Uz' Ladog
| Uz' Ladog | |||||
|---|---|---|---|---|---|
 | |||||
|
|||||
| 60°06′07″ с. ш. 32°18′20″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1704 | ||||
| Высота | 144 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 81363 | ||||
| Počtan indeksad | 187450 da 187453 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
.png)
Uz' Ladog (ven.: Но́вая Ла́дога, suom.: Uusi-Laatokka) om Venäman lidn da lidnankund Leningradan agjan keskuzpalas. Se om Volhovan rajonan kaikiš penemb lidn.
Istorii
Petr I pani eländpunktan alust vl 1704 lidnan statusanke kuti verf' sauvomha laivoid. Edel sidä Nikolo-Medvedskii (Nikol'sko-Medvedovskii)-jumalankodin aluz oli pandud 14.−15. voz'sadoil nügüdläižen lidnan territorijas. Jumalankodi oli tühjitadud Uden Ladogan alusenpanendan ühtes.
Uden Ladogan ižandusen päsarakod oma sömtegimišt, kalanpüdand da turizm, mugažo laivansauvomižtegim oli (sirdi Piterihe), verf'[3] radab, kondensatorantegim[4] da nahkgalanterejan fabrik[5] (matkliphad) oma saudud lidnas.
Geografijan andmused
Lidn sijadase rajonan pohjoižes, Olhav-jogensun hural randal läz Ladoganjärved, 15 m ü.m.t. keskmäižel korktusel. Matkad Piterihesai om 130 kilometrad päivlaskmha, Volhov-rajonkeskushesai — 24 km suvhe.
Uz' Ladog jagase nelläks lidnanlaptaks. Kaik nell' pen't küläd mülüdas lidnankundha Uden Ladogan ližaks. Lidnankundan pind — 143,5 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 8 838 ristitud, lidnankundan — 8 915 ristitud. Kaik 8 413 ristitud elihe lidnas vl 2017. Kaikiš suremb lidnan kaikenaigaine ristitišt oli 11 310 eläjad vl 1989.
Ortodoksižen hristanuskondan seičeme pühäpertid[6] oma kaičenus i saudud lidnas: Pühän Jumalanmaman Sündundan päjumalanpert', ph. Mikulai-čudonsädajan päjumalanpert', viž jumalanpertid. Niiden ližaks kaks' časounäd oma kadonuded.
Professionaližen opendusen aluzkundad ratas lähembaižiš lidnoiš.
Transport
Kaks' federališt avtoted ühtenzoittas lidnas: «Kola» (P21, E105) i «Uz' Ladog — Vologd» (A114).
Lähembaine raudtestancii om Volhovstroi I, sijadase 24 km suvhe.
Galerei
- DSC04393 2020v.jpg
Lidnan administracijan pert' (2020)
- DSC01162 2016v.jpg
Ph. Jumalanmaman Sündundan päjumalanpert', vn 2016 nägu (ende Ioann Jumalantedomehen)
- Новоладожский судостроительный завод.jpg
Uden Ladogan laivansauvomižtegim vl 2012
- DSC05387 2020v.jpg
Čomamahtoiden škol (2020)
- NovayaLadoga TradeArcades 002 3174.jpg
Torguindrived (Adivpert'tanaz) vl 2018
Homaičendad
- ↑ http://www.gks.ru/free_doc/2016/oktmo/tom2_oktmo.rar
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Ladogan verfin sait (ladverf.ru). (ven.)
- ↑ Uden Ladogan kondensatorantegimen edheotandan sait (amficond.ru). (ven.)
- ↑ Uden Ladogan nahkgalanterejan fabrikan sait (kgfnola.instella.ru). (ven.)
- ↑ Uden Ladogan pühäpertid sobory.ru-saital. (ven.)
Irdkosketused
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||