Kirovsk (Leningradan agj)

Kirovsk
Флаг[d] Герб
59°52′31″ с. ш. 30°58′53″ в. д.
Valdkund	Venäma
Istorii da geografii
Tegemižen päiv	13. kezakud 1931
Pind	84,9
Высота	20
Aigvö	UTC+3[d]
Eläjad
Eläjad	▲27 238 чел. (2021)
Lugud
Telefonan kod	81362
Počtan indeksad	187341–187344
Официальный сайт
Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Kirovsk (ven.: Ки́ровск, suom.: Korotka) om Venäman lidn da lidnankund Leningradan agjan keskuses, Kirovskan rajonan administrativine keskuz (mülüb rajonha vspäi 2006). Se om rajonan kaikiš suremb lidn, kuti Otrandoje-ki lidn Nevan mödvedhe (25,2 tuh. rist. vl 2016).

Istorii

Eländpunktan aluz om pandud vn 1931 13. päiväl kezakud kuti sauvojiden Nevdubrstroi-žilo sauvomha lämuzelektrokeskust. Se oli nimitadud lähembaižen (Nevan) Dubrovk-külän mödhe Nevan vastrandal. Vn 1943 vilukus muretihe Leningradan blokadad läz žilod da Šlissel'burgad. Vl 1943 LEK oli nimitadud Sergei Kirovan oiktastuseks. Vl 1953 žilo sai lidnan statusad nügüdläiženke nimenke.

Vs 1977 sulakun 1. päiväspäi lidn om ühtennimižen rajonan administrativižeks keskuseks. Vozil 1965−2006 Kirovsk oli alištunu agjan tobmudele oikti.

Municipaline «Kirovsk»-ühtnik om olmas nügüdläižiš röunoiš vspäi 2006. Kaik kaks' eländpunktad om siš, toine om Molodcovo-žilo.

Kirovskan ižandusen päsarakod oma energetine sarak (Dubrovkan LEK), laivansauvomine da mašiništon pästand laivoiden täht, produkcii sauvondan täht (komplektad pertid sauvomha, kuivad segoitused, elektrojärgenduzlaudad), plastikantegim.

Geografijan andmused

Lidn sijadase päivnouzmha Piterišpäi, Kirovskan rajonan päivlaskmaiženno röunanno. Matkad Piterihesai om 35 km päivlaskmha. Kirovsk seižub Neva-jogen hural korktal randal, läz Ladoganjärven randad, 20 m ü.m.t. keskmäižel korktusel. Lähembaine lidn om Šlissel'burg vides kilometras pohjoižhe.

Molodcovo-žilo (1 013 rist. vl 2018) mülüb lidnankundha Kirovskan ližaks. Rajonan kahesa valičemižümbrikod (nomerad 10..17) mülüdas municipaližen «Kirovsk»-ühtnikha.

Tobmuz

Käskusenandai tobmuz om Ezitajiden Nevondkund (ven.: Совет депутатов) 14 ühtnijanke. Kaik rahvaz valičeb heid videks vodeks. Järgenduseližed valičendad oliba sihe vn 2019 8. päiväl sügüz'kud. Vladimir Petuhov radab sen ezimehen da lidnankundan pämehen vs 2017 kezakun 24. päiväspäi, hän vajehti Maksim Laškovad.

Eläjad

Vl 2010 Venäman rahvahanlugemižen mödhe lidnan eläjiden lugu oli 25 650 ristitud, lidnankundan — 26 641 ristitud. Kaikiš suremb lidnan ristitišt oli 27 238 eläjad vl 2021. Vl 2017 kaik 25 978 ristitud elihe lidnas i 27 400 ristitud kaikes lidnankundas.

Ortodoksižen hristanuskondan koume pühäpertid oma saudud Kirovskas: ph. Johann-endustajan pän čapatesen kaks' jumalanpertid (vanh 1998−2000 i uz' avtostancijanno om sauvomas vspäi 2015), mugažo ph. Jurgii-vägestusenkandajan časoun' «Nevan placdarm»-memorialas.

Kirovskan politehnine tehnikum om lidnan professionaližen opendusen aluzkundaks.

Transport

Federaline «Kol»-avtote (Murmanskan avtote) ühtenzoitab Nevan randoid lidnan pohjoižes.

Nevdubstroi-raudtestancii om ühtes kilometras suvipäivlaskmha lidnaspäi, ezilidnelektrojonused ajadas Piterin Moskvan i Ladogan päraudtestancijoišpäi.

Galerei

• Невский Пятачок Рубежный камень 1.jpg

  Kaičendpirdan kivi «Nevan placdarm»-memorialas (2015)

• Church of the Beheading of St. John the Baptist Kirovsk May 2021.jpg

  Ph. Joann-valatajan pän pakutandan jumalanpert', vn 2021 nägu

• 

  Dubrovkan LEK vl 2014

• Кировск. Набережный 04.jpg

  «Naberežnii»-torguindkeskuz (2020)

• Кировск. Автостанция 01.jpg

  Avtobusstancii vl 2020

Homaičendad

Irdkosketused

• Municipaližen «Kirovsk»-ühtnikan tobmuden oficialine sait (kirovsklenobl.ru). (ven.)