Kirovskan rajon

Kirovskan rajon
Кировский район
Znam;	Flag;
Valdkund	Venäma
Administrativine keskuz	Kirovsk
Eläjiden lugu (2016)	104,595 ristitud
Pind	2,590,46 km²

Kirovskan rajon (Leningradan agjas.

Administrativine keskuz om Kirovsk-lidn (mülüb rajonha vspäi 2006).

Istorii

Rajonan aluz om pandud vl 1977 sulakun 1. päiväl Leningradan agjaha Volhovan da Tosnon rajoniden paloišpäi, Kirovsk-lidnad agjan alištusenke panihe keskuseks. Vozil 1993−2006 Šlissel'burg-lidn oli alištunu agjan tobmudele. Rajon om olmas nügüdläižiš röunoiš vspäi 2006.

Geografijan andmused

Kirovskan rajon om Leningradan agjan keskuztaho. Pind — 2 590 nellikkilometrad (15nz' sija agjas). Mec katab kaks' koumandest rajonan territorijad (1 743 km²).

Om röunoid 4 Leningradan agjan rajonanke da Piterinke:

päivnouzmas Volhovan rajonanke;
suvipäivnouzmas Kirišin rajonanke;
suves da suvipäivlaskmas Tosnon rajonanke;
päivlaskmas Piterinke;
lodehes Vsevoložskan rajonanke.

Rajonan pohjoižed randad lainištab Ladoganjärv. Znamasine jogi om joksii sišpäi Baltijan meren (Atlantižen valdmeren) basseinha.

Londuseližed varad oma turbaz, sauvondmaterialad (apakkivi, gravii, šebin', letked, saved, mouckivi), mec, kala, reskvezi^[1].

Vspäi 2006 rajonan territorii alajagase 11 municipaližhe ühtnikha: 8 lidnkundha da 3 küläkundha.

Tobmuz

Käskusenandai tobmuz om Ezitajiden Nevondkund (ven. Совет депутатов) 22 ühtnijanke. Kaik rahvaz valičeb heid videks vodeks. Järgvaličendad sihe oliba vl 2014 sügüz'kun 14. päiväl. Junus Ibragimov radab sen ezimehen da rajonan pämehen vs 2016 sügüz'kun 26. päiväspäi ezmäižen strokun. Ezitajiden Nevondkund valičeb rajonan administracijan pämest.

Vs 2016 sügüz'kun 26. päiväspäi Andrei Vit'ko radab rajonan administracijan pämeheks. Ezmäine varapämez', kuz' muite varapämest oma hänele abhu. Kuz' komitetad, 12 palakundad, 8 ohjastust da 11 laudkundad alištudas rajonan administracijan pämehištole.

Vspäi 2015 Kundaline Kodi (ven. Общественная палата) radab rajonas (15 ühtnijad).

Eläjad

Vn 2010 Venäman rahvahanlugemižen mödhe eläjiden lugu oli 101 353 ristitud (videnz' sija agjas).

Kaik om 100 eländpunktad rajonas, sidä kesken 3 lidnad, 5 lidnanvuittušt žilod, 8 muite žilod, 5 raudtestancijan žilod, 78 küläd da 1 futor.

Toižed sured eländpunktad oma Otradnoje-lidn (25,2 tuh. rist. vl 2016), Mga-žilo (10,2 tuh. rist. vl 2016), Priladožskii-žilo (5,7 tuh. rist. vl 2016) da Nazii-žilo (4,8 tuh. rist. vl 2016).

Rahvahad (vn 2010 Venäman rahvahanlugemižen mödhe, enamba 0,4%): uzbekalaižed — 0,4%, toižed rahvahad — 2,7%, rahvahuden ozutandata — 4,6% (jäl'gmäižiden keskes 14,5% mahttas pagišta venäkelel).

Erased igähižed rahvahad: ižoralaižed — 3 rist. (vähemba mi 0,01%)^[2].

Opendusen aluzkundoiden verk mülütab 19 päivkodid, 17 keskskolad, 3 lapsiden da norišton sportskolad.^[3]

Ižanduz

Rajonan ižandusen päsarakod oma^[4]:

laivansauvomine, laivoiden kohenduz da ladimensauvomine laivoiden täht;
sauvondmaterialiden pästand (savič, raudbetontegesed, metallkonstrukcijad, plastiktorved, kuivad betonsegoitused, sauvondmujud);
sömtegimišt;
mašinoidensauvomine (libutimiden palad);
maižanduz (kanaliha, kanamunad, kartohkan kazvatuz, kalan püdand);
energetik (Dubrovkan LEK), jogitransport (Piterin jogiport) da raudtetransport;
torguind da varažomad;
turizm.

Homaičendad

Irdkosketused

Kirovskan rajonan oficialine sait. (ven.)

[1] Kirovskan rajonan investicine pasport (lenoblinvest.ru). — 19 lp. — Lp. 17. (ven.)

[2] Национальный состав и владение языками, гражданство населения Ленинградской области (Leningradan agjan rahvahaline mülükund, ristitišton kel'mahtod da rahvahanikuz.) / Стат. сборник. Часть 1. — СПб.: Петростат, 2013. — 266 lpp. — Lpp. 57−58. (ven.)

[3] Leningradan agjan Kirovskan rajonan opendusen aluzkundoiden sait. (ven.)

[4] Kirovskan rajonan investicine pasport (lenoblinvest.ru). — 19 lp. — Lpp. 1−10. (ven.)

[1]

[2]

[3]

[4]