Šondjal

Рувики-späi
Külä
Šondjal
ven.: Шондовичи
Шондовичи Ленинградская область.jpg
60°25′14″ с. ш. 34°49′10″ в. д.GЯO
Valdkund  Venäma
Venäman subjekt Piterin agj
Rajon Podporožjen
Küläkund Vidlan
Istorii da geografii
Ezmäine johtutez 1563 voz'
Enččed nimed Šondjal I, Šondjal II
Eläjad
Eläjad 49[1] ristitud (2017)
Rahvahad venälaižed, vepsläižed
Lugu-identifikatorad
Telefonan kod +7 81365
Počtan indeks 187771
Kod ОКАТО 41236816013
Kod ОКТМО 41636404281
Прочее
Šondjal (Россия)
Точка
Šondjal
Точка

Šondjal (ven.: Шондовичи[2]) om vepsän külä Piterin agjas Podporožjen rajonas. Mülüb Vidlan küläkundaha.

Istorii

Obonežskan p'atinan (ven.) (vep. piscovijas kirjas vodel 1563 johtutadas ei vähemba kahesad pen't ( 1 — 2 tanast) küläd «Šondjal-küläs Ojat'-jogel» (vasttihe i variantad «Kondjalas», «Šundjalas»). Siloi nene eländtahod mülüiba Nikol'skan Jaroslavskijan pagastaha da oliba pomeščikoiden I. U., B. U. da А. N. Sudakovoiden valdas[3].

Jäl'ghe sidä, kut Venäman jägatihe gubernijoile, Šondjal-külä mülüi Oloncan gubernijan Pöudon ujezdaha. Vodel 1873 Šondjal-külähä mülüi nel'l' küläd, miččiš oli 20 tanast, kaks' ortodoksišt časoun'ad da 137 eläjad, kaik oliba «čud'-heimospäi». Voz'sadan XX augotišehesai kaik ned mülüiba Vidlan volostin Makuševskan küläkundaha.

Sikš ku Šondjal seižub Ojat'-jogen kahtel randal, voz'sadan XX toižehe palahasai oficialižiš azjbumagoiš külä oli jagatud kuverdale-se ičenaižele eländtahole. Muga, Oloncan gubernijan küliden lugetišes vodel 1905 šondjalaižen röunan joukus oli kuz' küläd, miččiš oli 30 tanast da eläjiden lugumär oli 192 mest[4].

Valdankumaidusen jäl'ghe vahvištoitihe jagaduz kahtele küläle — Šondjal I da Šondjal II, miččed erigoičihe toine toižespäi jogel.

Vozil 1917—1922 Šondjal I-külä mülüi Vidlan volostin Pöudon ujezdan Oloncan bubernijan Makruševskan sel'sovetaha, а Šondjal II — Novgorodan gubernijan Tihvinan ujezdan Pecoilan volostihe (ven.) (vep..

Vodelpäi 1918 Šondjal II-külä oli Čerepovcan gubernijas.

Vodelpäi 1922 Šondjal I-külä oli Piterin agjan Vidlan volostin Järvelaižen sel'sovetan joukus.

Vodelpäi 1927 Šondjal I oli Järvelaižen sel'sovetan joukus, а Šondjal II-külä oli Vidlan rajonan Mäggärvelaižen sel'sovetan joukus.

Vodelpäi 1928 Šondjal II mugažo mülüi Järvelaižen sel'sovetan joukuhu. Vodel 1928 Šondjal II-külän eläjiden lugumär oli 136 mest[5].

Administrativižiden tedoiden mödhe vodel 1933 Šondjal I da Šondjal II küläd mülüiba Vidlan rahvahaližen vepsän rajonan Järvelaižen vepsän rahvahaližehe sel'sovetaha[6].

Kollektivizacijan aigan Šondjal-küläs om tehtud kaks' kolhozad: Šondjal I-küläs — «Krasnaja Ojat'»-kolhoz, Šondjal II — «Verhn'aja Ojat'»-kolhoz. Voziden 1940 da 1950 aigan nene sel'hozartelid ühtenzoittihe «Uz' Elo»-kolhozaha. Vodeks 1952 sihe mülüi 81 elomišt, kolhozal oli 3239,69 gа mad (pöudod — 126,07, heinäntegod — 251,24, paimenduzsijoid — 180, mecad — 2090,3). Kolhozas oli 35 hebod, 158 sur't živatad (sen lugus 54 lehmäd), 105 lambast, 49 sigad, 148 lindud. Kolhozas oli vezimel'nic, miččen vägi oli 0,25 t smenas. Voziden 1960 lopus nece kolhoz oli saubatud, a sen ma mülüi «Järvelaine»-sovhozaha.

Vodel 1940 Šondjal I-kžlün eläjiden lugumär oli 239 mest[5].

Suren Kodiman voinan aigan Šondjal-küläs vozil 1942—1944 oli keskaigašti sijatud Vidlan Mašin-traktorine stancii (ven.) (vep., mitte oli evakoitud Vidl-küläspäi.

Vodelpäi 1954 Šondjal II-külä om Pecoilan sel'sovetan joukus.

Vodel 1958 Šondjal I-külän eläjiden lugumär oli 122 mest.

Vodelpäi 1963 Šondjal I da Šondjal II küläd oliba Pöudon rajonan Järvelaižes sel'sovetas.

Vodelpäi 1965 Šondjal I da Šondjal II oma Podporožjen rajonan joukus[5].

Šondjal I da Šondjal II küläd Lenoblispolkoman pätandan № 592 31. tal'vkud vodel 1970 oma ühtenzoitud[7].

Voziden 1973 da 1990 tedoiden mödheŠondjal-külä mülüi Podporožjen rajonan Järveleižen sel'sovetan joukuhu[8][9].

Vodel 1997 Järvelaižen volostin Šondjal-küläs eli 101 mest, vodel 2002 — 73 mest (venälaižed — 45 %, vepsläižed — 54 %)[10][11].

Vodel 2007 Vidlan küläkundan Šondjal-küläs eli 61 mest[12].

Geografii

KüLä sijadase rajonan suvipoles 41К-717-avtotel (Tulend Šondjal-külähä).

Administrativižen küläkundan keskuz om 30 km küläspäi[12].

Külä seižub molembil Ojat'-jogen randoil.

Eläjad

Eläjiden lugumär
187319051926193919511961
137↗192↗245↗425↘291↘281
197119751989199720022007[13]
↘244↘206↘125↘101↘73↘61
2010[14]2017[15]2020
↘46↗49↘16
100
200
300
400
500
1951
1997
2020

Eläjiden lugumär

Eläjiden lugumäran vajehtamine voziden 1873—2017 aigan[16][4][17][18][19][20][21][22][23][24]:

Ajamed

Mate ühtenzoitab Šondjal-külän Järved-külänke. Administrativižen küläkundan keskusenke külän ühtenzoitab avtobusmatk № 122 Pecoil — Vidl (2 reisad nedališ), mitte matkan aigan tuleb i Šondjalaha.

Irdad

Brusničnaja, Lugovaja, Mäggärvelaine kujo, Ribackaja, Jakovlevan kujo[25].

Šondjal kinos

Vodel 2016 Šondjal küläs oliba venälaižen tragikomedižen «Žili-bili» (ven.) (vep.-fil'man sjomkad. Fil'man ohjandai om Eduard Parri, a fil'man pähengiden rolid vändiba venälaižed tetabad artistad F'odor Dobronravov (ven.) (vep., Roman Mad'anov (ven.) (vep. da Irina Rozanova (ven.) (vep.. Fil'man ezmäine ozuteluz oli Venämal 15. keväz'kud vodel 2018[26].

Šondjal-küläs fil'man sjomkad oliba kun. Sidä aigas artistad el'genziba midä ei täudu sijalaižile eläjile elon täht. Heiden abunke küläs tehtihe uden rippuisildan Ojar'-jogen päliči[27] da kezakodan jogen randal, mitte tariž oli fil'man täht, a nügüd' se om necen külän melentartuisija.

Galerei

Шондовичи 5.jpg
Шондовичи 4.jpg
Шондовичи 3.jpg
Шондовичи 2.jpg
Külän-nimen teznam, 2025 Avtobusseižutez, 2025 Sild da besedk, miččed lahjoičiba «Žili-bili»-fil'man artistad, 2025 Šondjal, 2025

Homaičendad

  1. ↑ Административно-территориальное деление Ленинградской области / Сост. Кожевников В. Г.. — Справочник. — СПб.: Инкери, 2017. — С. 148. — 271 с. — 3000 экз.
  2. ↑ Муллонен И. И. Вепсские этнонимы: история и современность // История и традиционная культура народов Карелии / научный редактор докт. ист. наук И. Ю. Винокурова. — Петрозаводск: КарНЦ РАН, 2018. — С. 44—57. — 278 с. — ISBN 978-5-9274-0799-6.
  3. ↑ Писцовые книги Обонежской пятины, 1496 и 1563 гг.. — Л.: АН СССР, 1930. — 252 с.
  4. ↑ 1 2 Список населённых мест Олонецкой губернии: по сведениям 1905 года / Изд. Олонецк. губ. стат. комитетом; Сост. чл.-секр. комитета И. И. Благовещенский. — Спб., 1907, с. 88—91.
  5. ↑ 1 2 3 Справочник истории административно-территориального деления Ленинградской области.
  6. ↑ Рыкшин П. Е. Административно-территориальное устройство Ленинградской области / научный редактор докт. ист. наук И. Ю. Винокурова. — Л.: Леноблисполкома и Ленсовета, 1933. — С. 193. — 444 с.
  7. ↑ Бюллетень Исполнительного комитета Ленинградского областного Совета депутатов трудящихся № 1. — 1971. — С. 25—27.
  8. ↑ Административно-территориальное деление Ленинградской области.. — Лениздат, 1973. — 258 с.
  9. ↑ Административно-территориальное деление Ленинградской области.. — Лениздат, 1990. — С. 99. — ISBN 5-289-00612-5.
  10. ↑ Административно-территориальное деление Ленинградской области.. — СПб., 1997. — 99 с. — ISBN 5-86153-055-6.
  11. ↑ Коряков Ю. Б. База данных «Этно-языковой состав населённых пунктов России». Ленинградская область. Дата обращения: 19 redukud 2025. Архивировано 5 keväz'kud 2016 года.
  12. ↑ 1 2 Административно-территориальное деление Ленинградской области. — СПб., 2007. — 123 с.
  13. ↑ Административно-территориальное деление Ленинградской области: [справ.] / под общ. ред. В. А. Скоробогатова, В. В. Павлова; сост. В. Г. Кожевников. - СПб., 2007. - 281 с.
  14. ↑ Всероссийская перепись населения 2010 года. Ленинградская область.
  15. ↑ Административно-территориальное деление Ленинградской области 2017 г.
  16. ↑ Список населённых мест Олонецкой губернии: по сведениям 1873 года / Изд. Центр. стат. комитетом; Обраб. секр. комитета Е. Огородниковым. — Спб., 1879, с. 122—123.
  17. ↑ ПФА РАН, ф. 135, оп. 3, д. 92, л. 302.
  18. ↑ ЦГА СПб., ф. 95, оп. 4, д. 1023.
  19. ↑ ЦГА СПб., ф. 95, оп. 4, д. 3646.
  20. ↑ ЦГА СПб., ф. 95, оп. 8, д. 2365, лл. 14—16.
  21. ↑ ЦГА СПб., ф. 9971, оп. 3, д. 1123, лл. 99—102.
  22. ↑ ЦГА СПб., ф. 9971, оп. 7, д. 735, лл. 94—97.
  23. ↑ Административно-территориальное деление Ленинградской области. [Справочник. По состоянию на 1 января 1997 г.; Сост. В. Г. Кожевников]. — СПб., 1997, с. 99.
  24. ↑ Административно-территориальное деление Ленинградской области / Сост. Кожевников В. Г.. — Справочник. — СПб.: Инкери, 2017. — С. 149. — 271 с. — 3000 экз. Архивированная копия. Дата обращения: 22 redukud 2025. Архивировано из оригинала 14 keväz'kud 2018 года.
  25. ↑ Система «Налоговая справка». Справочник почтовых индексов. Подпорожский район Ленинградская область. Дата обращения: 22 redukud 2025. Архивировано из оригинала 4 keväz'kud 2016 года.
  26. ↑ Жили-были. vokrug.tv. Дата обращения: 19 redukud 2025.
  27. ↑ Федор Добронравов с коллегами по фильму «Жили-были» помогли построить мост в деревне Ленобласти. spb.kp.ru. Дата обращения: 19 redukud 2025.

Lähtked

Om sadud "https://vep.ruwiki.ru/w/index.php?title=Šondjal&oldid=472144"