Ezmäine mail'man voin

	Ezmäine mail'man voin
Дата	1914 — 1918 (4 года Šablon:Ageindays дня)
Место	Jevrop, Läheline Päivlaskman pol', Afrik, lühüdan aigan Kitajas Tün'al valdmerel
Причина	Heinkun krizis; Imperializman politik; Valdkundoiden territorialižed da ekonomižed tahtpakičused; Vägiden vajehtamine; Militarizacijan kazvatamine; (Подробнее…)
Итог	Atlantan vägestuz;
Изменения	Venäman, Germanijan, Osmanan da Avstro-Vengrijan Imperijoiden jagamine; Om tehtud Versal'-Vašingtonan rahvahidenkeskeižiden sidegiden sistem;
Общие потери
	18 429 633 kolnuded ristitud da kadonuded ilman tedoita voinan aigan
	18 429 633 kolnuded ristitud da kadonuded ilman tedoita voinan aigan
	lugeda • diskussii • redaktiruida

Kodvdud kirjutez

Ezmäine mail'man voin libo Sur' voin (1914 — 1918) — voinrida, kuna ühtni 38 mail'man valdkundad Jevropan valdkundoiden kahten koalicijan keskes, vointegod oliba mugažo Läheližes Päivlaskman poles, Afrikas da Erasiš Azijan rajonoiš.

Voinaljansad Jevropas Ezmäine mail'man voinan augotišes, voz' 1914 — Keskvaldkundad oma Koumekeskeine ühtištuz

Voinaljansoiden vajehtamine vodeks 1915 — Keskvaldkundad (om ozutadud rusttal mujul) oma Nellänz' ühtištuz

Ühthižed tedod

Üks' vointoroišpäi istorijas, kus oli lujas äi kolijoid: läz 9 millionad ristitud koli voinas da enamba 5 millionad eläjad — voinokkupacias, bomboiden, näl'gän da läžundoiden taguiči. Völ äi ristituid koli Osmanan imperijan armenialaižiden genocidan aigan da Ispanian grippan pandemijan voden 1918 aigan]]. Vodeks 1914 sured Jevropan valdkundad jagetihe kahthe voin-politižehe palaha: Atlantaha, kuna mülüiba Francijan, Venäman da Velikobritanijan imperijad; da Koumekeskeine ühtištuz Germanijan, Avstro-Vengrijan da Italijan imperijoiden keskes.

Zavottud voinas Germanijan strategii kahtele frontale vodel 1914 Šliffenan planan mödhe oli siš, miše ezmäks vägestada Francijad, sid' tacta kaikid vägid Päivlaskman Jevropaha da vägestada Venämad. No Germanii ei voind tulda Francijaha Toran Marnel taguiči (1914), voden lophusai 1914 Päivlaskman front seižutihe La-Manšaspäi Šveicarijahasai, oli sigä vodhesai 1917. Vastkarin, Päivnouzman front kaiken aigan vajehtihe — Avstro-Vengrii da Venäma otiba da andoiba sured manpalad. Toižed vointorad oliba — Läheližes Päivnouzman poles, Italian da Balkanan frontas, miččed otiba vointoraha Bolgarijad, Ruminijad da Grecijad.

Elokus da sügüz'kus vodel 1914 Venäman voiskad vägestiba toras Gumbinnenes, no ei voinugoi vägestada Mazurskan torad. No venälaižed voiskad vägestiba Galiciiskijas da Varšava-Ivangorodan toroiš^[2]. Oli satuz' venälaižil voiskil mugažo Peremišl'as. Semendkus germanijan voiskad tuliba Gorlicaha da Tarnuvaha, sikš Venäman voiskile pidi sirttas tagaze^[3]. 5. elokuks Varšava oli nemcoiden okkupacijas. Heiden tulend lopihe sügüz'kus vodel 1915, konz kaik Pol'ša da Minskan gubernijan pala oliba okkupacijas.

Vodel 1916 Venäma sai vägestusen Brussilovas. Voden 1917 augotišes Germanii pidi torad Atlantikas, sid' 6. sulakud vodel 1917 voinaha tuli Amerik. Venämal valdaks tuliba bol'ševikad Okt'abr'skan revol'ucijan aigan vodel 1917 da allekirjutiba mirun Brest-Litvan kožmusen mödhe 3. keväz'kud vodel 1918, pästtihe äi nemcoiden voiskid. Tactes vägid Päivlaskman frontaha Germanijan päštab keväz'kus vodel 1918 zavodi tulda, no oli azotadud. Sikš elokus zavodihe Sadavoz'ne tulend, Germanii jätksi torata, no jo ei voind nimidä tehta.

Voden 1918 lophusai Keskeižiden valdkundoiden ühtištuz jagatihe; 29. sügüz'kud Bolgarii allekirjuti mirkožmusen, 31. redukud necidä tegi Turcii, 3. kül'mkud — Avstro-Vengrii. Jättes üksnäze Germanijan imperator Vil'gel'm II jäti valdad 9. kül'mkud, a Germanijan uz' valdmehišt allekirjuti Kompjenskan mirkožmusen 11. kül'mkud vodel 1918. Parižan konferencii vozil 1919—1920 kucui allekirjutada vägestadud valdkundoile erazvuiččid kožmusid, üks' tetabišpäi om Versalin kožmuz. Venäman, Germanijan, Osmanan da Avstro-Vengrijan imperijoiden jagamine andoi valdad äjile valdkunoile tehta ripmatomikš (Pol'ša, Čehoslovakii da Jugoslavii. El'getomuz' voinas toi kaikid Toižhe mail'man voinaha sügüz'kus vodel 1939.

Nimi

Konz zavodihe voin, kaikes mirus se nimitihe «Sureks voinaks» (ср.: angl.: The Great War, franc.: La Grande guerre). Venäman imperijas voinale oli anttud oficialižesti «Toine Kodiman» da «Sur' Kodiman». Toižiš valdkundoiš voinal oliba toižed nimed — Italijas oli «Nellänz' voin ripmatomudes»^[4], Japonijasн «Nemcoiden-japonialaine voin». Jevropan da Venäman social-demokratižed partijad nimitihe «imperialistižeks voinaks»^[5], sid' tuli nimi «mail'man voin».

Nügüdläine nimi, miččes om «ezmäine» lugu, kirjutadas erazvuiččikš, kirjaimil, arabilaižil libo rimsijoil luguil. Sovetskijan aigan da vodhesai 1990kirjutadihe — ezmäine mail'man voin, nügüd' — Ezmäine mail'man voin.

Voinan ühtnikad

Jevropan vajehtamine jäl'ghe voinad vodel 1923

Venälaine soldat azotaze dizertiroid

Ühtnenuded (Antant)

Belgii
Francii
Venäman imperii
Sur' Britanii i dominionad
- Kanada
- Avstralii
- Uz' Merima
- Suviafrikan Valdkund
Japonii
Italii
Amerika
Serbii

Keskvaldkundad

Avstrijan da Vengrijan imperii
Bolgarii
Germanijan imperii
Osmanan imperii (oli neitraline augotišes)

Armijad kanman voinad

Keskvaldkundoiden armijad
Valdkund	Armijoiden lugumär jäl'ghe mobilizacijad (tuhad rist.)	Kebnäd azeged (voinan augotišes)	Jügedad azeged (voinan augotišes)	Lendimed (voinan augotišes)
Germanii	3822	4840	1688	232
Avstrii da Vengrii	2300	3104	168	65
Kaik	6122	7944	1856	297
Antantan armijad
Valdkund	Armijoiden lugumär jäl'ghe mobilizacijad (tuhad rist.)	Kebnäd azeged	Jügedad azeged	Lendimed
Venäma	5338	6848	240	263
Sur' Britanii	1000	1226	126	90
Francii	3781	3360	84	156
Kaik	10 119	11 434	450	509

Homaičendad

Механизация армии // Большая советская энциклопедия : в 66 т. (65 т. и 1 доп.) / гл. ред. О. Ю. Шмидт. — М. : Большая российская энциклопедия (издательство), 1926—1947.
↑ ПЕРВАЯ МИРОВАЯ ВОЙНА 1914–18 (неопр.). • Большая российская энциклопедия - электронная версия.
↑ Offensive, Gorlice–Tarnow | International Encyclopedia of the First World War (неопр.). Дата обращения: 2 heinkud 2022. Архивировано 21 viluku 2022 года.
doi:10.15463/IE1418.10632.
↑ Ezmäine ipmerialistine voin oli Ispanian-amerikalaine voin vodel 1898

Literatur

Великая война в образах и картинках. Выпуск IV. Под редакцией И. Лазаревского. Издание Д. Я. Маковского. Типография товарищества А. И. Мамонтова. Москва, 1915.
История Первой мировой войны 1914—1918 гг. / Под редакцией Ростунова И. И. — М: «Наука», 1975.

Tarkendused

Первая мировая война (неопр.). — Хронология • Битвы • Полководцы • Книги. Дата обращения: 6 sügüz'kud 2008. Архивировано 6 sügüz'kud 2008 года.
Портал Минобороны РФ (неопр.). — Хроника событий, Герои войны, Документы, Захоронения, Структура армии, Книги. Дата обращения: 8 sügüz'kud 2019. Архивировано 1 keväz'kud 2022 года.
Первая мировая война. Подробности сражений (неопр.). Дата обращения: 13 keväz'kud 2008. Архивировано 24 semendkud 2011 года.
Хронология Первой мировой войны (неопр.). Дата обращения: 13 semendkud 2006. Архивировано 4 kül'mkud 2010 года.
Первая мировая война (Великая война). Предпосылки. Сражения. Битвы. Итоги войны (неопр.). Дата обращения: 13 keväz'kud 2008. Архивировано 24 semendkud 2011 года.
Герои Первой мировой. Сражения, персоналии, захоронения, списки погибших (неопр.). Дата обращения: 29 keväz'kud 2022. Архивировано 10 uhokud 2020 года.
Первая мировая война (1914—1918): цифровая коллекция — Президентская библиотека.

[1] Механизация армии // Большая советская энциклопедия : в 66 т. (65 т. и 1 доп.) / гл. ред. О. Ю. Шмидт. — М. : Большая российская энциклопедия (издательство), 1926—1947.

[:3-2] ПЕРВАЯ МИРОВАЯ ВОЙНА 1914–18 (неопр.). • Большая российская энциклопедия - электронная версия.

[3] Offensive, Gorlice–Tarnow | International Encyclopedia of the First World War (неопр.). Дата обращения: 2 heinkud 2022. Архивировано 21 viluku 2022 года.

[4] :10.15463/IE1418.10632.

[5] Ezmäine ipmerialistine voin oli Ispanian-amerikalaine voin vodel 1898

[2]

[3]

[4]

[5]