Jugoslavii

Jugoslavii
Југославија / Jugoslavija (serb.-horv.)

Tehtud	1918
Hajenu	2003
Valdkundznam	Flag
Pälidn	Belgrad
1989)	23,724,919 ristitud
Pind	255,804 km²
Kel'	serban da horvatan kel'
Ohjanduzform	tazovaldkund
Pämehen titul	prezident, prezidiuman ezimez'
Jäl'gmäine pämez'	Voislav Koštunica
Religii	hristanuskond, islam
Valüt	jugoslavijan dinar (YUD. Din)
Internet-domen	.yu
Telefonkod	+38
Aigvö	UTC+1

Jugoslavii oli valdkund Balkanan pol'sarel da oli Adriatižen meren kaks'tuhakilometriženke randištonke.

Istorii

Valdkund sündui Avstrijan da Mad'jaranman imperijan čihodamižen rezul'tataks. Vozil 1918−1945 se oli kunigahuz da unitarine valdkund. Sid', vspäi 1945 — federativine tazovaldkund. Federacii kogoni 6 valdkundaspäi i kaks' avtonomijad oli Serbijas. Kaik ned oma ripmatomad toine toižespäi nügüd' päiči Serbijan avtonomižid agjoid (Vojevodin i Serbijan da Mustmägin Valdkundaline Ühtištuz-konfederacii oli Jugoslavijan oiktusiden jäl'ghetulii, no äjad ÜRO:n ühtnijad ei olgoi tundištanuded necidä.

Geografii

Vozil 1945−1991 Jugoslavijan Socialistine Federativine Tazovaldkund oli röunoiš Mad'jaranmanke pohjoižes.

Mägitahond oli territorijan kaks' koumandest. Dunain bassein ühtištoiti valdkundad.

Ižanduz

Mujumetalloiden metallurgii sijaližil varoil oli ižandusen aluseks. Radnikoiden kollektivad sättutiba keskneze pätindoid, ižandusen ohjanduz oli kundaližen i keskusetoman.

Čihodamine

Jugoslavijan čihodamine tegihe pordhil: vl 1991 läksiba Slovenii, Horvatii i Makedonii; vozil 1991−1995 Bosnii da Gercegovin; vl 2006 Mustmägi tedoti ripmatomut Serbijaspäi. Vl 2008 Kosovo tedoti ripmatomut Serbijaspäi, no Serbii jäi necidä azjad tundištamata.

Homaičendad