Iona Jašjärvelaine
| Iona Jašjärvelaine | |
|---|---|
 | |
| Om sündunu | Šokš-posad |
| Koli |
läz 1592 maonduz läz Iona-Jašjärvelašt monastirid |
| Arvostadas | venälaižes ortodoksižes uskondas |
| Pühän mod | pühämez' |
| Päpühä | jandused Iona-Jašjärvelaižes monastiriš |
| Muštpäiv | 22. sügüz'kud (5. redukud) |
| Radod | tegi monastirin |
| Pühä rad |
loičend post |
Iona Jašjärvelaine (ven.: Иона Яшезерский; sünd. Šokš, kol. 1592, Šokš) oli Venäman ortodoksine pühämez', Aleksandr Süvärilaižen openik. Oli vepsläine. Vodel 1562 pani Iona-Jäšjarvelaižen monastirin Jäšjärven randal läz Šokšunno.
Elostarin
Iona oli sündunu Šokšunposadas 16 virstas tehtud möhemba monastirišpäi. Konz hänele täudui 18 vot, hän läksi Süvär'-jogele pühänno Aleksandr Süvärilaižennoks, kudamb tegi sigä Aleksandr-Süvärilaižen monastirin.
Monastirin tegemine
Vodel 1533 edehko pühän Aleksandr Süvärilaižen surmad Iona sai hänespäi blahoslovindad eläda eriži kaikišpäi da tuli elole mecha Jäšjärven da Sennoje-järven keskes. Starinan mödhe sigä oli jazičeskoje kapišče. Pandes Ristan, pühämez' eläškanzi koskmatomas londuses. Äi vozid hän eli üksnäze jügedoiš asketižiš olendoiš[1].
Aigas päliči Ionannoks tuliba mehed, kudambad abutiba hänele leta puižen pühäpertin Pühän Bogorodican Blahoveščenjan muštoks da tehta toižid sauvotusid. Vodel 1562 oli avaitud rahakirj den'goiden keradusen täht monahoiden elole. Nece voz' om Blahoveščnjan Iono-Jašjärvelaižen mužikoiden monastirin sündundvoz'[2].
Surm
Pühä Iona koli XVI voz'sadan lopus[3]. Starinan mödhe, hän tezi ičeze surman aigan polhe, sikš pani päle monahan sädod da tegi kaiken asketižiden sändoiden mödhe da mäni maondusehe, mitte oli pol'tošt virstad monastirišpäi. Sigä Iona oli ičeze jäl'gmäižed päiväd ičeze elod. Velled tuleskeliba maondusehe rižamaha ičeze opendajad, küzüiba hänel nevondoid sihesai, kuni Iona ei lähtend neciš elospäi Jumalannoks.
Ionan jändused oli todud maondusespäi päpühäpertihe, kus ned pandihe maha spudan alle Preobraženjan Gospodn'an jumalanpertin pert'edeses. Aigan sirttes rahvaz zavodi tuleskelda pühäpertihe Ionan kaumannoks tervehtoitusen täht, hö pakičiba Ional tervhut da hän andoi heile tervhut. Äikerdaižiš čudoiš da tervhutesiš, miččed mäniba monastiriš, Iona tegihe pühämeheks.
Mušt
Pühän Iona Jašjärvelaižen muštpäiv om 5. redukud. Vodel 2004 pühämehen muštpäiv tegihe vepsän röunan rahvahaližeks praznikaks.[4]
Homaičendad
- ↑ Житие Преподобного Ионы Яшезерского. Дата обращения: 31 heinkud 2025.
- ↑ Благовещенский Ионо-Яшезерский мужской монастырь. Дата обращения: 31 heinkud 2025.
- ↑ Преподобный Иона Яшезерский. Дата обращения: 31 heinkud 2025.
- ↑ День преподобного Ионы Яшезерского в посёлке Кварцитный. Дата обращения: 31 heinkud 2025.
Lähtked
- Преподобный Иона Яшезерский. Дата обращения: 25 heinkud 2025.
- Благовещенский Ионо-Яшезерский мужской монастырь. Дата обращения: 25 heinkud 2025.
- Vepsläižed pühäd mehed: Aleksandr Süvärilaine. Дата обращения: 31 heinkud 2025.