Säs'stroi

Säs'stroi
Герб
60°08′13″ с. ш. 32°33′21″ в. д.
Valdkund	Venäma
Istorii da geografii
Tegemižen päiv	1927
Высота	25
Aigvö	MSD[d]
Eläjad
Eläjad	▲12 566 чел. (2021)
Lugud
Telefonan kod	81363
Počtan indeksad	187420
Mediafailad RUWIKI-tedoiš

Säs'stroi (ven.: Сясьстро́й, suom.: Sjasstroi) om Venäman lidn da lidnankund Leningradan agjan keskuzpalas. Se mülüb Volhovan rajonha, kahtenz' surtte lidn koumespäi.

Istorii

Amuine Säsin Rädkid-eländpunkt (ven.: Сясьские Рядки) mainitase kirjutadud purtkiš ezmäižen kerdan vl 1572, sigä torguihe kalad da mecad.

Nügüdläižen eländpunktan aluz om pandud vl 1927 radnikžiloks sauvomha Säsin cellülozbumagašt kombinatad (saudihe vozil 1926−1928, alištui rekonstrukcijale vl 2008). Vl 1992 žilo sai lidnan statusad.

Säs'stroin ižandusen päsarak om cellülozbumagaine tegimišt, kombinat seižub Valgomkan hural randpolel. Toižed edheotandad oma il'mvenehiden tegim, leibänceh, änikoiden kazvatusen ferm.

Geografijan andmused

Lidn sijadase Säs'-jogen oiktal randal, Valgomk-jogen lanktendan sijas, Ladoganjärven randpolel (nell' kilometrad randhasai), 25 m ü.m.t. keskmäižel korktusel. Matkad Volhov-rajonkeskushesai om 35 km suvipäivlaskmha. Matkad Piterihesai om 152 kilometrad päivlaskmha. Lähembaine lidn om Uz' Ladog 20 km päivlaskmha «Kol»-trassadme.

Avrovo-žilo (332 rist. vl 2010) da ühesa küläd mülüdas lidnankundha Säs'stroin ližaks. Lidnankundan pind — 116 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 13 745 ristitud, lidnankundan — 14 409 ristitud, rajonan seičemendez. Kaikiš suremb lidnan ristitišt oli 18 tuhad eläjid vl 1988. Vl 2017 kaik 13 006 ristitud elihe lidnas i 13 626 ristitud kaikes lidnankundas.

Pühän Jumalanmaman Emäganpäivän kaks' pühäpertid oma avaitud lidnas (ortodoksine hristanuskond): jumalanpert' vspäi 1751 (kellčuhunduz 1810−1816) i časoun' (18. voz'sadan lopuspäi).

Volhovan äiprofil'žen tehnikuman lavut nomer 4 om lidnan profopendusen aluzkundaks.

Transport

Lähembaine passažirraudtestancii om Lungačid vides kilometras suvipäivnouzmha lidnan keskusespäi «Volhov — Pöud»-keskustal.

Galerei

• Сясьстрой кладбище центр.jpg

  Suren sodan nevondkundaližiden sodamehiden velleskaum (2018)

• Syas'stroy. Ensemble of the Church of the assumption of the blessed virgin Mary.jpg

  Jumalanmaman Emäganpäivän pühäpert', vn 2020 nägu

• Сясьстрой, ул.25 Октября, 1-3.jpg

  Profškol vl 2018

• Syasstroy CulturePalace 002 5144.jpg

  Kul'turkeskuz (2018)

Homaičendad

Irdkosketused

• Lidnankundan tobmuden aluzkundoiden oficialine sait (администрация-сясьстрой.рф). (ven.)