Primorsk (lidn, Leningradan agj)
| Primorsk | |
|---|---|
 | |
| 60°22′00″ с. ш. 28°37′00″ в. д.GЯO | |
| Valdkund | |
| Istorii da geografii | |
| Высота | 5 |
| Aigvö | UTC+3[d] |
| Eläjad | |
| Eläjad |
|
| Lugud | |
| Telefonan kod | 81378 |
| Počtan indeksad | 188910 |
 Mediafailad RUWIKI-tedoiš | |
Sil sanal voib olda toižid znamoičendoid; miše nähta niid, tulgat tänna.
Primorsk (ven.: Примо́рск, suom.: Koivisto) om Venäman lidn da lidnankund Leningradan agjan lodehes, mülüb Viipurin rajonha.
Istorii
Eländpunkt mainitase aigkirjoiš vspäi 1268 kuti Berözovskoje, vspäi 1323 mülüi Ročinmaha Björke-nimenke. Vozil 1721−1920 oli Venäman imperijan palaks Berözovoje-nimenke, sid' vhesai 1940 alištui Suomenman tobmudele. Sai lidnan statusad NSTÜ:s vl 1940. Oli okkupiruidud Suomenman sodavägil vll 1941 (2. sügüz'ku) — 1944 (18. kezaku). Udesnimitihe nügüdläižikš vn 1948 1. päiväl redukud.
Primorsk šingotase valdkundaližen büdžetan aluzkundoil i kivivoin järedal meriportal[3].
Geografijan andmused
Lidn sijadase Suomen lahten randal, viž metrad ü.m.t. keskmäižel korktusel. Matkad Viipurhasai om 45 km pohjoižhe, Piterihesai — 75 km suvipäivnouzmha. Järed Primorsk-meritorguindport om saudud vides kilometras suvipäivnouzmha lidnaspäi vozil 2000−2006 valamha kivivoid da sen produktoid veimespäi laivoihe, portan jüguiden pörund oli 57,6 mln tonnoid vl 2017. Primorsk-raudtestancii radab «Zelenogorsk — Viipur»-keskustal (mererandaline variant).
Kaik 17 žilod da koume küläd mülüdas lidnankundha Primorskan ližaks. Lidnankundan pind — 596,47 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 6 119 ristitud, lidnankundan — 10 486 ristitud. Kaikiš suremb lidnan ristitišt oli 6 637 eläjad vozil 1989 i 2001 i 6 537 eläjad vl 2021. Vl 2017 kaik 5 739 ristitud elihe lidnas i 13 768 ristitud kaikes lidnankundas, rajonan 6,8 %.
Ortodoksižen hristanuskondan kaks' jumalanpertid[4] oma avaitud lidnas: ph. Mikulai-čudonsädajan (letihe vll 1997−1999) i Venäman jumalankodikundan moknikoiden (om saudud vll 2006−2010). Kaik kahesa jumalankodikundad oma tulendoid lidnas.
Professionaližen opendusen aluzkundad ratas lähembaižiš lidnoiš. Ende Piterin tegimištoliž-ekonomižen kolledžan (sauptihe vl 2017) filial radoi.
Lidnankundan pämez' om Deputatoiden nevondkundan ezimez'. Edeline lidnankundan pämez' om Svetlana Rižova (reduku 2009 — heinku 2021). Lidnan Administracijan pämez' om Sergei Saharovskii vn 2022 sulakuspäi.
Galerei
- Primorsk. Frog fountain 01.jpg
Fontan kivilöcunke (2020)
- Primorsk. Church of the New Martyrs and Confessors of Russia 02.jpg
Venäman uziden moknikoiden i hengenavaidamižen kundlijoiden jumalanpert' (ortodoksine hristanuskond), vn 2020 nägu
- Rusya prımorskı by ismail soytekinoğlu - panoramio.jpg
Kodirandantedištandmuzei vl 2008 vai sen aigemba, ende ph. Marija Magdalenan lüteranine jumalanpert'
Merivaldmad Katerlahtes vl 2020
Primorsk-raudtestancijan platform vl 2019
Homaičendad
Irdkosketused
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||