Rossipnov Viktor Viktorovič

Рувики-späi
Viktor Viktorovič Rossipnov
Россыпнов Виктор Викторович.jpg
Флаг
Karjalan valdmehišton infrastrukturan kehitoitusen vice-premjer
Флаг
28. vilukud vodel 2025 — nügüdehesai
Ken oli ende Oksana Čebunina
Флаг
Karjalan sauvondan, kodiholitusiden sisteman da energijan ministr
Флаг
10. vilukud vodel 2020 — 24. uhokud vodel 2025
Ken tuli jäl'ghe Aleksandr Fedoričev
Флаг
Karjalan teiden ohjandusen pämez'
semendku vodel 2018 — 10. vilukud vodel 2020
Sündundpäiv 7. redukud 1982(1982-10-07) (43 года)
Openduz Venäman päprokuraturan Piterin juridine universitet

Viktor Viktorovič Rossipnov (ven.: Ви́ктор Ви́кторович Россыпно́в, om sündunu 7. redukud 1982, Petroskoi) — venälaine valdmez', Karjalan valdmehišton infrastrukturan kehitoitusen vice-premjer (voden 2025 vilukun 28. päiväspäi), Karjalan sauvondan, kodiholitusiden sisteman da energijan ministr (2020—2025).

Elostarin

Om sündunu 7. redukud vodel 1982[1] Karjalan ASSRan Petroskoiš. Lopi hüvin Venäman päprokuraturan Piterin juridižen universitetan "jurisprudencii"-specialižuden mödhe[2].

Karjera

Vodelpäi 2003 radoi ecindazjan tundijan vai sledovatel'an Karjalan prokuraturas, vodelpäi 2007 ohjanzi Sortavalan, a vodelpäi 2011 Petroskoin ecinderištod Venäman prokuraturan pohjal Karjaladme. Vodel 2014 hänele anttihe justicijan podpolkovnikan arvnimi[3].

Sügüz'kus vodel 2017 Rossipnovad pandihe Karjalan londuzvaroiden da ekologijan varaministraks, hän tarkišteli administrativišt zakonoiden tegendan kundad. Semendkus vodel 2018 hän ohjanzi regionališt avtoteiden ohjanduzkundad. Rossipnovan abul tehtihe äjid sildoid, kohetihe äjid teid (kaiked Karjalas om läz 6000 km teid, niišpäi enamba 2000 km oma asfaltted), pala niišpäi anttihe federaližehe omištusehe. Kaik nece oli tehtud "Varumatomad hüväd ted"-rahvahaližen projektan (ven.) (vep. abul[2][4].

Voden 2020 vilukun 10. päiväspäi voden 2025 uhokun 24. päivähasai ohjanzi Karjalan sauvondan, kodiholitusiden sisteman da energijan ministerstvad[2].

28. vilukud vodel 2025 Karjalan pämez' Artur Parfenčikov pani Viktor Rossipnovad regionan valdmehišton infrastrukturan kehitoitusen vice-premjeraks. Viktor Rassipnov tarkišteleb Karjalan sauvondan, kodiholitusiden sisteman da energijan ministerstvan, Karjalan teslužban, ajamiden da sidon ministerstvan, a mugažo arvon da tarifoiden valdkundaližen komitetan radod[5].

24. uhokud vodel 2025 Viktor Rossipnov jäti Karjalan sauvondan, kodiholitusiden sisteman da energijan ministran radsijan, miččel hän oli läz kud, oldes ühten aigan Karjalan valdmehišton vice-premjeran[6].

Ridad

Vodel 2025 Karjalan valdmehišton varapämez' Viktor Rossipnov sai sudazjan todištamatomuden. Hän tahtoi, miše ustavzoitandan kriminaližes azjas saiži Federaližen kaznačeistvan tarkištelendohjandusen pämez' Aleksei Maksimov. Rida regionaližen da federaližen činovnikoiden sündui, sikš ku Venäman lugendpalat tegi homaičusid Karjalan päobjektoiden sauvotusen vigoiš — industrialine park Petroskoiš da "Belomorskan petroglifad"-muzejan (ven.) (vep. vizit-keskuz, a mugažo infrastruktur äilapsiden kanzoiden täht Sortavalas jäiba sauvomata märaigan.

Rossipnov napri ridelta sudan ezmäižen instancijan pätuses, no sud oli ecindazjmehišton polel. Ičeze pätuses sud tedoti, miše Karjalan valdmehišton varapämehen pakičuses se ei nägend konkretižid tehtud pahas tegos tedoid, miččed oliba tarbhaižed, miše vedäda kodvtegoid hänen federaližen ühtesradnikan A. Maksimovan näht statjoiden RF UPK 144—145 mödhe. Rossipnov andoi abidkirjeižen tarkištusehe Karjalan Ülembaižehe sudha, no se jäti sudan ezmäižen instancijan pätusen vajehtomatomaks.

Viktor Rossipnov hökkähti, miše ei lopind objektoid ičeze aigan, a niid pidi lopta voden 2024 lophusai. Hän sel'genzoiti necen sil, miše oli tehtud enamba radoid, mi oli kirjutadud planan azjbumagoiš, nece pakiči liža-aigad da resursoid, miše lopta sauvondradoid[7].

Kanz

Oli nainu Aleksandra Nikolajevna Rossipnoval. Hän oli Valdkundaližen komitetan arvoiden da tarifoiden varapämehen, ohjanzi Karjalan "Mavaroiden ohjanduzkundad", oli Änižröunan varaprokuroran, ühtnikoiden palasauvotusen oiktusiden kaičendan fondan ohjandajan (2020), Petroskoin varapämehen, lidnansauvotusen da mankävutandan komitetan pämehen (2021—2022)[8][9][10].

Viktor Rossipnoval om kaks' poigad.

Vodel 2025 vanhemb pog Vsevolod tragižesti koli Moskvas. Hänele oli 18 vot. Vsevolod ühtes sebranikanke kadoi 21. kezakud vodel 2025. Äjak-se päiväs päliči heid löutihe kolijoin. Ecindazjoiden komitet zavodi sudazjan statjaližen surman tulendas[11][12].

Homaičendad

  1. ↑ Виктор Россыпнов - Министр строительства, жилищно-коммунального хозяйства и энергетики Республики Карелия. russiasmartcity (7 redukud 2024). Дата обращения: 14 tal'vkud 2025.
  2. ↑ 1 2 3 Глава Карелии назначил нового вице-премьера республики. karelia.rbc.ru (28 vilukud 2025). Дата обращения: 14 tal'vkud 2025.
  3. ↑ Комиссар Каттани. stolicaonego.ru (4 vilukud 2021). Дата обращения: 23 tal'vkud 2025.
  4. ↑ Новая дорога Виктора Россыпнова. rk.karelia (14 uhokud 2019). Дата обращения: 14 tal'vkud 2025.
  5. ↑ Глава Карелии произвел кадровые назначения в Правительстве Карелии. adm.gov.karelia.ru (4 keväz'kud 2025). Дата обращения: 14 tal'vkud 2025.
  6. ↑ Виктор Россыпнов покидает пост главы Минстроя Карелии. karel.mk (24 uhokud 2025). Дата обращения: 14 tal'vkud 2025.
  7. ↑ Вице-премьер Карелии Россыпнов проиграл суды федеральному чиновнику на фоне критики Счетной палаты. mustoi (11 elokud 2025). Дата обращения: 14 tal'vkud 2025.
  8. ↑ Бывшая жена министра строительства Карелии защищает обманутых дольщиков. gubdaily (1 sügüz'kud 2020). Дата обращения: 14 tal'vkud 2025.
  9. ↑ Заместитель Главы Петрозаводска Александра Россыпнова. m.ok (3 redukud 2022). Дата обращения: 14 tal'vkud 2025.
  10. ↑ Экс-супруга главы Минстроя Карелии займет пост замглавы Петрозаводска. stolicaonego (21 redukud 2021). Дата обращения: 14 tal'vkud 2025.
  11. ↑ Вице-премьер Карелии Виктор Россыпнов сообщил о трагической гибели сына. sampotv360 (30 kezakud 2025). Дата обращения: 14 tal'vkud 2025.
  12. ↑ «Нашу семью постигло огромное горе». Вице-премьер Карелии, потерявший сына, поблагодарил за поддержку. gubdaily (30 kezakud 2025). Дата обращения: 14 tal'vkud 2025.
Om sadud "https://vep.ruwiki.ru/w/index.php?title=Rossipnov_Viktor_Viktorovič&oldid=530554"