Kisel'ov Sergei Viktorovič

Kisel'ov Sergei Viktorovič
Kisel'ov Sergei Viktorovič
Karjalan valdmehišton ühtnik - Karjalan rahvahaližen da regionaližen politikan ministr
	2017 — nügüd'aigahasai
Karjalan südäinazjoiden ministran varapämez'
	2007 — 2017
Sündundpäiv	8. kezakud 1958 (68 лет); Petroskoi, RSFSR[d], Sovetskii Sojuz;
Openduz	Petroskoin valdkundaline universitet (1980), Venäman südäinazjoiden ministerstvan Piterin ülembaine škol (1992, 1998)
Tedostepen'	juridižiden tedoiden kandidat[d]
Tedonimi	docent[d]
Sait	Личная станица ВКонтакте

Kisel'ov Sergei Viktorovič (ven.: Киселёв Серге́й Ви́кторович, om sündunu 8. kezakud 1958, Petroskoi) om venälaine valdmez', Karjalan valdmehišton ühtnik — Karjalan rahvahaližen da regionaližen politikan ministr (vodelpäi 2017). Juridižiden tedoiden kandidat^[1].

Elostarin

Sündui 8. kezakud vodel 1958 Petroskoi-lidnas Karjalas. Tatan polespäi Sergei Kisel'ovan jured oma Änižtagapäi, maman polespäi om karjalan Il'jinskii-küläspäi (Oloncan rajon, Karjala). Mam radoi sl'udanijal fabrikal, tat oli traktoristan mecas. Laps'aigas Kisel'ov professionališti mel'dui fotokuvihe^[2].

Vodel 1980 lopi Petroskoin valdkundaližen universitetan. Vodelpäi 1980 vodehesai 1982 oli praktikmatematikan da ohjanduzprocessoiden fakul'tetan stažor-oppindmehen, da völ Piterin valdkundaližen universitetan (ven.) (vep. aspirantan^[3]. Vodelpäi 1982 služi Karjalan südäinazjoiden azjmehištos.

Vodel 1992 lopi Venäman südäinazjoiden ministerstvan Piterin ülembaižen školan (ven.) (vep. "oigedvedämine" special'nostin mödhe. Vodel 1998 lopi Venäman südäinazjoiden ministerstvan Piterin akademijan tedoopenduzradnikkundan vaumičendan fakul'tetan, polesti kandidatan dissertacijan ven.: "уголовный процесс, криминалистика, теория оперативно-розыскной деятельности"-special'nostin mödhe ven.: Проблемы расследования компьютерных преступлений"-teman mödhe^[1], sidä jäl'ghe sai docentan diploman kriminalistikkafedral^[2].

Karjera

Vodel 1982 radoi Karjalan südäinazjoiden ministerstvan tedoiden keskuses. Voden 1999 heinkuspäi ohjanzi Karjalan südäinazjoiden ministerstvan ülätehnologijoiden azjümbrišton pahategoiden vasthapäi erišton. Redukus vodel 2002 om pandud Karjalan südäinazjoiden ministerstvan štaban ohjandajaks^[3].

Vozil 2007—2017 om Karjalan südäinazjoiden ministran varapämez'. Vodelpäi 2017 om Karjalan rahvahaližen da regionaližen politikan ministr^[1]. Respublika-portan pagištoituses Kisel'ov sanui:

Rahvahidenkeskeižiden kosketusiden azjümbrišt om lujas hoik da rižakaz. Sen ühtmär om kaikid jügedamb. Meletan, ni üks' valdkund mail'mas ei voi sanuda, miše tedab üks'jäižen oiktan rahvahaližen politikan receptan. Ku minä mugoman kulištan, ka en usko neche^[2].

Vodel 2025 Kisel'ov ühtni Karjalan Gerojad-programman nevonikoiden joukuhu, lugi kursan lekcijoid projektan ühtnikoiden täht openduzmodulin aigan. Oli opendajan Südäinazjoiden ministerstvan universitetas, sidä jäl'ghe Oiktuden ministerstvan akademijas^[4].

Tedorad

Sergei Kisel'ov kirjuti enamba 50 tedoradod, 10 openduz- da metodikabukirjad^[3]^[5].

Pauklahjad da arvnimed

Medal' "Parahimas rados kundaližen järgendusen kaičendas";
"200 vot Venäman südäinazjoiden ministerstvale"-jubileimedal';
III stepenin medal' "Arvtegoiš ohjanduzrados";
III stepenin medal' "Parahimas službas";
Venäman südäinazjoiden ministerstvan medal' II da I stepenin medal' "Hüväs rados službal";
Medal' "Naprindas službal";
"Venäman südäinazjoiden azjmehišton arvostadud radnik"-arvnimi;
"Karjalan oigedjärgendusen azjmehišton arvostadud radnik"-arvnimi^[3];
"Karjalan arvostadud jurist"-arvnimi, sures professionalizmas da panendas zakonoiden vahvištoitusehe, oiktusiden da rahvahanikoiden zakonmelentartusiden kaičendaha, valdkundaližen oiktuden tegemižehe (2016 voz')^[1]^[6];
"Sebruden orden" radsattusiš da äivoččes hüväs rados (2023)^[7].

Kanz

Om nainu. Kaks' tütärt: vanhemb tütär om istorik da jurist, noremb tütär om matematikan tedodoktor. Oma vunukad^[2].

Melentartused

Mel'dub fotokuvihe, vändab tennisaha, verkmäčhu, puzumäčhu, sportatab ujumižel, hänel om kirjišt radol da kodiš. Joudajan aigan mänetab vunukoidenke kezapertiš huzaidab heid venehel da personaližel GAZ-69A-mašinal. Armaz pajo om angl.: "Yesterday" angl.: The Beatles-joukun^[2].

Homaičendad

↑ ¹ ² ³ ⁴ Киселев Сергей Викторович (рус.). nac.gov.karelia.ru. Дата обращения: 23 uhokud 2026.
↑ ¹ ² ³ ⁴ ⁵ Мария Лукьянова. Сергей Киселев: «Богатство — в разнообразии» (рус.). rk.karelia.ru (26 sulakud 2019). Дата обращения: 23 uhokud 2026.
↑ ¹ ² ³ ⁴ Киселев Сергей Викторович (рус.). ptz.rpa-mu.ru. Дата обращения: 23 uhokud 2026.
↑ Министр национальной и региональной политики Карелии станет наставником Программы «Герои Карелии» (рус.). sampotv360.ru (27 keväz'kud 2025). Дата обращения: 23 uhokud 2026.
↑ Киселев, Сергей Викторович. - Правовое обеспечение информационной безопасности: конспект лекций (рус.). Дата обращения: 23 uhokud 2026.
↑ Замглавы МВД Карелии стал заслуженным юристом республики (рус.). stolicaonego.ru (2 elokud 2016). Дата обращения: 23 uhokud 2026.
↑ Карелия: Министр национальной и региональной политики награжден Орденом Дружбы (рус.). omamedia.ru (9 kül'mkud 2023). Дата обращения: 23 uhokud 2026.

Lähtked

[Киселёв-1] ¹ ² ³ ⁴ Киселев Сергей Викторович (рус.). nac.gov.karelia.ru. Дата обращения: 23 uhokud 2026.

[Республика-2] ¹ ² ³ ⁴ ⁵ Мария Лукьянова. Сергей Киселев: «Богатство — в разнообразии» (рус.). rk.karelia.ru (26 sulakud 2019). Дата обращения: 23 uhokud 2026.

[Биография-3] ¹ ² ³ ⁴ Киселев Сергей Викторович (рус.). ptz.rpa-mu.ru. Дата обращения: 23 uhokud 2026.

[ГероиКарелии-4] Министр национальной и региональной политики Карелии станет наставником Программы «Герои Карелии» (рус.). sampotv360.ru (27 keväz'kud 2025). Дата обращения: 23 uhokud 2026.

[5] Киселев, Сергей Викторович. - Правовое обеспечение информационной безопасности: конспект лекций (рус.). Дата обращения: 23 uhokud 2026.

[ЗаслЮрист-6] Замглавы МВД Карелии стал заслуженным юристом республики (рус.). stolicaonego.ru (2 elokud 2016). Дата обращения: 23 uhokud 2026.

[Награда-7] Карелия: Министр национальной и региональной политики награжден Орденом Дружбы (рус.). omamedia.ru (9 kül'mkud 2023). Дата обращения: 23 uhokud 2026.

[1]

[2]

[3]

[4]

[5]

[6]

[7]