Mail'man meclondusen päiv

Рувики-späi
Mail'man meclondusen päiv
Логотип Всемирный день дикой природы.jpg
Tip Rahvahidenkeskeine praznik
Znamoičend Kingitada homaičust floran da faunan äjüdehe, pakita ristituid kaita londusen ümbrištod
Tegii Ühthižrahvazkundoiden päassamblei
Päiv 3. keväz'kud
Om sidotud konvencijanke varus olijoiden mecfaunan da floran roduiden möndas
Логотип РУВИКИ.Медиа Mediafailad RUWIKI-tedoiš

Mail'man meclondusen päiv (angl.: World Wildlife Day, ven.: Всеми́рный день ди́кой приро́ды) — ekologine praznik, mitte praznuitas joga voden 3. keväz'kud. Praznikan pätegend om kingitada homaičust faunan da floran äjüdehe da čomudehe, popul'arizoitta londusen ümbrišton kaičndad[1]. Se om vahvištoittud Ühthižrahvazkundoiden päassamblejal vodel 2013. Se vedetas päiväl, konz oli allekirjutadud konvencii varus olijoiden mecfaunan da -floran roduiden möndas (1973).

Istorii

Konvencii varus olijoiden mecfaunan da -floran roduiden möndas (ven.) (vep. oli allekirjutadud 3. keväz'kud vodel 1973[2]. Se zavodi rata 1. heinkud vodel 1975 года[3]. Nece om üks' tärktembišpäi kožmusišpäi meclondusen kaičendan mödhe[4]. Voden 2025 uhokuks konvencijaha mülüb 184 valdkundad da Jevropan ühtištuz[5]. Konvencijan kaičendas om enamb 6,6 tuhad živatoiden rodud i 34,3 tuhad kazvmusiden rodud. Ned om kirjutadud konvencijan ližatusiš i pandud niiden kadondvarun stepenin mödhe[6].

Keväz'kus vodel 2013 Bankokas (Tailand) 16. konvencijan konferencijal oli vahvištoittud rezol'ucii, miččen mödhe 3. keväz'kud — päiväl, konz vodel 1973 oli allekirjutadud azjbumag, tegihe Mail'man meclondusen päiväks. Necen konferencijan aigan Ühthižrahvazkundoiden päassamblejad pakitihe tedotada 3. keväz'kud Mail'man meclondusen päiväks.[7].

20. tal'vkud vodel 2013 Ühthižrahvazkundoiden päassamblejan 68. sessijal vahvištottihe Mail'man meclondusen päiväd 3. keväz'kud. Konvencijan sekretariat ühtes toižidenke Ühthižrahvazkundoiden organizacijoidenke zavodi tarkištelda necen päivän praznuičendad[8].

Ezmäižen kerdan praznik pidetihe vodel 2014. Oli sätud Mail'man meclondusen päivän oficialine logotip, mitte oli kätud Ühthižrahvazkundoiden kudehe oficialižehe kel'he. Mugažo tehtihe praznikan oficialine sait[7].

Всемирный день дикой природы.jpg

Tradicijad

Ühthižrahvazkundoiden päsekretar' joga voden oigendab toivotusen Mail'man meclondusen päiväks[9].

Necil päiväl kaiked mirudme mäneba simpoziumad da tedokonferencijad, ekologižed akcijad, taidehozutelused londusen temale i toižed azjtegod[7].

Venämal

Tradicijan mödhe Mail'man meclondusen päiväks Venäman äjad kaitud tahod, muzejad-kaičuztahod, ekokeskused vedäba erazvuiččid tematižid azjtegoid. Lapsiden täht tehtas vändoid-kvestoid, mastar'-klassoid, viktorinoid.

Ozutesikš, vodel 2016 Moskvan živatpuišt (ven.) (vep. vaumišti "Amuran tigran jäl'gidme"-kanzkvestan[10], vodel 2021 Sočin rahvahaližen puišton kacujad tedištiba harvinaižiš kazvmusiš da živatoiš, miččid voib vastata sen sijal, a Baškirijan kaičuztahos openikad läksiba matkaha tal'vmecadme, kacuiba, kut puhtastadas lunt, openzihe erigoitta lumen strukturad i märitada übusiden korktuden[11].

3. keväz'kud vodel 2024 ven.: «Движение первых»-sebr tegi ühthižvenälaižen ven.: «Атлас природы»-akcijan, miččen aigan vedetihe noriden londusenoppijoiden vastusid, lekcijoid, prezentacijoid, paginoid, diskussijoid, miččed oli omištadud Venäman subjektoiden meclondusele[12].

Temad

Joga voden Mail'man meclondusen päiv omištadas miččele-se temale.

2015: "Tuli aig tarkas pidäda pahoid azjoid, miččed toba pahut meclondusele"[13].

2016: "Meclondusen tulii aig — meiden käziš"[14], alatemanke "Sloniden tulii aig — meiden käziš"[7].

2017: "Kundle noriden änid"[15][16].

2018: "Sured kažid: lihaživatad oma varus"[17][18].

2019: "Meren ekosistemoiden kaičend: ristituiden da planetan täht"[19][20].

2020: "Elon kaičend Mal"[21][22].

2021: "Mecad da tarbhed elon täht: varatada da kaita planetad"[23][24].

2022: "Živatoiden päroduiden udessündutand ekosisteman udižen täht"[25][26].

2023: "Ühthižradod meclondusen kaičendan täht"[27].

2024: "Ristituiden da planetan ühtenzoitand: luguinnovacijad meclondusen kaičendas"[28].

2025: "Meclondusen kaičendan rahoituz: investicijad ristituihe da planetha"[1].

Homaičendad

  1. ↑ 1 2 Всемирный день дикой природы Организация Объединенных Наций, United Nations. Дата обращения: 9 vilukud 2026.
  2. ↑ Конвенция о международной торговле видами дикой фауны и флоры, находящимися под угрозой исчезновения. un.org. Дата обращения: 9 vilukud 2026.
  3. ↑ What is CITES? cites.org. Дата обращения: 9 vilukud 2026.
  4. ↑ Всемирный день дикой природы, РИА Новости. Дата обращения: 9 vilukud 2026.
  5. ↑ List of Contracting Parties. cites.org. Дата обращения: 9 vilukud 2026.
  6. ↑ The CITES species. cites.org. Дата обращения: 9 vilukud 2026.
  7. ↑ 1 2 3 4 Проведение Всемирного дня дикой природы. digitallibrary.un.org. Дата обращения: 9 vilukud 2026.
  8. ↑ Всемирный день дикой природы | Основные сведения | Организация Объединенных Наций, United Nations. Дата обращения: 9 vilukud 2026.
  9. ↑ Послание Генерального секретаря ООН Антониу Гутерриша по случаю Всемирного дня дикой природы. Организация Объединенных Наций : Управление ООН по наркотикам и преступности. Дата обращения: 9 vilukud 2026.
  10. ↑ Квест «По следам амурского тигра» пройдет в Московском зоопарке 5 марта, РИАМО. Дата обращения: 9 vilukud 2026.
  11. ↑ Пресс-служба Минприроды России. Заповедники и национальные парки страны провели ко Всемирному дню дикой природы эколого-просветительские мероприятия. Минприроды России. Дата обращения: 9 vilukud 2026.
  12. ↑ Движение Первых. Первые. Дата обращения: 9 vilukud 2026.
  13. ↑ UNESCO World Heritage Centre. March 3rd is World Wildlife Day (англ.). whc.unesco.org. Дата обращения: 9 vilukud 2026.
  14. ↑ Всемирный день дикой природы 2016: новое объявление социальной рекламы призывает общество серьезно подойти к вопроcам проблемы преступлений против дикой природы. Организация Объединенных Наций. Дата обращения: 9 vilukud 2026.
  15. ↑ 3 марта — Всемирный День дикой природы. Общественное движение "Кольский экоцентр" (2 keväz'kud 2017). Дата обращения: 26 uhokud 2024.
  16. ↑ Engaging and empowering the youth is the call of next year's UN World Wildlife Day. CITES. Дата обращения: 9 vilukud 2026.
  17. ↑ Людмила Белан-Черногор. Международный день дикой природы: в чьих руках будущее планеты? Ежедневный познавательный журнал «ШколаЖизни.ру». Дата обращения: 9 vilukud 2026.
  18. ↑ 100 days until UN World Wildlife Day 2018. CITES. Дата обращения: 26 uhokud 2024.
  19. ↑ Всемирный день дикой природы. Окский заповедник. Дата обращения: 9 vilukud 2026.
  20. ↑ Focusing on marine species for the first time, the next World Wildlife Day is bound to make a splash. CITES. Дата обращения: 9 vilukud 2026.
  21. ↑ Взять под крыло: о чем говорят во Всемирный день дикой природы. Известия. Дата обращения: 9 vilukud 2026.
  22. ↑ "Sustaining all life on Earth" announced as theme of World Wildlife Day 2020. CITES. Дата обращения: 9 vilukud 2026.
  23. ↑ Пресс-служба Минприроды России. Всемирный день дикой природы в 2021 году посвятили лесу. Министерство природы и экологии Российской Федерации. Дата обращения: 9 vilukud 2026.
  24. ↑ "Forests and livelihoods: sustaining people and planet" announced as theme of World Wildlife Day 2021. CITES. Дата обращения: 9 vilukud 2026.
  25. ↑ Валерия Шавельева. 3 марта — Всемирный день дикой природы. Экосфера. Дата обращения: 9 vilukud 2026.
  26. ↑ Recovering key species for ecosystem restoration announced as theme of World Wildlife Day 2022. CITES. Дата обращения: 9 vilukud 2024.
  27. ↑ Во Всемирный день дикой природы в ООН призывают сохранить биоразнообразие планеты. Организация Объединенных Наций. Дата обращения: 9 vilukud 2026.
  28. ↑ Всемирный день дикой природы 3 марта. Организация Объединенных Наций. Дата обращения: 9 vilukud 2026.
Om sadud "https://vep.ruwiki.ru/w/index.php?title=Mail%27man_meclondusen_päiv&oldid=528256"