Šmajenik Ol'ga Nikolajevna
| Šmajenik Ol'ga Nikolajevna | |
|---|---|
 | |
|
| |
|
Karjalan Zakonoiden tegendan kundan deputat
Karjalan Zakonoiden tegendan kundan varapämez' Zakonoiden da oiktuz'järgendusen komitetan ühtnik |
|
|
|
|
| Sündundpäiv |
7. redukud 1970 (55 лет) |
| Openduz | |
Ol'ga Nikolajevna Šmajenik (ven.: Óльга Николáевна Шмаéник, norudes Sergejeva; om sündunu 7. redukud 1970, Šoutjärv', Karjalan ASSR[d]) — Karjalan Zakonoiden tegendan kundan deputat (vodelpäi 2006 nügüdehesai), Karjalan Zakonoiden tegendan kundan varapämez', Zakonoiden da oiktuz'järgendusen komitetan ühtnik, politik, ühthižvenälaižen "Jedinaja Rossia"-partijan frakcijan ühtnik[1].
Elostarin
Ol'ga Nikolajevna om sündunu 7. redukud vodel 1970 Karjalan Änižröunan Šoutjärv-küläs. Sigä hän lopi Šoutjärven školan. Školan jäl'ghe päzui opendamhas Petroskoin valdkundaližehe universitetha, lopi sen "venän kelen da literaturan opendai"-specialižuden mödhe. Rata zavodi vodelpäi 1989 vanhemban pionervožatajan da venän kelen da literaturan opendajan[2].
Vodelpäi 1995 radoi Karjalan Änižröunan Šoutjärven školan varapämehen.
Vodel 2004 Ol'ga tuli elole Petroskoihe, radoi ven.: «Карельская Губернiя»-lehtesen varapämehen socialiž-ekonomižiden küzundoiden mödhe. Mugažo vodel 2004 händast valitihe Petroskoin lidnan nevondišton deputataks[3].
Vozil 2006—2011 oli Karjalan Zakonoiden tegendan kundan nelländen kucundan deputatan, Zakonoiden da oiktuz'järgendusen komitetan varapämehen. Vozil 2011—2016 händast valitihe Karjalan Zakonoiden tegendan kundan videnden kucundan deputataks Ezilidnan üks'mandatižen valičuzümbrišton № 20 mödhe, Zakonoiden da oiktuz'järgendusen komitetan pämeheks. 18. sügüz'kud vodel 2016 händast valitihe Karjalan Zakonoiden tegendan kundan kudenden kucundan deputataks üks'mandatižen valičuzümbrišton № 17 mödhe, Karjalan Zakonoiden tegendan kundan varap'meheks. 19. sügüz'kud vodel 2021 oli valitud Karjalan Zakonoiden tegendan kundan seičemenden kucundan deputataks Ezilidnan üks'mandatižen valičuzümbrišton № 17 mödhe. Karjalan Zakonoiden tegendan kundan varapämez'[4].
Ičeze radon polhe sanub muga:
Kut deputatale, minei ezmäi kaiked om melentartušt se, kut Karjalan territorijal todenzoittas eloho zakonoid, miččid mö vahvištoitam Karjalan parlamentas.
Ol'ga Šmajenik
Kritik
Vodel 2017 manitadud "Sana"-sauvondfirman klijentad, heiden läheližed da aktivistad allekirjutiba pakičuzsanoid i oigenziba kirjeižen "Jedinaja Rossia"-partijan ezinikale — man premjer-ministrale Dmitrii Medvedevale, valdan partijan ülembaižen nevondišton pämehele Boris Grizlovale, "Jedinaja Rossia"-partijan pänevondišton sekretarile Sergei Neverovale, Karjalan aigsijaližele pämehele Artur Parfenčikovale, Karjalan parlamentan pämehele Elissan Šandalovičale i kaikile Karjalan parlamentan deputatoile. Ristitud pakičiba heitta radsijalpäi Karjalan Zakonoiden tegendan kundan ezmäšt varapämest Ol'ga Šmajenikad[5]. Tarkišteluzazjan mödhe ristitud ostiba fateroid "Sana"-firmal velgha, no hö ei voinugoi maksta niiš suren rahakursan taguiči, i firm azjbumagoiden pakičusiden mödhe zavodi küksta kanzoid heiden fateroišpäi[6]. Karjalan sudiš ei lugetud ni üht sdelkad vastoiktudeližeks.
Kanz
Ol'ga Šmajenik om mehel Amerikan rahvahanikan Viktor Šmajenikan taga[7], kudamb radab sauvotusen radalovehes[8]. Heiden poig lopi Venäman oiktuz'akademijan, oli armijas[9].
Pauklahjad
- Venäman Federaližen suiman Federacijan nevondišton kitändkirjeine;
- Karjalan arvokaz kitändkirjeine;
- Karjalan pämehen arvznam "Panendas Karjalan kehitoitandaha";
- "Arvtegoiš Karjalan Valdkundan edes"- medal'[10],
- Karjalan parlamentan arvznam[11].
Homaičendad
- ↑ Шмаеник Ольга Николаевна. karel.er.ru. Дата обращения: 18 keväz'kud 2026.
- ↑ Шмаеник Ольга Николаевна. Дата обращения: 18 keväz'kud 2026.
- ↑ Политшахматная фигура: Пионервожатая юстиции Ольга Шмаеник. Дата обращения: 18 keväz'kud 2026.
- ↑ Депутаты. Шмаеник Ольга Николаевна. 30.karelia-zs.ru. Дата обращения: 18 keväz'kud 2026.
- ↑ Жена гражданина США рулит карельским парламентом? mustoi.ru (15 semendkud 2017). Дата обращения: 18 keväz'kud 2026.
- ↑ В крупном мошенничестве обвиняют строительную фирму «САНА». Дата обращения: 30 keväz'kud 2026.
- ↑ Смирнова, Татьяна. Жена гражданина США рулит карельским парламентом?, Черника (15 semendkud 2017). Дата обращения: 18 keväz'kud 2026.
- ↑ Владельцы Карелии: выстроенные отношения Шмаеников-Свидских. Дата обращения: 18 keväz'kud 2026.
- ↑ Депутат Заксобрания Карелии рассказала о своем родном Шелтозере, депутатской работе и спорах с мужем. Дата обращения: 18 keväz'kud 2026.
- ↑ Указ Главы Республики Карелия О награждении государственными наградами. Дата обращения: 18 keväz'kud 2026.
- ↑ Ольгу Шмаеник наградили Почетным знаком Законодательного собрания. Дата обращения: 18 keväz'kud 2026.
Karjalan valdmehed | |||
|---|---|---|---|
 |  | ||
