Tripoli

Tripoli
arab.: طرابلس
Герб
32°52′31″ с. ш. 13°11′15″ в. д.
Valdkund	Livii
Istorii da geografii
Tegemižen päiv	VII век до н. э.
Pind	3127
Высота	81 ± 1
Aigvö	UTC+2:00[d]
Eläjad
Eläjad	▲1 293 016 чел. (1 vilukud 2020)
Lugud
Telefonan kod	21
Официальный сайт
Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Fail:Tripoli uprising.svg

Lidnan kart (2011)

Tripoli (arab.: طرابلس‎ Tarābulus) om Livijan pälidn, kaikiš suremb lidn da meriport.

Istorii

Ea-lidnan aluz (latin.: Oea) oli pandud finikijalaižil 7. voz'sadal EME. Koume finikijan lidnad oliba Tripolin sijas ezmäižen voz'tuhan EME keskes: Ea, Sabrat (Sabratha) i Leptis-Magn (Leptis Magna). Grekalaižed ühtištuihe niid Tripolitanii-agjaks (amuižgrek.: Τρίπολις Tripolis «koumekerdaine lidn»). Nimitihe lidnad nügüdläižikš agjan mülündan jäl'ghe Rimalaižhe imperijha vl 46.

Ripmatoman valdkundan pälidn vspäi 1951, toine pälidn oli Bengazi edel mittušt-se aigad.

Valdkundaližiden aluzkundoiden päfaterad sijadasoiš ezilidnoidme tobjimalaz.

Geografijan andmused

Lidn sijadase valdkundan lodehes, Keskmeren karan randal, 81 m ü.m.t. keskmäižel korktusel.

Klimat om Keskmeren kuiv. Voden keskmäine lämuz om +20,4 C°, kezakun-sügüz'kun +26..+28 C°, tal'vkun-uhokun +12..+13 C°. Ekstremumad oma −1,7 C° i +49 C°. Paneb sadegid 242 mm vodes, enamba tal'vkus-vilukus (49..57 mm kus), läz ei olele niid semendkus-elokus (5 mm pordos).

Eläjad

Vl 2012, edel rahvahanikoiden sodad, eläjiden lugu oli 2 127 000 ristitud 400 km² pindal, valdkundan ristitišton koumandez.

Tripolin universitet radab lidnas (arab.: جامعة طرابلس Džamaa Tarābulus), 68 tuhad üläopenikoid. Sen aluz om pandud vl 1955 kuti Livijan universitetan pala. Vl 1973 Livijan universitet čihozi kaks'haze, toine universitet radab Bengaziš nügüd'. Vll 1976−2011 nimitihe Tripolin universitetad Al' Fateh-universitetaks (sijaližen čuhundusen mödhe) vn 1976 üläopenikoiden vasthalibundan tagut.

Homaičendad