Järved (külä)

Рувики-späi
Külä
Lukinskaja
Озёра 1, Подпорожский район, Ленинградская область 2025.jpg
60°27′39″ с. ш. 34°50′12″ в. д.GЯO
Valdkund  Venäma
Venäman subjekt Piterin agj
Municipaline rajon Podporožjen rajon
Küläkund Vidlan
Istorii da geografii
Ezmäine johtutez 1496 voz'
Eläjad
Eläjad ▼ 197 ristitud (2017)
Rahvahad venälaižed, vepsläižed
Lugu-identifikatorad
Telefonan kod +7 81365
Počtan indeks 187771
Kod ОКАТО 41236816001
Kod ОКТМО 41636404196
Прочее
Järved (külä) (Россия)
Точка
Lukinskaja
Точка

Järved, vai Järvenkülä (ven.: Луки́нская) om vepsläine külä, mitte sijadase Piterin agjan Podporožjen rajonan suvipolel. Mülüb Vidlan küläkundaha.

Istorii

Kuverz'-se külid "Järviš" johtutasoiš Obonežskijan p'atinan piscovijoiš kirjoiš vodel 1496. Sil aigal se mülüi iljinskan Vidlan pagastaha[1][2].

Pühä uspenijan Bogorodican puine jumalanpert' Järved-küläs oli sauvotud vodel 1689 (vodel 1932 oli saubatud da nügüd'aigahasai kävutoitase kut kul'turpert').

Jekaterinan administrativižen reforman jäl'ghe voz'sadal XVIII külä mülüi Oloncan gubernijan Pöudon ujezdan 2. stanaha.

LUKINSKAJA (pagastanno) om külä Ojat'-joden randal, tanhoiden lugumär om 8, eläjiden lugumär: 22 mužikpolišt mest, 26 akpolišt mest; kaik oma čud'-rahvaz. (1873 voz')[3]

Keskmäine statistikkomitetan kogomuses om kirjutadud muga:

LUKINSKAJA — nece om enzne valdkundaline külä, tanhoid — 6, eläjid — 37; lauk. (1885 voz')[4]

Novgorodan gubernijan eländtahoiden lugetiž:

LUKINSKAJA (järvilaižen pagastanno) — nece om külä Järvelaižen küläkundan Ojat'-jogen randal, eläjad oma krestjanad: peertid — 14, kanzoid — 14, mužikoid — 28, akoid — 34; ei olgoi krestjanad: pertid — 3, kanzoid — 3, mužikoid — 5, akoid — 8; heboid — 11, lehmid — 15, tošt — 24. Škol. (1905 voz')[5]

Voz'sadan XX tožehe polehesai eländtaho ühtenzoiti lähembaižid külid ümbri amušt Järvelašt pagastad. Pagastan nimespäi kaik küliden röun i sai Järved-nimen. Voden 1905 eländtahoiden lugetišen mödhe, sihe mülüiba Lukinskaja-, Andrejevskaja-, Solovjovskaja-, F'odorovskaja-Ojat'-jogel, Mininskaja-, Aks'onovskaja-, Titovskaja-, Selivanovskaja-, Bašmakovskaja-, Kokoviči-küläd da toižed[5].

Järvelaine pagast ühtes lähembaižiden külidenke tegi küläkundan Vidlan volostin joukus. Järviš, paiči jumalanpertid, kanman Ezmäšt mail'man voinad oliba jumalanpertin üks'klassine škol (oli avaitud vodel 1887; 3 opendajad) da külälaižen lekarin fater[6]. [[Fail: Озерский погост.jpg |thumb|center|Деревня Лукинская. Озёрский погост. Фото Розова Н. С. 1927 г.]] Vozil 1917—1922 külä mülüi Oloncan gubernijan Pöudon ujezdan Vidlan volostin Järvelaižen sel'sovetan joukuhu.

Vodelpäi 1922 oli Leningradan gubernijas (ven.) (vep..

Vodel 1927 om Vidlan rajonan joukus[7].

Voden 1933 administrativižiden tedoiden mödhe Lukinskaja-külä mülüi Vidlan vepsän rahvahaližen rajonan Järvelaižen vepsän rahvahaližen sel'sovetan joukuhu[8].

Vodel 1940 külän eläjiden lugumär oli 140 mest.

Vozil 1942—1944 Järved-küläs oli Vidlan rajonan administrtivine keskuz, mitte oli evakoitud, sikš ku lähembaine frontan röun oli lujas lähen Vidl-küläspäi.

Vodel 1963 oli Pöudon rajonan joukus.

Vodelpäi 1965 om Podporožjen rajonan joukus. Vodel 1965 eläjiden lugumär oli 66 mest[7].

Voden 1966 tedoiden mödhe Lukinskaja-külä oli Järvelaižen sel'sovetan administrativine keskuz[9].

Lähembaižed küläd Lenoblispolkoman pätandan № 592 mödhe 31. tal'vkud vodel 1970 oli vahvištoitud oliba ühtenzoitud[10]. Ühtenzoitud küliden päküläle oli anttud Lukinskaja-külä nimi. Se oli valitud kaikid suremban küliden keskes külän-nimelpäi. No sijaližed eläjad kävutoitas vaiše "Järved"-oikoniman.

Voden 1973 tedoiden mödhe Lukinskaja-külä mugažo oli Järvelaižen sel'sovetan administrativine keskuz'[11].

Voz'sadan XX toižes poles Järved-küläs oli üks' nel'l'an keskespäi Podporožjen rajonan küläkundan elomišton keskmäine "Järvelaine"-sovhoz. Vodel 1987 sovhozaha mülüi 2318 ga (sen lugus pöudoid — 1316, heinäntegoid — 594, paimenduzsijoid — 408). Suren živatoiden lugumär oli 1302 päd (sen lugus 944 lehmäd). Sovhozan maidon tegemine vodel 1987 oli 27 732 c.

Voden 1990 tedoiden mödhe Lukinskaja-küläs eli 268 mest. Külä oli Järvelaižen sel'sovetan administrativine keskuz, miččehe mülüi 13 eländsijad: Aleksejevskaja-, Baharevo-, Jeremejevskaja-, Iljinskaja-, Karmanovskaja-, Kuz'minskaja-, Lukinskaja-, Martemjanovskaja-, Nikulinskaja-, Ožegovskaja- Pecoil-, Savinskaja-, Šondjal-küläd, ühthine eläjiden lugumär om 809 mest[12].

Vozil 1990 sovhoz oli tehtud ZAO "Järvelaine"-organizacijaha, no krizisoloiš se heiti radon.

Vodel 1997 Lukinskaja-küläs eli 290 mest, vodel 2002—241 mest (venälaižed — 57 %, vepsläižed — 42 %). Külä oli volostin administrativine keskuz[13][14].

Vozil 1920—2006 Lukinskaja-külä oli Järvelaižen sel'sovetan (volostin) administrativine keskuz'. Municipaližen reforman jäl'ghe külä mülüi Vidlan küläkundaha, kut jogavuitte külä.

Vodel 2007 eläjiden lugumär oli 247 mest[15].

Geografii

Külä sijadase rajonan suvipoles 41К-713-avtotel (Vidl — Ladv) sijas kus se ühtenzoitase 41К-714-avtote (Lukinskaja — Pecoil).

Matk küläkundan administrativižen keskusehesai om 24 km[15].

Matk rajonižen keskusehesai om 99 km[12].

Matk lähembaižen Podporožje-raudtestancijahasai (ven.) (vep. om 106 km[9].

Külä seižub huran Ojat'-joden randan da Järvelaižen järven keskes.

Eläjad

Eläjiden lugumär
187318851905194019521965
48↘37↗75↗140↗251↘66
197119751989199019972002
↗296↘294↗334↘268↗290↘241
2007[16]2010[17]2017[18]2020
↗247↘223↘197↘92
100
200
300
400
1873
1965
1997
2020

Ajamed da ühtenzoituz

Päliči küläd mäneb kaks' ted, üks' Vidl-küläspäi päliči Järved-küläd rajonan suviröunannoks. Toine te zavodiše Järved-küläs da mäneb päivlaskman polhe Pecoil-külännoks. Küläkundan administrativižen keskusenke ühtenzoitase ezilidnaižen avtobusan abul (avtobusmatk № 122 da 421, 9 matkad nedališ).

Küläs om külälaine počtan erišt (indeks 187771).

Socialine elo

Küläs om Järvelaine külälaine kul'turpert' da kirjišt. Radab fel'dšer-akušerine punkt (ven.) (vep..

Ende küläs oliba škol (№ 14) da päivkodi, no vodel 2008 škol oli saubatud, а vodel 2009 oli saubatud i päivkodi.

Vodelpäi 2020 Piterin agjan sijaližen ičenaižen valdmehišton rahvahiden da konfessijoiden keskes komitetab da MKU Vidlan kirjišt-kul'turan ühtenzoitusen tomotusen mödhe küläs mänetadas külälaiže praznikan Järved-külän päiv[19].

Vodel 2025 Külän päiv-praznikan aigan Vepsläine kund-sebran tomotusen mödhe oli avaitud Muštpuišt da sijatud kivi voinmehile, kudambad ühtniba Suren Kodiman voinaha da Eriližehe voinoperacijaha Ukrainal[20].

Tetabad sündujad

Irdad

Bašmakovskaja-, Bol'ničnaja-, Kreščenskaja-, Ožegovan-, Oz'ornaja-, Ojatin kujo, Pokrovskan-, Počtan kujo, Sovhozan-, Školan-irdad[21].

Galerei

  • Järved-külä

    Järved-külä

  • Järved-külä

    Järved-külä

  • Muštkivi Järved-küläs

    Muštkivi Järved-küläs

  • Järved-külä

    Järved-külä

Homaičendad

  1. ↑ Административно-территориальные деления Санкт-Петербургской губернии. Дата обращения: 14 redukud 2025.
  2. ↑ Писцовые книги Обонежской пятины, 1496 и 1563 гг.. — Л.: АН СССР, 1930.
  3. ↑ Олонецкая губерния: Список населенных мест по сведениям 1873 года / обраб. Е. Огородниковым; сост. и изд. Центр. стат. ком. М-ва внутр. дел. 1879. — 235 с. — С. 122. Дата обращения: 14 redukud 2025. Архивировано 6 heinkud 2019 года.
  4. ↑ Волости и важнейшие селения европейской России. Выпуск VII. Губернии приозёрной группы. — СПб.: АН СССР, 1885.
  5. ↑ 1 2 Список населенных мест Олонецкой губернии по сведениям за 1905 год / Олонецкий губернский статистический комитет; составил И. И. Благовещенский. — Петрозаводск: Олонецкая губернская типография, 1907. — 326 с. — С. 88. Дата обращения: 14 redukud 2025. Архивировано 27 vilukud 2020 года.
  6. ↑ Памятная книжка Олонецкой губернии на 1914 год / Изд. Олонецк. губ. стат. к-та; Сост. чл.-секр. к-та И. И. Францишкевич-Яновский. — Петрозаводск. 1914
  7. ↑ 1 2 Справочник истории административно-территориального деления Ленинградской области. Дата обращения: 14 redukud 2025. Архивировано 30 heinkud 2019 года.
  8. ↑ Рыкшин П. Е. Административно-территориальное устройство Ленинградской области. — Л.: Изд-во Леноблисполкома и Ленсовета, 1933. — 444 с. — С. 193. Дата обращения: 14 redukud 2025. Архивировано 14 sulakud 2021 года.
  9. ↑ 1 2 Административно-территориальное деление Ленинградской области / Сост. Т. А. Бадина. — Справочник. — Л.: Лениздат, 1966. — С. 51, 122. — 197 с. — 8000 экз.
  10. ↑ Бюллетень Исполнительного комитета Ленинградского областного Совета депутатов трудящихся. 1971. № 1, с. 25—27.
  11. ↑ Административно-территориальное деление Ленинградской области. — Лениздат. 1973. С. 258. Дата обращения: 14 redukud 2025. Архивировано 30 keväz'kud 2016 года.
  12. ↑ 1 2 Административно-территориальное деление Ленинградской области. Лениздат. 1990. ISBN 5-289-00612-5. С. 99. Дата обращения: 14 redukud 2025. Архивировано 17 redukud 2013 года.
  13. ↑ Административно-территориальное деление Ленинградской области. СПб. 1997. ISBN 5-86153-055-6. С. 99. Дата обращения: 14 redukud 2025. Архивировано 17 redukud 2013 года.
  14. ↑ Коряков Ю. Б. База данных «Этно-языковой состав населённых пунктов России». Ленинградская область. Дата обращения: 14 redukud 2025. Архивировано 5 keväz'kud 2016 года.
  15. ↑ 1 2 Административно-территориальное деление Ленинградской области. — СПб. 2007. С. 123. Дата обращения: 14 redukud 2025. Архивировано 17 redukud 2013 года.
  16. ↑ Административно-территориальное деление Ленинградской области: [справ.] / под общ. ред. В. А. Скоробогатова, В. В. Павлова; сост. В. Г. Кожевников. - СПб., 2007. - 281 с.
  17. ↑ Всероссийская перепись населения 2010 года. Ленинградская область.
  18. ↑ Административно-территориальное деление Ленинградской области 2017 г.
  19. ↑ День деревни Озёра. 2024-07-06. Дата обращения: 14 redukud 2025.
  20. ↑ Грани памяти. Мемориальный обелиск жителям села Озёра - воинам, павшим в годы Великой Отечественной войны 1941-1945. Дата обращения: 14 redukud 2025.
  21. ↑ НСПД кадастровая карта Ленинградской области, Район Подпорожский, Деревня Лукинская. Официальная карта Росреестра публичного пользования. Дата обращения: 14 redukud 2025.
Om sadud "https://vep.ruwiki.ru/w/index.php?title=Järved_(külä)&oldid=455239"