Ohlopkov Mihail Jegorovič

Рувики-späi
В Рувики есть статьи о других людях с фамилией Ohlopkov.
Mihail Jegorovič Ohlopkov
Охло́пков Михаи́л Его́рович.jpg
Флаг
Karjalan valdmehišton ühtnik - Karjalan tervehtoitusen ministr[1]
Флаг
6. tal'vkud vodel 2018 — nügüdehesai
Ken oli ende Marina Švec
Флаг
Jakutian tervehtoitusen ministr
Флаг
14. keväz'kud vodel 2016 — 23. redukud vodel 2018
Флаг
Jakutian Tomponskan agjan keskuzläžundkodin pälekar'
2012 — 2016
Sündundpäiv 19. redukud 1969(1969-10-19) (56 лет)
Openduz Jakutian valdkundaližen universitetan tervhuz'institut (1994), Sibirin valdkundaline tervuz'institut
(Tomsk, 1997).
Tedostepen' Tervhuz'tedon kandidat[d]
Professii lapsiden hirurg

Mihail Jegorovič Ohlopkov (ven.: Михаи́л Его́рович Охло́пков, om sündunu 19. redukud 1969, Krest-Khaldzhan[d], Jakutian ASSR[d]) — venälainen valdmez', Karjalan tervehtoitusen ministr (2018—nügüdehesai). Korktemban kvalifokacijan kategorijan tundii lipsiden leikatuztedon, tervehtoitusen ohjanduzkundan da rahvazkundan tervhuden alovehes. Tervhuz'tedon kandidat (2002)[2].

Elostarin

Om sündunu 19. redukud vodel 1969 Jakutian ASSRan Tomponskan agjan Krest-Hal'džai-küläs. Aigoiš jäi tatata jügedan kibun taguiči. Händast kazvati mam[3]. Vodel 1994 lopi Jakutian valdkundaližen universitetan (ven.) (vep. tervhuz'institutan "Tervhuz'azj"-specialižuden mödhe, vodel 1995 lopi internaturan lapsiden valdkundaližes läžundkodiš "Lapsiden leikatuztedo"-specialižuden mödhe. Händast kuctihe radole Mamanholen da laps'aigan keskusehe, kus hän radoi leikatuzlekarin lapsiden leikatuzerištos. Opendajan Valentin Nikolajevan ohjandusel Mihail tegi jügedoid leikatusid, a teravas zavodi tehta udištuzleikatusid sünduližiden vigoiden aigan.

Oldes tervhuz'institutan koumanden kursan üläopenikan Ohlopkovad ottihe sovetskijaha armijaha, hän oli voinslužbal Mongolias tankvoinvägiš. Tegihe "T-72"-tankan ohjandajaks. Služban jäl'ghe pördihe Jakutiaha i jatksi opendust.

Vodel 1997 lopi klinižen ordinaturan Sibirin valdkundaližes tervhuz'institutas (ven.) (vep. Tomskas "Lapsiden leikatuztedo"-specialižuden mödhe. Ohlopkov zavodi tehta jügedoid leikatusid solišton, kuzielimiden da söndkurkun anomalijoiden aigan i teravas niid zavottihe tehta kaikjal. Hänen satusekahiden leikatusiden maht pandihe jakutialaižiden leikatuzlekariden avtoroiden metodikoiden pohjaze i tegihe alanduseks tedotön täht ei vaiše Mihail Ohlopkovale, no hänen ühtesradnioile[4].

Vodel 2002 Ohlopkov polesti tervhuz'tedon kandidatan dissertacijan "Lapsiden leikatuztedo"-specialižuden mödhe Venäman lopmatoman professionaližen opendusen tervhuz'akademijas Moskvas. Vodel 2013 lopi tervehtoitusen ohjandusen kursid Venäman rahvahan elomišton da valdkundaližen služban akademijas[5].

Karjera

Institutan ezmäižil kursil Mihail Ohlopkov radoi sanitaran, jäl'ges — medvellen. Vozilpäi 1997 vodehesai 1998 oli leikatuzlekarin Jakutian Rahvahaližen tervhuz'keskusen lapsiden erištos. Konz lopi aspiranturan, radoi lapsiden leikatuzlekarin (2002—2007), jäl'ges oli pediatrkeskusen lapsiden leikatuzerišton ohjandajan (2007—2012). Vozil 2012—2016 oli Tomponskan agjan keskuzläžundkodin pälekarin[6].

Voden 2016 keväz'kun 14. päiväspäi voden 2018 redukun 23. päivähasai Ohlopkov ohjanzi Sahan tervehtoitusen ministerstvad (Jakutia). Hänele taritihe lähtta radmaha toižhe agjaha — Karjalaha. 6. tal'vkud vodel 2018 Karjalan pämehen Artur Parfenčikovan käskön mödhe Mihail Ohlopkovad pandihe Karjalan tervehtoitusen ministraks. Agjan valdmehišton pätegendoiden keskes uden ministran täht oliba: tervehtoitusen kehitoitand äipoližes rados, tervhuz'eziabun tegemine, radnikkundan ohjandusen paremboituz da vahvištoitand, zelliden varadand, tervhuz'abun paremboituz, a mugažo oppindoiden da tervehtoitandan ülätehnologižiden metodoiden paremboituz[7].

Vodel 2023 Mihail Ohlopkov oleskeli Venäman Zaporožjen agjan Vasiljevka-lidnas, miše abutada ladida läžundkodin radod, täudenzoitta medradnikoiden kundad sijaližiden eläjiden abul, tegi lekarin konsul'tacijoid Lekarin-sanitaroiden eziabun keskuses, ühtele penišpäi läžujišpäi tegi leikatusen[8][9].

Korktemban kvalifokacijan kategorijan tundii lipsiden leikatuztedon, tervehtoitusen ohjanduzkundan da rahvazkundan tervhuden alovehes. Mugažo om Jakutian ohjanduzkundan radnikoiden varas[10].

Ridad

Vodel 2024 "Üksjaine Karjalan möndorganizacii" andoi azjan sudha i väriti Karjalan tervehtoitusen ministrad Mihail Ohlopkovad kodiholitusiden velgas. Petroskoin lidnan sudas kactihe abidkirjeine pindan, kodiholitusiden maksun, lämänjagamižen da elektrovägen velgas. Ministran sanoiden mödhe tuli surenzoittud elektromaks. Konz azj oli sel'genzoittud, velg oli makstud[11][12].

Kanz

Mihail Ohlopkov om nainu. Hänel om nel'l' last: vanhembad — tütär da poig, norembad — kaks' poigad opendase augotižškolas. Konz Mihail päti tulda radmaha Karjalaha, hänenke läksiba vanhemb tütär da noremb poig. Ak, lapsiden kardioleikatuztedon erišton vanhemb medsizar', jäi Jakutiaha kahten poiganke[13]. Voden 2025 tedoiden mödhe Ohlopkovan kaik kanz eläb Petroskoiš[6].

Pauklahjad da arvnimed

  • valdkundaližen konkursan "Voden 2007 Valdkundaližen läžundkodin 1 — Rahvahaližen tervhuz'keskusen parahim lekar'"-nominacijan vägestai;
  • "Parahim voden lekar' — 2008"-valdkundaližen konkursan vägestai;
  • "Sahan tervehtoitusen parahim openik (Jakutia);
  • Karjalan valdmehišton arvkirjeine[14];
  • medal' "Arvtegoiš Karjalan edes" (2022)[15].

Melentartused

Joudajal aigal Mihail Ohlopkov navedib kundelta muzikad, ezmäižel sijal om rep. Sportadab jogan elementoidenke[6].

Homaičendad

  1. ↑ Охлопков Михаил Егорович. gov.karelia.ru. Дата обращения: 21 tal'vkud 2025.
  2. ↑ Михаил Охлопков. Министр здравоохранения Республики Саха (Якутия). roscongress.org. Дата обращения: 21 tal'vkud 2025.
  3. ↑ Первый министр двух регионов! yakutsk.bezformata.com (20 redukud 2019). Дата обращения: 21 tal'vkud 2025.
  4. ↑ Охлопков Михаил Егорович. fedpress.ru. Дата обращения: 21 tal'vkud 2025.
  5. ↑ Охлопков Михаил Егорович. nlrs.ru. Дата обращения: 21 tal'vkud 2025.
  6. ↑ 1 2 3 "Мне не хотелось работать в новой губернаторской команде в Якутии". sakhaday.ru. Дата обращения: 21 tal'vkud 2025.
  7. ↑ Назначен новый министр здравоохранения Карелии. karelinform.ru (6 tal'vkud 2018). Дата обращения: 21 tal'vkud 2025.
  8. ↑ Глава Минздрава Карелии Михаил Охлопков прооперировал ребенка в Запорожской области. karel.mk.ru (25 kül'mkud 2023). Дата обращения: 21 tal'vkud 2025.
  9. ↑ Мы в Карелии никогда не забудем десант петербургских врачей в самый пик эпидемии COVID. dzen.ru (11 kezakud 2025). Дата обращения: 21 tal'vkud 2025.
  10. ↑ Министр здравоохранения Республики Саха (Якутия). medvestnik.ru. Дата обращения: 21 tal'vkud 2025.
  11. ↑ Министр здравоохранения Карелии задолжал за коммуналку. petrozavodsk.bezformata.com (28 heinkud 2024). Дата обращения: 21 tal'vkud 2025.
  12. ↑ «Получили завышенный счет». Глава Минздрава Карелии уверяет, что оплатил долг за коммуналку. gubdaily.ru (28 heinkud 2024). Дата обращения: 21 tal'vkud 2025.
  13. ↑ Мария Лукьянова. Михаил Охлопков: «За каждым вопросом — жизнь человека». rk.karelia.ru (28 tal'vkud 2019). Дата обращения: 21 tal'vkud 2025.
  14. ↑ Почетную грамоту правительства Карелии министру здравоохранения вручил Артур Парфенчиков. rk.karelia.ru (23 elokud 2021). Дата обращения: 21 tal'vkud 2025.
  15. ↑ За что высоко ценят известного якутянина в Карелии. 1sn.ru (23 semendkud 2022). Дата обращения: 21 tal'vkud 2025.

Lähtked

Om sadud "https://vep.ruwiki.ru/w/index.php?title=Ohlopkov_Mihail_Jegorovič&oldid=529456"