Iona-Jašjärvelaine monastir'

Рувики-späi
Kodvdud kirjutez
Monastir'
Blahoveščenjan Iono-Jašjärvelaine monastir'
Ion-Yashezersk monastery.jpg
61°19′19″ с. ш. 34°56′24″ в. д.GЯO
Valdkund  Venäma
Sija D’äšarv
Uskond ortodoksine uskond
Jeparhii Petroskoin jeparhii
Tip mužikoiden monastir'
Tegii pühä Iona Jašjärvelaine
Sündundpäiv 1562
Päpäivänmärad
  • 1562 — augonpanend
  • 1918 — sauptamine
  • 2003 — avaidamine
Kacui igumen Dosifei (Larionov)
Status Venäman rahvahiden kul'turjäl'gestusen objekt Löutuй Venäman rahvahiden kul'turjäl'gestusen objekt (нормативный акт). Objekt № 1002498000 (БД Викигида)
Rad radab
Sait yashezero.ru
Логотип РУВИКИ.Медиа Mediafailad RUWIKI-tedoiš

Blahoveščenjan Iono-Jašjärvelaine monastir' (ven.: Благове́щенский Ио́но-Яшезе́рский монасты́рь) — Venäman ortodoksižen pühäpertin Petroskoin jeparhijan mužikoiden monastir', mitte ei ole edahan Šoutjärv-posadaspäi Jäšjärven da Sennoje-järven keskes[1]. Om pandud istorijan da arhitekturan muštpachiden lugetišehe kut monumentaližen monastirin arhitekturan muštpacaz.

Udessündutadud monastirile pidab hüvä rekonstrukcii, läz kaik pertid om muretud, velled eläba monastirin eriži seižutadud pertiš Šoutjärv'-posadas, mitte oli tehtud vodel 2004[2].

Istorii

Иона Яшезерский монастырь Прионежский район Респ Карелия.jpg

XVI voz'sadan toižel polel pühä vepsläine Iona Jašjärvelaine pani monastirin ei edahan ičeze kodikülän Šokšunno Jäšjärven randal endevanhan jazičeskijan pühäpertin sijal, nece ozuti, miše ortodoksine uskond vägesti värad jumalanuskondad.

Ezmäižed johtutesed monastirin polhe om tehtud vodel 1562, ned vastasoiš rahakirjas, mitte oli avaitud den'goiden keradamižen täht monahoiden elokundale. Nece voz' lugetas monastirin sündundvodeks. Necil aigal oli sauvdud puine pühäpert' Blahoveščenjan Pühän Bogorodican muštoks, adivpertiden keljad da radhonused.

1. kezakud vodel 1589 Ionan, rouhan Iosifan da monastirin velliden pakičusiden mödhe Novgorodan da Velikijoiden Lukoiden mitropolit Aleksandr (Berdov) allekirjuti kitändkirjeižen, mitte pästi monastirin rahamaksuišpäi. Keratud rahoile vodel 1629 oli sauvdud Preobraženjan Gospodnen pühäpert'.

Иона Яшезерский монастырь Прионежский район Республика Карелия.jpg

Vodel 1725 «penen tarbhuden mödhe» monastir' kirjutadihe Klimeneckijan mužikoiden monastirihe. 14. semendkud vodel 1726 Aleksandr Süvärilaižen monastirin arhimandritan Kirillan käskön mödhe Jašjärvelaine monastir' oli ottud monahan Nifontan kacundale. Vodel 1734 se oli kogonolaz kirjutadud Aleksandr-Süvärilaižehe monastirihe.

Иона Яшезерский монастырь 2019.jpg

3. sulakud vodel 1741 Klimeneckijan monastirin sauvoi ieromonah Kornilii käski monahale Gennadijale kacta pühäpertid da niiden kaluid Blahoveščenjan Jäšjärvelaižes monastiriš. Monah Gennadii ei lähtend Jäšjärvelaižehe monastirihe miččide-se süiden taguiči necil-žo vodel, a tuli sinna vaiše vodel 1744. Monastirin ižand siloi oli Klimeneckijan monastirin radnik Ivan Ivanov. Neciš aigas monastir' tuli mugoižehe pahaze olendaha, miše konz tuli monah Gennadii, monastiriš oli vaiše viž kodiživatad.

Иона Яшезерский монастырь стена Респ Карелия.jpg

Imperatriican Jekaterinan II reforman mödhe vodel 1764 Jašjärvelaine monastir' oli heittud da kirjutadud Novgorodan arhijerejan pertihe (Petroskoin ujezdan Ivinan pühäpertihe).

Petroskoin 1. gil'dijan kupcan da hüvätegijan Mark Pimenovan rahoile, hän oli sündunu Šokšus, oli sauvdud pühäpert' Preobraženjan Gospodnen muštoks[3].

Vodelpäi 1852 vodhesai 1857 monastir' oli kirjutadud Oloncan arhijerejan pertihe. Projektan mödhe da Oloncan gubernijan arhitektoran Vasilii Vasiljevič Truhtarovan ohjandusel vodel 1853 oli tehtud kohenduzradod monastirin pertiš.

Благовещенский Ионо-Яшезерский монастырь.jpg

12. sügüz'kud vodel 1857 Pühän Sinodan käskön mödhe Jašjärvelaine monastir' tegihe ičenaižeks. Sü oli siš, miše keratud rahoile monastir' voi sauvda aitan čuhundusidenke, keljad monahoile, adivpertin da erazvuiččed radhonused, nece abuti monastirile tehta ičeze elod parembaks.

Vodel 1903 monastiriš eli kahesa monahad. Monastiril oli ma, mec da kaks' järved. Vodeks 1907 monastirin eläjiden keskes oli jo 12 ristitud.

Vodel 1918 seičeme jäl'gmäšt monahad, kudambad ei tahtoigoi jätta monastirid, oli amptud, monastir' oli sauptud, a kaik kodikalud oli anttud valdkundale. Monastirin territorijal oliba tür'mad, kezalagerid, meczavodad da toižed azjad. Voziden 1980 augotižennoks läz kaik sauvotused oli muretud.

Ионо Яшезерский монастырь внутри.jpg

Vozil 1990 oli muretud enamba kaiked: endevanh puine Blahoveščenjan Pühän Bogorodican pühäpert' oli polttud. Kaitihe vaiše muretud Preobraženjan Gospodn'an pühäpert', kivisižen aitan čuhundused da kaks' pened monastirin pertid.

Nügüdläine aig

26. tal'vkud vodel 2003 pühän Sinodan käskön mödhe Blahoveščenjan Iono-Jašjärvelaine monastir' oli avaitud udele monahoiden elole[4].

Igumenan Dosifejan aktivižen radon abul kevädel vodel 2004 oli tehtud Popečitel'skii Nevondišt Iona-Jäšjärvelažen monastirin kaičendan täht.

Iona-Jašjärvelaine monastir'

Oli tehtud monastirin pertiden pasportizacii, tehtas uden pühäpertin projekt Pühän Bogorodican Blahoveščenjan muštoks[5]. Mugažo ei ole dorogad monastirihe (7 kilometrad jugedad dorogad - kopad da kived), se telustab kohenduzradoile. Vaiše vodel 2012 läheli seižutadud monastirinke adivpertin ižandan rahoile erased kopad dorogal heittihe. Sikš ku ei ole rahoid da hüvätegijoid, kaita monastirin om lujas jüged.

Kut oli sanutud ühtes Kestonskijan institutan "Venäman regionoiden uskondelo"-painuses: "Nenid vellid voib todeks nimitada podvižnikoikš: ani pakičaižes röunas, kus ei ole ristituid, laukoid, nimidä, hö voiba kaikiš vepsläižiš küliš koheta, sauvda da leta pühäpertid, časoun'ad, tehta hengeližen elon — pühäpäivän školad, praznikad da konkursad lapsiden täht, abu pakičijoile. Vaiše igumenan Dosifejan sanoiden mödhe pühäpertihe enamba tuleb venänikoid, vepsläižid om vähän. Službal pajatadas vaiše erased molitvad vepsän kelel i kaik, lapsed da norišt ei teda mamankel't"[6].

Monastirin kacujad

  • igumen Iona Jašjärvelaine (XVI voz'sada)
  • Jefimii (1671)
  • Feodosii (1682)
  • Antonii (1764)[7].
  • Isihii (voded 1850)
  • Monastirin sauvoi ieromonah Pimen, sid' igumen (1853-1890)[8][9]
  • ieromonah Antonii (упом. 1898—1902)
  • ieromonah Isaija (1903—1912)
  • ieromonah Nikon (1913—1917)[10]
  • ieromonah Nikodim, ohjandai (1917)
  • igumen Dosifei (Larionov) (26. tal'vkuspäi vodelpäi 2003)

Homaičendad

  1. ↑ Святыни вепсского края / составитель игумен Досифей (Ларионов) — Петрозаводск: КопистарОптима, 2012 — С. 10.
  2. ↑ Архивированная копия. Дата обращения: 13 sügüz'kud 2013. Архивировано 25 kezakud 2014 года.
  3. ↑ Династия семьи Пименовых Архивная копия от 5 kezakud 2011 на Wayback Machine
  4. ↑ Журналы заседания Священного Синода от 26 декабря 2003 года : Русская Православная Церковь (архив). Дата обращения: 6 tal'vkud 2019. Архивировано из оригинала 4 keväz'kud 2016 года.
  5. ↑ Богданова в. Юбилей на руинах
  6. ↑ Религиозно-общественная жизнь российских регионов. Том II / Научный редактор Сергей Филатов. — М. ; СПб.: Летний сад, 2016. — С. 191. — ISBN 978-5-98856-235-1.
  7. ↑ Строев П. М. Списки иерархов и настоятелей монастырей российской церкви — Спб., 1877, с.1001
  8. ↑ Барсов Е. В. Алфавитный указатель монастырей и пустынь, упразднённых и существующих в Олонецкой губернии, с их настоятелями // Памятная книжка Олонецкой губернии на 1867 год. Издание Олонецкого губернского статкомитета: Петрозаводск, Олонецкая губернская типография, 1867. — с.29
  9. ↑ Список должностным лицам гражданского, военного и других ведомств Олонецкой губернии: 1-го января 1894 года. — Петрозаводск: Губерн. тип., 1894 — с. 123
  10. ↑ Памятные книжки Олонецкой губернии за 1860—1869, 1902—1917 гг.

Literatur

Tarkendused

Video

Om sadud "https://vep.ruwiki.ru/w/index.php?title=Iona-Jašjärvelaine_monastir%27&oldid=511404"