Labinov Vladimir Vitaljevič

Рувики-späi
Vladimir Vitaljevič Labinov
Владимир Витальевич Лабинов, министр сельского хозяйства Республики Карелия.jpg
Karjalan man elomišton ministr
24. vilukud vodel 2018 — 15. keväz'kud voel 2023
Venäman man elomišton ministerstvan živatankazvatandan da rodun kaičendazjan departamentan pämez'
2012 — 2016
Venäman man elomišton ministerstvan živatankazvatandan da hüväroduižiden živatoiden kazvatandan departamentan varapämez'
1997 — 2000
Sündundpäiv 3. kül'mkud 1963(1963-11-03) (62 года)
Openduz Moskvan živatanlekarin akademii K. I. Skr'abinan nimel (1985), Venäman Prezidentan Venäman valdkundaližen služban akademii (2000)

Vladimir Vitaljevič Labinov (ven.: Влади́мир Вита́льевич Ла́бинов, om sündunu 3. kül'mkud 1963, Ibresi[d], Ibresin agj[d], Čuvašijan ASSR[d], RSFSR[d], Sovetskii Sojuz) — venälaine valdmez', Venäman man elomišton ministerstvan živatankazvatandan da hüväroduižiden živatoiden kazvatandan departamentan pämez' (2012—2016), Karjalan valdmehišton premjer-ministran — Karjalan man elomišton da kalan elomišton ministran aigsijaline varapämez' (2017—2018), Karjalan kalan elomišton ministr (2018—2023). Man elomišton tedoiden kandidat[1].

Elostarin

Vladimir Labinov om sündunu 3. kül'mkud vodel 1963 Ibresi-küläs Čuvašijan Valdkundas[2]. Vodel 1985 hän lopi Moskvan živatanlekarin akademii K. I. Skr'abinan nimel (ven.) (vep., vodel 2000 — Venäman Prezidentan valdkundaližen služban akademijan.

Man elomišton tedoiden kandidat.

Ühtel dinastijoiden konkursal Labinovoiden kanz oli man ezmäižen dinastijan, miččen radvoziden summ oli enamb 1400 vot. Labinovoiden heimos om enamb 45 heimolašt, kudambad maman da tatan polišpäi radoiba živatanlekarin[3].

Karjera

Labinov zavodi rata "Počinkovskii"-sovhozan zootehnikan vai živatoiden kazvatajan. Radoi vanhan zootehnikan-selekcioneran, "Semena"-hüväroduižiden linduiden kazvatandzavodan pätehnologan[4].

Vodel 1996 Labinov tegihe Venälaižen hüväroduižiden živatoiden kazvatandan sebran varapämeheks. Vozil 1997—2000 radoi Venäman man elomišton ministerstvan živatankazvatandan da hüväroduižiden živatoiden kazvatandan departamentan varapämehen. Vodel 2000 radoi Venäman maidon raderištusen organizacijoiden sebran pämehen[3][5].

Vodel 2000 Labinov radoi menedžeran, ohjanzi gruppad, mitte oppi "Vimm-Bil'l'-Dann"-firman rahavaroiden ohjandust. Vozil 2000—2012 oli Venälaižen maidon raderištusen sebran aigsijaline pämez'. Vodelpäi 2012 — Venäman man elomišton ministerstvan živatankazvatandan da hüväroduižiden živatoiden kazvatandan departamentan pämez'[5]. Vodel 2016, konz vajehtihe pämehišt vedomstvas, Labinov jäti necen radsijan[3].

Semendkus vodel 2017 Labinov tarkišteli küzundoid, miččed koskiba Karjalan man elomišton kehitoitust. Hän ühtni man da kalan elomišton kehitoitusen koncepcijan tegemižehe vodehesai 2025. Nece koncepcii oli vahvištoittud Venäman man elomišton ministerstval (ven.) (vep.[2][5].

26. sügüz'kud vodel 2017 Karjalan pämehen Artur Parfenčikovan käskön mödhe Labinov oli pandud Karjalan valdmehišton (ven.) (vep. aigsijaližeks premjer-ministraks — Karjalan man da kalan elomišton aigsijaližeks ministraks. 24. vilukud vodel 2018 Labinov tegihe Karjalan valdmehišton varapremjer-ministraks — Karjalan man da kalan elomišton ministraks[6][2].

Kriminaline azj

Petroskoin sud tegi Karjalan man elomišton pämest Vladimir Labinovad väraks otoiden otamižes i radon valdoiktusiden ülikävutandas. Endišt ministrad türmatadihe 15 vodeks i anttihe vigamaks 106,4 мln rubl'ad. Hän ei voi rata valdkundaližes službas i sijaližiš ičenaižiš valdelimiš kümne vot[7].

Labinov oli pidätadud 15. keväz'kud vodel 2023 siš, miše sai suren otan 10,6 mln rubl'ad "Biokarelia"-marjfirmaspäi. Otan sijas hän toivoti abutada biznesmehile, konz anttihe man elomišton grantoid "Agrostartap"-programman mödhe[7], mitte mel'dütoitab ristituid manradajan elomišton radho[8][2].

Kanz

Vladimir Labinovan kanz eläb Moskvan agjas[3].

  • Tat, Vitalii Pavlovič Labinov — živatoiden tervehtoitandan tedoiden doktor, Mordovian valdkundaližen universitetan docent, Čuvašijan vaödkundaližen man elomišton akademijan professor, hirurg, universitetoiden openduzkirjoiden avtor, tegi jügedoid leikatusid matkoloiš[3].
  • Mam, Zoja Ignatjevna Labinova — živatoiden lekar', lekar', Ibresin liha- da maidon sömän stancijan pämez'.
  • Vel'l', Sergei Vitaljevič Labinov — manradai Čuvašijan Ibresin agjas, "Krasnii frontovik"-kolhozan ohjandai, Valdkundaližen Duman deputatan Pavel Sem'onovan abunik[5].

Melentartused

Hänen melentartuz' om änikod. Hänel om kaikid suremb gladiolusoiden kollekcii Venämal — 450 rodud[3].

Homaičendad

  1. ↑ Назначен новый министр сельского и рыбного хозяйства Карелии. karelinform.ru. Дата обращения: 13 kül'mkud 2025.
  2. ↑ 1 2 3 4 Что известно о главе Минсельхоза Карелии Владимире Лабинове? karel.aif.ru (16 keväz'kud 2023). Дата обращения: 13 kül'mkud 2025.
  3. ↑ 1 2 3 4 5 6 Мария Лукьянова. Всегда лидер Лабинов. rk.karelia.ru. Дата обращения: 13 kül'mkud 2025.
  4. ↑ Назначен новый министр сельского и рыбного хозяйства Карелии. karelinform.ru. Дата обращения: 13 kül'mkud 2025.
  5. ↑ 1 2 3 4 КĕлĕмкассиZем & ТуçаZем ★ Ибресинский район. vk.com. Дата обращения: 13 kül'mkud 2025.
  6. ↑ Указ Главы Республики Карелия от 24.01.2018 № 7 О члене Правительства Республики Карелия – заместителе Премьер-министра Правительства Республики Карелия – Министре сельского и рыбного хозяйства Республики Карелия. karelia-gov.ru. Дата обращения: 13 kül'mkud 2025.
  7. ↑ 1 2 Александр Гнетнев. За что получил срок экс-глава Минсельхоза Карелии Владимир Лабинов. factornews.ru. Дата обращения: 13 kül'mkud 2025.
  8. ↑ Александр Гнетнев. "Взяток я не брал": экс-глава Минсельхоза Карелии отверг обвинения во взяточничестве. factornews.ru. Дата обращения: 13 kül'mkud 2025.
Om sadud "https://vep.ruwiki.ru/w/index.php?title=Labinov_Vladimir_Vitaljevič&oldid=529087"