Mail'man ümbrišton päiv

Рувики-späi
Mail'man ümbrišton päiv
Ecologia.jpg
Tip Ekologine praznik
Znamoičend homaičendan kingituz ümbrišton problemoihe
Om tehtud 15. tal'vkud vodel 1972 года
Tegii Ühthižrahvazkundoiden (ÜRK) Assamblei
Praznuitas Rahvahidenkeskeine praznik
Päiv 5. kezakud
Om sidotud Stokgol'man konferencijan radon augotišenke londusen problemoiden mödhe
Логотип РУВИКИ.Медиа Mediafailad RUWIKI-tedoiš

Mail'man ümbrišton päiv (ven.: Всеми́рный де́нь окружа́ющей среды́, toižil Ühtenzoittud rahvahiden organizacijan oficialižil kelil: angl.: World Environment Day, arab.: اليوم العالمي للبيئة,isp.: Día mundial del medio ambiente, kit.: 世界环境日,franc.: Journée mondiale de l'environnement ) — rahvahidenkeskeine ekologine praznik, joga voden praznuitas 5. kezakud vodelpäi 1973. Nece praznik tehtihe sen täht, miše kingitada kaiken mez'kundan homaičust planetan londusen problemoihe.

Istorii

15. tal'vkud vodel 1972 Ühthižrahvazkundoiden (ÜRK) assamblejan (ven.) (vep. 27. ištundal oli sätud "Mail'man ümbrišton päiv" (Rezol'ucii № A/RES/2994 (XXVII))[1][2].

Praznikan päivmäran täht oli valitud 5. kezakud — päiv, konz vedetihe Ühthižrahvazkundoiden konferencii londusen problemoiden polhe vodel 1972[3]. Necen konferencijan aigan oli sätud uz' organizacii Ühthižrahvazkundoiden sistemas — Ühthižrahvazkundoiden programm londusen mödhe[3].

Praznikan päsü om kingitada mez'kundan homaičust londusen problemoihe[3].

5. kezakud vodel 1973 ezmäižen kerdan praznuitihe "Mail'man ümbrišton päiv" Ühthižrahvazkundoiden programman ohjandusel[4].

Sidotud aigtegod

Vodel 1993 Amerikas Rik Fedricci, Devid Gotfrid i Maik Italjano sädiba ezmäižen Mail'man nevondišton ekologižen sauvotusen mödhe. Se oli oigetud sihe, miše popul'arizoitta praktikoid, miččed abutaškaba kehitoitta Vihandad sauvotust (ven.) (vep. [5].

Vodel 2009 oli sätud Nevondišt ekologižen sauvotusen mödhe Venämal[6].

"Mail'man londusen päivän" emblem, voz' 2008.

Temad

Vodelpäi 1974 joga voden valitas "Mail'man ümbrišton päivän" tem da lozung, a mugažo valitas ma, kus mäneškaba praznikale omištadud päazjtegod[7].

  • 1974 — "Vaiše üks' Ma" (Spokan (Vašington));
  • 1975 — "Elotahod" (Dakka);
  • 1976 — "Vezi — elon päpurde" (Ontario);
  • 1977 — "Ozonpindan kaičuzproblem; maiden kadotuz" (Silhet);
  • 1978 — "Kehitoitta muremata" (Silhet);
  • 1979 — "Vaiše üks' tulii aig meiden lapsiden täht — kehitoituz murenduseta" (Silhet);
  • 1980 — "Uz' küzu uden voz'kümnen täht: Kehitoitta muremata" (Silhet);
  • 1981 — "Pohjvezi; Himižed ainehed ristitun sömcepiš" (Silhet);
  • 1982 — "Kümnes vodes päliči Stokgol'man jäl'ghe" (Dakka);
  • 1983 — "Varukahiden jändusiden keradamine da heitämine: himine vihm i energii" (Silhet);
  • 1984 — "Maiden degradacii" (Radžšahi);
  • 1985 — "Norišt: rahvaz i londuz" (Islamabad);
  • 1986 — "Pu mirun täht" (Ontario);
  • 1987 — "Londuz i kodi: enamba, mi katuz" (Nairobi);
  • 1988 — "Konz ristituil londuz om ezmäižel sijal, kehitoituz ei lopte" (Bangkok);
  • 1989 — "Il'mišton lämptumine" (Br'ussel');
  • 1990 — "Lapsed i londuz" (Mehiko);
  • 1991 — "Il'mišton vajehtamine. Pidab ühtenzoitta väged" (Stokgol'm);
  • 1992 — "Ma om üks' kaikil — ühtes kaičeškam sidä" (Rio-de-Žaneiro);
  • 1993 — "Gol'l'uz' i londuz — lopta pahad cepid" (Pekin);
  • 1994 — "Üks' ma — üks' kanz" (London);
  • 1995 — "Mö, rahvahad: ühtenzoituz londusen täht" (Pretoria);
  • 1996 — "Meiden Ma, meiden londuseline elonümbrišt, meiden kodi" (Stambul);
  • 1997 — "Elon täht Mal" (Seul);
  • 1998 — "Elon täht Mal — kaikam meiden merid" (Moskva)[6];
  • 1999 — "Meiden ma — meiden tulii aig. Kaikam se!" (Tokio);
  • 2000 — "Londusen tuhakümne — om aig tehta" (Adelaida);
  • 2001 — "Tulda Mail'man elon verkoho" (Turin, Gavana);
  • 2002 — "Antta Male šans" (Šen'čžen');
  • 2003 — "Vezi — kahtele millionale ristituile se lujas tariž!" (Beirut)
  • 2004 — "Pidab merid da valdmerid! Eläbid, ei kolnuzid!" (Barselona)[8];
  • 2005 — "Vihandad lidnad: Plan planetan täht!" (San-Francisko);
  • 2006 — "Letetazangištod i maiden tühjenzoitand — Sanum ei kuividen maiden tühjenzoitandale!! (Alžir)[9];
  • 2007 — "Jän sulamine — Tärged tem!" (London)[10];
  • 2008 — "Päzugat ripmudespäi! Tel ekonomikaha uglerodan penen tacindanke!" (Vellington)[11];
  • 2009 — "Teiden planet ei voi olda teita" (Mehiko)[12];
  • 2010 — "Roduiden äjüz'. Üks' planet. Üks' tulii aig" (Rangpur)[13];
  • 2011 — "Mecad: kävutades londust" (Deli)[14];
  • 2012 — "Vihand ekonomik: a sinä sen pala?" (Brazilia)[15];
  • 2013 — "Meleta. Sö. Kaiče" (Ulan-Bator)[16];
  • 2014 — "Pened sared i il'mišton vajehtamine" — "Lenda ičeiž än't, a ei meren pindad!" (Bridžtaun)[6];
  • 2015 — "Seičeme milliardad unid. Üks' Planet. Kävuta tarkašti" (Rim)[17];
  • 2016 — "Politik om zakonotoman mecživatoiden möndan vaste" (Luanda)[18];
  • 2017 — "Minä olen londusenke" (Ottava)[19];
  • 2018 — "Voibištelend plastikanke" (Nju-Deli)[7];
  • 2019 — "Voibištelend il'man redustoitandan vaste" (Kitai)[1];
  • 2020 — "Londusen aig" (Kolumbia)[7];
  • 2021 — "Kacta udes. Udessündutada. Tehta udes" (Pakistan)[7];
  • 2022 — "Vaiše üks' Ma" — "Nece planet — meiden üksjaine pert', miččen röunatadud varoid ristitule pidab kaita" (Šveicaria)[20];
  • 2023 — "Voibištelend plastikanke" (Kot-d’Ivuarр, Niderlandad)[21];
  • 2024 — "Meiden Ma. Meiden tulii aig. Mö — udessündundan sugupol'v" (Saudovskaja Aravia)[4];
  • 2025 — "Voibištelend plastikan redustoitandanke!" (Čedžudo)[22].

Ühthižrahvazkundoiden päsekretar' joga voden praznikaks painab sanoid mez'kundale.

Azjtegod

Erazvuiččiš maiš tehtas mugoižid azjtegoid, kut[3][7]:

  • Tetabiden ekologoiden pauklahjoičend;
  • Tauguh mecoiš, puištoiš, erazvuiččiden vezištoiden randoil;
  • Puiden ištutand;
  • Ekskursijad kaičuztahoze i Rahvahaližehe puištoho;
  • Lidnazjtegod (mitingad, paradad, huzaidand velokezroil, "vihandad" koncertad;
  • Lekcijad da seminarad muzejiš i školiš.

"Mail'man ümbrišton päiväs" pagištas erazvuiččiš joukvestištoiš. Ozutesikš, socialižiš verkoiš nece päiv mäneb heštegoidenke #Mail'manÜmbrištonPäiv, #Sugupol'vUdessündutand i muga edemba.[21]

Joga voden Ühthižrahvazkundoiden Assamblei vedäb rahvahidenkeskeižid azjtegoid, miččed om oigetud londusen kaičendaha i paremboitusehe.

  • Vodelpäi 2021 vodehesai 2030 Ühthižrahvazkundoiden Assamblei vahvištoiti planan "Ühthižrahvazkundoiden kümnevoded ekosisteman udištamižen mödhe". Muga vodel 2024 oli vedetud azjtegod, miččed om oigetud maiden udištamižehe i kuivuden harjenimižehe. Er-Rijadas mäni 16. ištund, kus pagištihe voibištelendas maiden degradacijanke[4][23].

Vodel 2010 Italias OIKOS-organizacii tegi akcijoid, miččed om oigetud ümbrišton paremboitusehe.

Vodel 2022 Švecijas mäniba rahvahidenkeskeižed praznikan azjtegod[20].

Vodel 2023 azjtegod mäniba Kot-d’Ivuaras ühtes Niderlandoidenke[21].

Vodel 2024 azjtegod mäniba Saudovskaja Aravijas[6].

Vodel 2025 azjtegod mäniba Korejan Valdkundas, Čedžudo-sarel[22].

Venämal

  • Vodelpäi 1996 prezidentan Boris Jel'cinan käskön mödhe tetabile ekologoile anttas arvnimi "Venäman arvostadud ekolog" i medal'[3].
  • Vodelpäi 2008 Venämal necil päiväl praznuitas mugažo "Ekologan päiv (ven.) (vep."[6].

Vodel 1998 oli valitud Moskva-lidn rahvahidenkeskeižiden necen päivän päazjtegoiden tegemižen täht[6].

Vodel 2024 Moskvas mäni rahvahidenkeskeine forum "Ekologii"[3].

  • Amerikan konsul К. G. Ii ühtes Salonikin meranke Vasilii Papageorgopulosanke, Salonikin pämehenke Psomiadis Panajotisanke i toižidenke Mail'man londusen päivän ühtnikoidenke randirdal, velokezrtehudel, voz' 2008

    Amerikan konsul К. G. Ii ühtes Salonikin meranke Vasilii Papageorgopulosanke, Salonikin pämehenke Psomiadis Panajotisanke i toižidenke Mail'man londusen päivän ühtnikoidenke randirdal, velokezrtehudel, voz' 2008

  • Londusen festival vodel 2011 Branderburgan verajanno

    Londusen festival vodel 2011 Branderburgan verajanno

  • Lidnan ekologine praznik Doneckas, voz' 2011

    Lidnan ekologine praznik Doneckas, voz' 2011

  • Miting Avstralijas, voz' 2011

    Miting Avstralijas, voz' 2011

  • Puiden ištutand Konsos, voz' 2012

    Puiden ištutand Konsos, voz' 2012

  • Indijan voin-meren laivišt — Mail'man ümbrišton päiv — voz' 2016

    Indijan voin-meren laivišt — Mail'man ümbrišton päiv — voz' 2016

  • Azjtegod Bhopalas, voz' 2017

    Azjtegod Bhopalas, voz' 2017

Homaičendad

  1. ↑ 1 2 5 июня - Всемирный день охраны окружающей среды. cgon.rospotrebnadzor.ru. Дата обращения: 7 semendkud 2025.
  2. ↑ Резолюция № A/RES/2994 (XXVII). docs.un.org. Дата обращения: 7 semendkud 2025.
  3. ↑ 1 2 3 4 5 6 Всемирный день окружающей среды 2025: когда, история, традиции праздника | РБК Тренды, РБК Тренды. Дата обращения: 7 semendkud 2025.
  4. ↑ 1 2 3 Nations, United. Всемирный день окружающей среды | Организация Объединенных Наций, United Nations. Дата обращения: 7 semendkud 2025.
  5. ↑ «Зеленые» стандарты для строительства. Дата обращения: 8 semendkud 2025.
  6. ↑ 1 2 3 4 5 6 Сегодня - Всемирный день (охраны) окружающей среды - World Environment Day — Совет по экологическому строительству. web.archive.org. Дата обращения: 7 semendkud 2025.
  7. ↑ 1 2 3 4 5 Всемирный день окружающей среды 2025: какого числа, история и традиции праздника. Дата обращения: 7 semendkud 2025.
  8. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  9. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  10. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  11. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  12. ↑ Всемирный день охраны окружающей среды. Справка, РИА Новости (20090605T1117). Дата обращения: 8 semendkud 2025.
  13. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  14. ↑ Всемирный день охраны окружающей среды. День эколога в России, РИА Новости (20110605T0130). Дата обращения: 8 semendkud 2025.
  15. ↑ Всемирный день охраны окружающей среды, РИА Новости (20120605T1009). Дата обращения: 8 semendkud 2025.
  16. ↑ Всемирный день окружающей среды и День эколога в России, РИА Новости (20130605T0115). Дата обращения: 8 semendkud 2025.
  17. ↑ Генеральный секретарь ООН Пан Ги Мун (рус.). www.un.org. Дата обращения: 8 semendkud 2025.
  18. ↑ Всемирный день окружающей среды. День эколога в России, РИА Новости (20160605T0223). Дата обращения: 8 semendkud 2025.
  19. ↑ Сегодня — Всемирный день окружающей среды и День эколога - ГКУ «Дирекция особо охраняемых природных территорий Санкт-Петербурга» (неопр.). oopt.spb.ru. Дата обращения: 8 semendkud 2025.
  20. ↑ 1 2 Всемирный день окружающей среды в 2022 году пройдет в Швеции, UN Environment (18 kül'mkud 2021). Дата обращения: 7 semendkud 2025.
  21. ↑ 1 2 3 Programme, UN Environment. История - Всемирный день окружающей среды 2023 года, World Environment Day (2 semendkud 2024). Дата обращения: 7 semendkud 2025.
  22. ↑ 1 2 World Environment Day, World Environment Day. Дата обращения: 7 semendkud 2025.
  23. ↑ UN Decade on Restoration. UN Decade on Restoration. Дата обращения: 7 semendkud 2025.

Lähtked

Om sadud "https://vep.ruwiki.ru/w/index.php?title=Mail%27man_ümbrišton_päiv&oldid=528298"