Šlissel'burg

Šlissel'burg
Флаг[d] Герб
59°56′42″ с. ш. 31°02′05″ в. д.
Valdkund	Venäma
Istorii da geografii
Tegemižen päiv	1323
Pind	16
Высота	15
Aigvö	UTC+3[d]
Eläjad
Eläjad	▼14 131 чел. (2021)
Lugud
Telefonan kod	81362
Počtan indeksad	187320
Официальный сайт
Mediafailad RUWIKI-tedoiš

Orešek-lidnuz

Šlissel'burg (ven.: Шлиссельбу́рг, suom.: Pähkinälinna, saks.: Schlüsselburg «avadim-lidn»; vozil 1323−1611 Orešek «pähkmut», edel 1702. vot Noteburg, roč.: Nöteborg «pähkmut-lidn» tähäsai, vozil 1944−1992 Petrokrepost' «Petran lidnuz», ven.: Петрокрепость) om Venäman lidn da lidnankund Leningradan agjan keskuzpalan päivlaskmas. Mülüb Kirovskan rajonha, sen koumanz' surtte lidn koumespäi.

Istorii

Eländpunktan aluz om pandud Uz'lidnan Jurii Danilanpoig-ruhtinasel vl 1323 Orehovii-sar'he pulidnuseks. Vl 1353 uz'lidnalaižed udessauvoiba lidnust kivespäi. Vozil 1613−1702 lidnuz oli Ročinman palaks. Petr I Sur' anasti lidnust tagaz vl 1702, pol'vot aigemb mi Piterin alusenpanend oli, i pani posadan alust Nevan hural randal, nimiti nügüdläižikš. Posad sai makundan lidnan statusad vl 1780. Toine rahvahaline nimi oli Šlüšin.

Toižen mail'man sodan aigan lidn oli okkupiruidud nacistižen Germanijan sodavägil vll 1941 (8. sügüz'ku) — 1943 (18. viluku), päiči lidnust. Vozil 1996−2005 alištui Leningradan agjan tobmudele oikti.

Šlissel'burgan kaikiš järedamb edheotand om Nevan laivansauvomižen da kohendusen tegim (vspäi 1913).

Geografijan andmused

Lidn sijadase Nevan hural randal (Baltjan meren bassein) jogen lähtendanno Ladogaspäi, 15 metrad ü.m.t. keskmäižel korktusel. Uden Ladogan kanalan agj om lidnas (Volgan-Baltijanmeren veziten pala). Matkad Piterin keskushesai om 50 kilometrad päivlaskmha orhal vai avtotedme, Kirovsk-rajonkeskuz sijadase koumes kilometras suvhe. Petrokrepost' -raudtestancii sijadase Nevan oiktal randal i ei mülü lidnha, voib sadas sišpäi lidnhasai ehtatimel (kaks' kilometrad) vai matkad 20 km avtotedme, «Kol»-avtoten sildadme.

Šlissel'burg om lidnankundan üks'jäižeks eländpunktaks.

Eläjad

Vn 2010 Venäman rahvahanlugemižen mödhe 13 170 ristitud elihe lidnas, rajonan seičemendez. Kaik 14 763 eläjad oli lidnas vl 2017. Kaikiš suremb lidnan ristitišt oli 14 803 eläjad vl 2015.

Ortodoksižen hristanuskondan viž jumalanpertid oma kaičenus i saudud lidnas: Pühän Jumalanmaman Blagoveššenjan päjumalanpert', Joann-edelkävujan sündundan päjumalanpert' lidnuses, kaks' jumalanpertid i časoun'. Niiden ližaks kaks' jumalanpertid i kaks' časounäd ei ole kaičenus.

Vezitransportan tehnikum om lidnan professionaližen opendusen aluzkundaks.

Lidnankundan tobmuden pämez' om Deputatoiden nevondkundan ezimez'. Edeližed lidnankundan pämehed oma Vladimir Nomerov (heinku 2018 — viluku 2020) i Nadežda Silajeva (sügüz'ku 2016 — heinku 2018). Lidnan Administracijan pämez' om Artöm Želudov vn 2020 tal'vkuspäi.

Galerei

• 4439. Shlisselburg. Zhuka Street, 5.jpg

  Lidnan administracijan pert' (2015)

• 190. Шлиссельбург. Соборная пл.JPG

  Päjumalanpertintorgun ansambl', vn 2015 nägu

• 4420. Nevsky Shipbuilding and Shiprepairing Plant.jpg

  Nevan laivansauvomižen da kohendusen tegim vl 2015

• Шлиссельбург, ул. Чекалова 4.jpg

  Adivpert' (2016, ende A. Potaševan pert')

• 164. Шлиссельбург. Крепость Орешек. Мемориал защитникам крепости Орешек в годы ВОВ.JPG

  Suren sodan memorial i Joann-edelkävujan päjumalanpertin ruinad Orešek-lidnuses vl 2015

Homaičendad

Irdkosketused

• Lidnan Deputatoiden nevondkundan sait (mo-shlisselburg.ru). (ven.)
• Lidnan Administracijan sait (admshlisselburg.ru). (ven.)