Nairobi

Nairobi
suah.: Nairobi
Флаг Герб
1°17′11″ ю. ш. 36°49′02″ в. д.
Valdkund	Kenii
Istorii da geografii
Tegemižen päiv	1899
Pind	696
Высота	1661
Aigvö	UTC+3[d]
Eläjad
Eläjad	▲5 545 000 чел. (2016)
Lugud
Kod ISO 3166-2	KE-110
Telefonan kod	020
Официальный сайт
Mediafailad RUWIKI-tedoiš

Nairobi (mugažo anglijan-ki kelel i suahili-kelel; sijaline virkand: [naɪˈroːbi]) om Kenijan pälidn da kaikiš suremb lidn. Se om pälidnan ümbrik administrativižikš.

Lidn om valdkundan openduzkeskuz i Afrikan znamasine finansine keskuz. ÜRO:n ližaofis, Coca-Cola:n, Toyota:n tegimed da kompjutergigantoiden afrikanižed päfaterad sijadasoiš Nairobiš.

Istorii

Vl 1899 lidnan aluz om pandud kuti Ugandan raudten stancii, rahvahatoman son sijas. Lidnan nimi om anttud lähižen Ewaso Nyirobi-vezišton mödhe (masain kelel), mi «vilukahad veded» znamoičeb. Vl 1900 vanhad lidnad polttihe täuzin päzmaha bubonmustmoran süttusespäi.

Vl 1905 sirtihe britanižen protektoratan pälidnad Mombasaspäi Nairobihe. Se sai äi administrativižid pertid, oli regionan tedoidusiden oigenduzčokkoimeks.

Geografijan andmused

Nairobi sijadase Kenijan suvipalas, vähäižen suvhe ekvatoralpäi, 1661 m valdmeren pindan päl keskkorktusel. Poudan aigan voib nähta kaks' surt mäged kerdalaz — Kenii pohjoižes da Kilimandžaro suvipäivnouzmas.

Klimat om ven pehmed. Kun keskmäine lämuz om +15..+19 C° vodes läbi. Paneb sadegid 1060 mm vodes. Om kaks' vihmsezonad: sulaku-semendku da kül'mku-tal'vku; kuiv sezon om niiden keskes. Pened manrehkaidused oleldas.

Lidn jagase 17 valičemižümbrikoks (angl. constituency), ned alajagasoiš 85 administrativižeks lidnanlaptaks (angl. ward).

Eläjad

Vl 1948 ristitišt oli 119 tuh. eläjid. Läz 6,5 mln ristituid elihe lidnaglomeracijas vl 2009.

Lidnas om hristanuskondan, islaman da sikhizman pühäpertid. Immigrantad tulihe neniš maišpäi: nügüdläižiden Indii- da Pakistan-valdkundoiden territorijad (sauvomha raudted), Somali, Sudan.

Transport

Pened (matatu) da järgeližed avtobusad i taksid oma kundaližeks pätransportaks ajamha lidnan südäimes.

Om koume lendimportad — azekhiden vägiden täht (Istleit), südäimižiden reisiden täht (Uilson) da rahvahidenkeskeine — Džomo Keniatan nimen nimitadud (NBO). Rahvahidenkeskeine soda- da civiline lendimport sijadase 15 km suvipäivnouzmha lidnan keskusespäi. Sišpäi tehtas reisid kaikedme Afrikadme, mugažo Päivlaskmaižen Evropan da Azijan erasihe pälidnoihe.

Fail:Nairobi panorama from westlands.jpg

Nairobin ühthine nägu päivlaskmaižes lidnanlaptaspäi.

Sebruzlidnad

Nairobil om seičeme sebruzlidnad:

• AÜV Denver, Kolorado, AÜV (vspäi 1975)
• Venesuel Kolonija Tovar, Venesuel
• Kitai Kun'min, Junnan', Kitai
• Meksik Meksik, Mehiko (2007)
• Kitai Pinsän, Czänsi, Kitai (2013)
• Brazilii Rio-de-Žaneiro, Brazilii (2007)
• AÜV Roli, Pohjoine Karolin, AÜV

Homaičendad

Irdkosketused

• Lidnan oficialine sait (nairobi.go.ke).  (angl.)