Svidskaja Janina Sergejevna

Рувики-späi
Janina Sergejevna Svidskaja
Свидская, Янина Сергеевна.jpg
Флаг
Karjalan valdmehišton varapremjer-ministr – Karjalan londuzvaroiden da ekologijan ministr
Флаг
9. kül'mkud vodel 2023 — nügüdehesai
Ken oli ende Andrei Karpilovič
Флаг
Karjalan elomišton da manvaroiden ohjandusen ministr
Флаг
keväz'ku vodel 2020 — 9. kül'mkud vodel 2023
Ken oli ende Sergei Ščebekin
Ken tuli jäl'ghe Dmitrii Kiprušev
Флаг
Karjalan ekonomižen kehitoitusen da tegeližuden varaministr
 16. tal'vkud vodel 2019
Ken oli ende Pavel Burenkov
Sündundpäiv 11. kül'mkud 1981(1981-11-11) (44 года)
Openduz Petroskoin valdkundaline universitet (2004, 2012)
Sait ecology.gov.karelia.ru

Janina Sergejevna Svidskaja (ven.: Яни́на Серге́евна Сви́дская, om sündunu 11. kül'mkud 1981, Petroskoi) — venälaine valdmez', Karjalan valdmehišton varapremjer-ministr — Karjalan londuzvaroiden da ekologijan ministr (vodelpäi 2023). Karjalan elomišton da manvaroiden ohjandusen ministr (2020—2023)[1][2].

Elostarin

Om sündunu 11. kül'mkud vodel 1981 Karjalan Petroskoiš. Vodel 2004 lopi juridižen tedokundan "jurisprudencii"-specialižuden mödhe, vodel 2012 — ekonomižen tedokundan Petroskoin valdkundaližes universitetas, buhgalteran lugemižen, elomišton radon tarkištelendan da auditan kafedran[3].

Tat, Sergei Svidskii, oli Petroskoin varapämehen radsijal.

Karjera

Janina Svidskaja zavodi rata Karjalan Rosrejestran ohjandusen varapämehen, jäl'ges radoi Karjalan valdkundaližen elomišton ohjandusen komitetas. Oli Karjalan ekonomižen kehitoitusen da tegeližuden ezmäižen varapämehen[4]. 19. tal'vkud vodel 2019 Karjalan pämez' andoi Svidskijale kitändkirjeižen valdkundan ekonomižen vägen panendas da kehitoitandas, a mugažo projektoiden satusekahas todenzoituses regionan penen da keskbiznesan subjektoiden tugen mödhe[5].

2020. voden keväz'kuspäi vodehesai 2023 oli Karjalan elomišton azjoiden ministran[6][7].

9. kül'mkud vodel 2023 Karjalan pämehen Artur Parfenčikovan käskön mödhe Janina Svidskajad pandihe Karjalan valdmehišton varapremjer-ministraks — Karjalan londuzvaroiden da ekologijan ministraks[8][9]. Äjiš voziš Svidskaja tegihe ezmäižeks ministerstvan pämeheks kacmata sihe, miše hänel ei olend tarbhašt "mecan opendust" kut toižil hänen edeltajil — Andrei Karpilovičal, Aleksei Ščepinal, Viktor Čikal'ukal i Sergei Štrahoval[10].

Ridad

Voden 2017 semendkus Janina Svidskaja oldes valdkundaližen elomišton ohjandusen da ostandradon komitetan ezmäižen varapämehen tegi kožmusen Andrei Barancevanke — hänele anttihe ma kortomale varažoman sauvondan täht, miše kaita sigä pud. No kortomii keskusti kožmusen pakičusid i tegi linmaspäi jänduzkogon. Karjalan Londuzvaroiden kävutandan federaline varjoičuzslužb (ven.) (vep. kodvi necidä i vahvištoiti kožmusen keskustoid. Mugažo oli löutud kožmuz Barancevan da "Zaharovan sauvondorganizacijan" (ven.: ООО «Строительное предприятие Захарова плюс») keskes. Voden 2017 redukus Svidskaja allekirjuti ližakožmusen kortomkožmusen annuliruindas Barancevanke[5].

Vodel 2025 Janina Svidskaja oli ridan keskuses, konz "Onegostroigrupp"-organizacijale anttihe ma mecfondaspäi 60 metran levedusen mecten tegemižen täht. Nece om organizacii, mitte sab letet Karjalan Präžan rajonas, i necil mal om mecte, mitte om "Speckonstrukcii"-organizacijan i sil-žo aigal sidä voib kävutada "Onegostroigrupp"[11]. 3. sulakud vodel 2025 Svidskaja sel'genzoiti azjad ičeze lehtpolel Vkontakte-socialižes verkos: "Tämbeižeks päiväks ten sauvondad ei zavodidud"[12]. Mugoine-žo versii oli "Onegostroigruppan" ohjandajal Vitalii Judickijal[13]. Keväz'kus-sulakus vodel 2025 organizacii čapoi 2131,5 kubometrad pud pindal 7,6661 gektarad[14].

Karjalan rajonoidenkeskeine londuzvarjoičendan prokuratur vahvištoiti faktan väras projektas, laskmatomas mecčapandas da ližankadotuses läz 40 mln rubl'ad. Mecančapand oli loptud. Petroskoin sudha oigetihe tedotuzbumag. 20. redukud vodel 2025 oli edelpäisudištund. Vastajad — Karjalan londuzvaroiden da ekologijan ministerstv, "Onegostroigrupp"-organizacii i Präžan rajonan administracii[14]. 10. kül'mkud vodel 2025 sud hüväksi Karjalan rajonoidenkeskeižen londuzvarjoičendan prokuroran pakičusen i pidäti "Onegostroigruppan" elomištod[15].

Personaline elo

Ei ole mehel. Om tütär Kristina. Vodel 2025 praznikkoncertal Petrovskijan kodimištos hänele anttihe "Tvor'anin 2025"-arvnimi korktoiš satusiš ližaopenduzprogrammas i aktivižudes[16].

Janina Svidskaja navedib kalatust[17][18].

Homaičendad

  1. ↑ Свидская Янина Сергеевна. Официальный интернет-портал Республики Карелия. Дата обращения: 5 tal'vkud 2025.
  2. ↑ Назначен новый глава Министерства природных ресурсов и экологии Республики Карелия. Ассоциация горнопромышленников Карелии (9 kül'mkud 2023). Дата обращения: 5 tal'vkud 2025.
  3. ↑ Личная страница Я. С. Свидской ВКонтакте. vk.com. Дата обращения: 5 tal'vkud 2025.
  4. ↑ Глава Карелии назначил и. о. министра экономического развития. stolicaonego.ru. Дата обращения: 5 tal'vkud 2025.
  5. ↑ 1 2 Глава Карелии Артур Парфенчиков вручил награды чиновникам и бизнесменам. ptzgovorit.ru (19 tal'vkud 2019). Дата обращения: 5 tal'vkud 2025.
  6. ↑ Главой Минприроды Карелии может стать Янина Свидская. karel.mk.ru. Дата обращения: 5 tal'vkud 2025.
  7. ↑ В Карелии чиновница без профильного образования станет министром. gubdaily.ru (31 redukud 2023). Дата обращения: 5 tal'vkud 2025.
  8. ↑ Кадровые изменения в Правительстве Карелии. gov.karelia.ru (9 kül'mkud 2023). Дата обращения: 5 tal'vkud 2025.
  9. ↑ В Карелии назначен новый министр природных ресурсов и экологии. tv-karelia.ru (9 kül'mkud 2023). Дата обращения: 5 tal'vkud 2025.
  10. ↑ Янина Свидская назначена главой Минприроды Карелии. myseldon.com (9 kül'mkud 2023). Дата обращения: 5 tal'vkud 2025.
  11. ↑ Анатолий Цыганков. Член правительства Карелии под подозрением. dzen.ru (5 sulakud 2025). Дата обращения: 5 tal'vkud 2025.
  12. ↑ Пояснение Я. Свидской. vk.com (4 sulakud 2025). Дата обращения: 5 tal'vkud 2025.
  13. ↑ Алексей Владимиров. Лесной беспредел: кто пилит Карелию под прикрытием власти? mustoi.ru (6 sulakud 2025). Дата обращения: 5 tal'vkud 2025.
  14. ↑ 1 2 Алексей Владимиров. «Дорога» без дороги: как лес в Пряжинском районе превратился в 40 миллионов рублей убытка. mustoi.ru (20 redukud 2025). Дата обращения: 5 tal'vkud 2025.
  15. ↑ Суд наложил арест на технику компании, вырубившей лес в Карелии под видом строительства дороги. dzen.ru (18 kül'mkud 2025). Дата обращения: 5 tal'vkud 2025.
  16. ↑ Дочка главы Минприроды Карелии удостоена звания "Творянин". factornews.ru (22 semendkud 2025). Дата обращения: 5 tal'vkud 2025.
  17. ↑ Карельский министр рассказала о своей любви к рыбалке. gubdaily.ru (5 tal'vkud 2025). Дата обращения: 5 tal'vkud 2025.
  18. ↑ Глава Минприроды Карелии выходит на рыбалку всей семьей. factornews.ru (11 uhokud 2025). Дата обращения: 5 tal'vkud 2025.
Om sadud "https://vep.ruwiki.ru/w/index.php?title=Svidskaja_Janina_Sergejevna&oldid=529660"