Ndžamen

Ndžamen
franc.: N’Djaména arab.: انجمينا
Fail:Place de la nation2 (Tchad).jpg
Герб
12°07′ с. ш. 15°03′ в. д.
Valdkund	Čad
Istorii da geografii
Tegemižen päiv	29. semendkud 1900
Pind	100
Высота	298
Aigvö	UTC+1[d]
Eläjad
Eläjad	▲1 092 066 чел. (2012)
Lugud
Kod ISO 3166-2	TD-ND
Telefonan kod	235
Mediafailad RUWIKI-tedoiš

Ndžamen (franc.: N'Djaména [n(ə)dʒa.me.na], arab.: إنجامينا Indžamīnā) om Čadan pälidn da kaikiš suremb lidn. Se om üks' Čadan regionišpäi.

Istorii

Eländpunktan aluz om pandud vn 1900 29. päiväl semendkud, i edel 1973 vot lidnan nimi oli Fort Lami (franc.: Fort-Lamy). Suren sodan aigan vl 1942 Germanijan aviacii bombardirui lendimportad i mureni lendimiden kümenikad poltusen varažomanke. Vhesai 1960 (Čadan ripmatomuz Francijaspäi) se oli pen' lidneihut 10..50 tuh. ristitištonke.

Geografii

Ndžamen sijadase valdkundan suvipäivlaskmpoles Kamerunan röunanno, Šari-jogen oiktal randal, Sahel'-zonan keskuses. Lidn seižub sokahas tahondas, 298 m ü.m.t. keskmäižel korktusel.

Klimat om subekvatorialine da lujas räk. Päivän lämuz om +23..+33 C° vodes läbi. Paneb sadegid 510 mm vodes, enamba heinkus-elokus (318 mm), kuiv sezon oleleb kül'mkus-keväz'kus (0,4 mm sezonas).

Ndžamen jagase 10 rajonaks (franc.: arrondissement).

Eläjad

Vn 2009 rahvahanlugemižen mödhe lidnan eläjiden lugu oli 993 492 ristitud. Ristitišt om äirahvahaline, kogoneb igähižiš heimoišpäi.

Kaik enamba 70 liceid om olmas lidnas (privatižed tobjimalaz), 21 korktad školad (privatižed tobjimalaz), 11 universitetad (valdkundaližed i privatižed), 14 kul'turkeskust.

Lidnan edeline pämez' oli madam Mariam Džimet Ibet (2016 kül'mku — 2018 tal'vku).

Transport

Rahvahidenkeskeine soda- da civiline Ndžamenan lendimport (NDJ) sijadase lidnan röunal. Nece om üks'jäine rahvahidenkeskeine lendimport valdkundas. Tehtas reisid Pohjoižen i Päivlaskmaižen Afrikan maihe, Parižha i Stambulha, mugažo Čadadme. Francijan il'mväged kävutadas sidä sodabazaks.

Sebruzlidnad

• Francii Marsel', Francii (vspäi 1989)
• Venäma Stupino, Moskvan agj, Venäma (2000)
• Francii Tuluz, Francii (1988)

Homaičendad