R'azanovka

Azjtegod

"Mecan da mectegeližuden radnikoiden päiväl" Venämal joga voden pauklahjoitas necen raderišton parahimid radnikoid anttes Venäman arvostadud mecanholitai-arvnimi[1].

Ozateldas mugoižiden eloradoiden radnikoid[6]:

  • mecankaičijoid, mecan elomišton inženeroid, mecančapajid, jegerid, pun tegemižen tehnologoid, ekologoid, kazvišttedomehid, dendrologoid i toižid.

Erazvuiččiš man lidnoiš tehtas mugomid azjtegoid[6][1]:

  • praznikazjtegoid radnikoiden täht radištoiš, heile anttas kitändkirjeižid da pauklahjoid;
  • ekologižid voibuid (paloinsambutand, sportorijentiruind);
  • ozatelendoid erazvuiččiš joukvestištoiš;
  • konferencijoid, lekcijoid, tundištoituzmatkoid, ozutelusid da mastar'-klassoid;
  • ozutandurokoid školiš;
  • akcijoid puiden ištutandan mödhe da pallištoiden, puištoiden da toižiden sijoiden puhtastandan mödhe.

Kaikuččen voden Moskvas VDNH:as necikš päiväks tehtas tedištelendazjtegoid mecan, sen kävutandan da kaičendan polhe[1].

Federaližen "Mecoiden kaičend"-projektan tugetandan täht mäneb jogavozne "Kaičem mecad"-akcii[5].

Vodel 2023 mäniba mugoižed azjtegod:

  • Piterin valdkundaližes mectehnižes universitetas S. M. Kirovan nimel "Mecan da mectegeližuden radnikoiden päiväks" TASSan press-konferencijal läksi ezmäižen tedopopul'arižen "Lesoohranenije" (ven.) (vep.-fil'man anons, se om mecvaroiden käičendas da racionaližes kävutandas[8];
  • Irkutskan agjas mäni "Venäman mecad"-forum i "Mecančapai-2023"-čempionat mecančapajiden keskes[9];
  • T'umeniš Pohjoižen Zauraljan Valdkundaližes agrarižes universitetas, inženertehnologižes institutas oli ištund. Ezitadihe dokladoid temoiden mödhe: "Rahvahidenkeskeine mecan päiv", "Venäman tetabad mecanholitajad", "Mecoiden kaičendan problem"[10];
  • Tatarstanas Aktanišskoje-külän kul'turpertiš mäni azjtego kaikiden eläjiden täht[11];
  • Baškortostanas Podlubovo-küläs vaumištadihe tedišteluzazjtego: šou-programm, interaktivižid vändoid, ambund taugaspäi, art-tal'v, fudkort. Tehtihe Valdkundaline "Mecančapai 2023"-konkurs i festival' sportorijentirundan mödhe[12].

Vodel 2024 Permiš oli koume azjtegod[13]:

  • Ühthižvenälaine "Venäman mec"-forum;
  • IX Ühthižvenälaine "Mecančapai 2024"-čempionat mecančapajiden keskes;
  • Regionoidenkeskeine Venäman mectegeližuden radišton "LesPerm'Ekspo"-ozuteluz.

Necil-žo vodel Kirovskan rajonan Nagorskan agjas mäni praznik koncert, miččel eziniba "Svoji, derevenskije"-ansambl' Kul'turpertin pajanikad[14].

Jugran Sovetskii-lidnas Pohjoižen agjan istorijan da radmahton muzejas oli vaumištadud ozuteluz "Kirvesespäi harvesterahasai"[15].

501x501пкс

Vodel 2025 mäniba mugoižed azjtegod:

  • "Sveza"-meckombinat Novatoras praznuiči 115-voččen jubilejan. Enamba 80 radnikad saiba pauklahjoid.
  • Permin agjan Ural'skii-küläs mäni Sveza CUP-jaugmäčturnir.
  • Sverdlovskan agjan Verhn'aja Sin'ačiha-eländtahos avaitihe kundaližid sijoid — lebutaho "Orion"-mecpuištos da "Danilovskii"-stadion[16].

Melentartuižed faktad

  • Ühthižrahvazkundoiden tedoiden mödhe vodeks 2020 mirun mecoiden üleine pind om 4,06 mlrd ga — 31 % kuivman pindaspäi[2];
  • Tropižed mecad zaimiba 45 % kaikiš mecoišpäi[2];
  • mirun mecan läz 7 % ištutiba ristitud[17];
  • kaikiden mecoiden läz54 % oma videle male: Venäma (20 %), Brazilii (12 %), Kanada (9 %), Amerika (8 %), Kitai (5 %)[2];
  • Venäman man läz 8,5 mln m² om kattud mecoil. Mirun kavagpuiden läz 50 % kazvab täs[17];
  • Taigamec — om kaikid suremb mec mirus[17];
Mecan puhtastamine

Homaičendad

  1. ↑ 1 2 3 4 5 6 7 Анна Пынзарь. Как отмечают День работников леса. secrets.tbank.ru (25 kezakud 2025). Дата обращения: 19 uhokud 2026.
  2. ↑ 1 2 3 4 День работников леса 2025 в России: какого числа, история и традиции праздника. Дата обращения: 19 uhokud 2026.
  3. ↑ 1 2 3 День работников леса в 2025 в России: дата, история праздника работников леса. astromeridian.ru. Дата обращения: 19 uhokud 2026.
  4. ↑ Указ Президента Республики Беларусь от 26.03.1998 N 157 (PDF). research.bsu.by. Дата обращения: 19 uhokud 2026.
  5. ↑ 1 2 Харланова, Дарья. День работников леса в 2025 году: праздник специалистов зеленого богатства, ВФокусе Mail (6 sügüz'kud 2024). Дата обращения: 19 uhokud 2026.
  6. ↑ 1 2 3 Андреева, Юлия. День работников леса в России: история и традиции праздника, Пятый канал (15 sügüz'kud 2024). Дата обращения: 28 uhokud 2026.
  7. ↑ Работникам и ветеранам лесного комплекса России, Президент России. Дата обращения: 19 uhokud 2026.
  8. ↑ Петербургский вуз готовит научно-популярный фильм о сохранении лесов, Лесной комплекс (19 sügüz'kud 2023). Дата обращения: 16 uhokud 2026.
  9. ↑ 17 сентября — День работников леса в России: история и традиции праздника, Известия (16 sügüz'kud 2023). Дата обращения: 19 uhokud 2026.
  10. ↑ 17 сентября - День работников леса. gausz.ru. Дата обращения: 19 uhokud 2026.
  11. ↑ День работников леса и лесоперерабатывающей промышленности 2023, Актанышский район — дата и место проведения, программа мероприятия., Культура.РФ. Дата обращения: 19 uhokud 2026.
  12. ↑ День работников леса и лесоперерабатывающей промышленности. – Администрация сельского поселения Подлубовский сельсовет, Администрация сельского поселения Подлубовский сельсовет (14 sügüz'kud 2023). Дата обращения: 19 uhokud 2026.
  13. ↑ Всероссийские мероприятия ко Дню работников леса пройдут в Пермском крае. wood.ru. Дата обращения: 19 uhokud 2026.
  14. ↑ Праздничный концерт, посвященный работникам Лесной промышленности - Агентство городских новостей «Москва» - информационное агентство. mskagency.ru. Дата обращения: 19 uhokud 2026.
  15. ↑ Выставка «От топора до харвестера» (неопр.). meganews.life. Дата обращения: 19 uhokud 2026.
  16. ↑ «Свеза» отметила День работников леса наградами и социальными инициативами. Дата обращения: 19 uhokud 2026.
  17. ↑ 1 2 3 Праздник лесника: Традиции и история Дня работника леса в России, Life.ru (19 sügüz'kud 2023). Дата обращения: 16 uhokud 2026.

Lähtked

Om sadud "https://vep.ruwiki.ru/w/index.php?title=Mecan_da_mectegeližuden_radnikoiden_päiv&oldid=512009"