Gaborone

	Gaborone
	tsvan.: Gaborone; angl.: Gaborone; franc.: Gaborone; saks.: Gaborone
	Fail:Gaborone skyline.JPG
	24°39′25″ ю. ш. 25°54′31″ в. д.GЯO
Valdkund	Botsvan;
Istorii da geografii
Tegemižen päiv	1965
Pind	169 ± 0;
Высота	1014 ± 1
Aigvö	Central Africa Time[d]
Ekonomik
Eläjad
Eläjad	▲246 325 чел. (2022);
Lugud
Kod ISO 3166-2	BW-GA
Telefonan kod	00267
-
	Официальный сайт(angl.)
	Fail:BW-Gaborone.png
	lugeda • diskussii • redaktiruida

Lidnan avtoteiden kart.

Gaborone (mugažo tsvanan i anglijan kelil; tsvan. virkand — [χabʊˈrʊnɪ], angl. [ˌɡæbəˈroʊniː], sijaline lühenduz: Gabs) om Botsvanan pälidn da kaikiš suremb lidn.

Istorii

Eländpunktan aluz oli pandud pälidnaks vl 1964 penen žilon sijas, nimitihe 19. voz'sadan tlokva-heimon Gaborone-vejan (kgosi, 1825−1931) mödhe. Saudihe uden pälidnan sauvusiden enambust koumes vodes Ripmatomuden Päiväle, vn 1966 30. päiväle sügüz'kud. Enččen Bečuanalendan Mafeking-pälidn jäi uden Botsvan-valdkundan irdpolel, ka faktižikš pälidnad ei olend-ki ani.

Botsvanan päaluzkundad, bankad, birž, aviakompanii, verhiden valdkundoiden sur'oigenduzkundad, järedoiden kompanijoiden päfaterad sijadasoiš Gaborones, sidä kesken «Debswana» — mail'man kaikiš suremb diamantoiden samižkompanii.

Geografijan andmused

Lidn seižub Notvane-jogen randal, 1014 m ü.m.t. keskmäižel korktusel. Matkad Suviafrikan Tazovaldkundan röunhasai om 15 km suvhe.

Lähembaižed lidnad oma Ramotsv suvipäivnouzmas, Mogodičane lodehes, Močudi päivnouzmas, Tlokveng jogen taga.

Eläjad

Vn 2001 rahvahanlugemižen mödhe lidnan eläjiden lugu oli 186 007 ristitud. Valdkundan ristitišton läz pol't eläb 100 kilometras pälidnalpäi da sen lähemba, 421 907 eläjad ezilidnoidenke (2011).

Lidnan edeline pämez' oli Haskins Nkaigva (reduku 2011 — 2014). Verhiden maiden 19 sur'oigenduzkundad i 3 konsulust sijadasoiš Gaborones.

Transport

Maršruttaksid oma kundaližeks transportaks lidnas. Gaborone ühtenzoitase avtobusoil ezilidnoidenke.

Rahvahidenkeskeine Seretse Khama-seran nimel nimitadud lendimport (GBE, 425 tuh. passažiroid vl 2008) sijadase 15 km pohjoižpolehe lidnaspäi, tehtas reisid Afrikan lähižihe maihe.

Homaičendad

↑ ^1,0 ^1,1 archINFORM (нем.) — 1994.
↑ ^2,0 ^2,1 https://www.statsbots.org.bw/sites/default/files/publications/Population%20of%20Cities%20Towns%20and%20Villages%20%202022.pdf

Irdkosketused

Lidnan Nevondkundan lehtpol' Botsvanan Tazovaldkundan oficialižel saital (gov.bw). (angl.) (tsvan.)

Gaborone Vikiaitas

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk

[_2df1f82f894c21a2-1] 1,0 ^1,1 archINFORM (нем.) — 1994.

[_ae0ef9528219dc33-2] 2,0 ^2,1 https://www.statsbots.org.bw/sites/default/files/publications/Population%20of%20Cities%20Towns%20and%20Villages%20%202022.pdf

[1]

[2]