Priozersk

	Priozersk
	Герб
	61°02′21″ с. ш. 30°07′45″ в. д.GЯO
Valdkund	Venäma;
Istorii da geografii
Pind	16,5;
Высота	10
Aigvö	UTC+3:00[d]
Ekonomik
Eläjad
Eläjad	▲18 777 чел. (2021);
Lugud
Telefonan kod	81379
Počtan indeksad	188760 и 188761
-
	lugeda • diskussii • redaktiruida

Korel-lidnuz vn 2020 tal'vkus (vanh pala)

Priozersk (Leningradan agjan lodehes. Se om Priozerskan rajonan i lidnankundan administrativine keskuz.

Istorii

Eländpunkt mainitase ezmäižen kerdan vl 1295 kuti Korel-lidnuz, oli tetab necen nimenke vhesai 1611. Se sai lidnan statusad vl 1310. Raudtestancii om saudud vl 1916. Vspäi 1948 lidn om olmas nügüdläiženke nimenke.

Priozerskan ižandusen päsarak om mecan süvä ümbriradmine: punümbriradai tegim i «Lesplitinvest»-edheotand.

Geografijan andmused

Lidn sijadase Karjalan kaglhal, Ladoganjärven i Vuoks-jogen pohjoižen hijaman randoil, 14 m ü.m.t. keskmäižel korktusel. Matkad Piterin röunhasai om 127 km suvhe, sen keskushesai — 145 km. Lähembaižed lidnad oma Kamennogorsk 54 km päivlaskmha orhal vai 92 km avtol i Lahdenpohj (Karjalan Tazovaldkund) 53 km pohjoižhe orhal vai 81 avtotedme.

Kaik koume pen't žilod mülüdas lidnankundha: Storoževoje (308 rist. vl 2010), Brigadnoje (68 rist.), Burnevo (12 rist.). Lidnankundan pind om 41,82 km².

Eläjad

Vl 1910 eläjiden lugu oli 1 977 ristitud. Vn 2010 Venäman rahvahanlugemižen mödhe lidnan eläjiden lugu oli 18 929 ristitud, lidnankundan — 19 321 ristitud. Vl 2017 lidnan ristitišt oli 18 616 eläjad. Kaikiš suremb lidnan ristitišt oli enamba 20 tuhad eläjid vll 1989−1998 i 2002−2003 (20 557 rist. vl 1989).

Ortodoksižen hristanuskondan kuz' pühäpertid^[3] oma avaitud lidnas: Jumalanmaman Sündundan päjumalanpert' (om saudud vll 1838−1847), Kaikiden Pühämehiden jumalanpert' (om letud vll 1890−1892), Raštvoiden jumalanpert' (om sätud vll 2001−2009, Venäman Patriarhan ohjanduzkundan al), koume časounäd.

Priozerskan politehnine kolledž^[4] om lidnan üks'jäižeks profopendusen aluzkundaks.

Lidnankundan Administracii om likvidiruidud vn 2015 semendkus, rajonan administracii oigendab sen velgusid.

Transport

Ühtennimine Priozersk-raudtestancii seižub «Suomen päraudtestancii) — Hiitol»-jonol. Avtote Sortavalhasai (A-121) läbitab lidnad.

Venehstancii om Vuoks-järven randal.

Galerei

Кексгольмская крепость, корпуса санатория сверху зимой (2).jpg

Korelan (Keksgol'man) lidnuz vn 2020 tal'vkus (uz' pala, nügüd' armijan sanatorii)
Приозерск. Рождественский собор 01.jpg

Jumalanmaman Sündundan päjumalanpert', vn 2019 nägu
Приозерск. Заводская 3 и 5 02.jpg

«Lesplitinvest»-kompanijan tegimen tulend (2019)
Гостиница Корела.jpg

«Korela»-adivpert' (2019)
Priozersk-päraudtestancii vl 2010

Homaičendad

Irdkosketused

Priozersk Vikiaitas

	Leningradan agjan lidnad
	Koltuši \| Kommunar \| Kos'kenaluine \| Kudrovo \| Lug \| Lüban' \| Murino \| Nikol'skoje \| Otradnoje \| Pikalövo \| Primorsk \| Priozersk \| Pöud \| Sertolovo \| Slanci \| Sosnovii Bor \| Svetogorsk \| Säs'stroi \| Šlissel'burg \| Tihvin \| Tosno \| Uz' Ladog \| Viipur \| Visock \| Volhov \| Volosovo \| Vsevoložsk

[_46056e228bbd5108-1] 1,0 ^1,1 http://www.gks.ru/free_doc/2016/oktmo/tom2_oktmo.rar

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Priozerskan pühäpertid sobory.ru-saital. (ven.)

[4] Priozerskan politehnižen kolledžan sait (prioz-ptk.ru). (ven.)

[1]

[2]

[3]

[4]