Aleksandr-Süvärilaine monastir'

Aleksandr Süvärilaižen monastir'
	Monastir'
Aleksandr Süvärilaižen monastir'
	60°46′46″ с. ш. 33°18′51″ в. д.GЯO
Valdkund	Venäma;
Sija	Staraja Sloboda[d]
Uskond	Ortodoksine pühäkodi
Jeparhii	Tihvinan jeparhii[d]
Tegii	Aleksandr Süvärilaine
Sündundpäiv	1487
Известные насельники	prepodobnii Aleksandr Süvärilaine
Реликвии и святыни	Pühä Aleksandr Süvärilaižen jändused, Turinan plaščenican kopii, pühämehiden jändusiden palad, pühä purde.
Kacui	Mstislav (D'ačina)
Status	Venäman rahvahiden kul'turjäl'gestusen objekt federaližel znamoičendal. Рег. № 471520257110006 (ЕГРОКН). Objekt № 4710117000 (БД Викигида)
Rad	radab
Sait	svirskoe.ru; svirskoe.org
	Mediafailad RUWIKI-tedoiš

Pühän Stroican Aleksandr-Süvärilaižen monastir' (ven.: Свято-Троицкий Александро-Свирский монастырь) om Venäman ortodoksižen jumalanpertin mužikoiden monastir', mitte sijadase Pöudon rajonan Staraja Sloboda-küläs Piterin agjas, Roščinskan järven randal. Mülüb Tihvinan jeparhijaha da om Venäman Öbokan znamasine hengeline keskuz. Monastir' om tetab voz'sadoiden XVI—XX arhitekturkogomusel da tradicijan mödhe nimitase "Pohjoižeks Lavraks", mitte kucub äi palomnikoid.

Istorii

Monastirin alandusid pani pühämez' Aleksandr Süvärilaine voz'sadan XV lopus Oloncan röunan vähärahvahaližes mectahos verhan uskondan rahvahiden — karjalaižiden, vepsläižiden, čudilaižiden eländtahoiden keskes. Pigai Aleksandr Süvärilaižel il'mestuiba openikad. Völ augonpanijan elon aigan monastir' kazvoi kut kaks' ühtenzoitud toine toiženke, no sidä aigan eriži seižui kogomust (erištod): Troican velliden keljoidenke da Preobraženskijan, mitte om lähen kaumištod. Niid ühtenzoitab te, mitte mäneb järven pidust.

Pen' Pokrovan jumalanpert' sömsijanke Stroican palas om kaikid vanhemb monastirin sauvond. Jumalanpertin sauvondaha ühtni iče Aleksandr Süvärilaine vodel 1533 carin Vasilii III aburahoile.

Voz'sadan XVII keskespäi monastirihe om kirjutadud Vvedeno-Ojatin monastir' (ven.) (vep..

Vozil 1764—1786 monastirin Stroican erišt oli Oloncan da Kargopolin jepiskopoiden rezidencii, Novgorodan jeparhijan vikarijoiden.

Vodel 1802 monastirin ižandan arhimandritan Iosifan pakičendan mödhe, Novgorodan da Piterin mitropolitan Amvrosijan ülembaižen laskendan mödhe, monastiriš oli sätud kaks'klassine Süvärin (Oloncan) hengeline opišt pühämehiden lapsiden opendusen täht. Opišt sijazihe monastirin korpusas. Opendajad da openikad, kudambad ühten aigan oliba monastirin inokad, oliba täudel monastirin paukal. Vodel 1856 openikoiden lugumär oli 48 mest. Heinkus vodel 1870 Pühä Sinodan käskol hengeline opišt oli saubatud da ühtenzoitud Petroskoin hengeližen opištonke^[1].

Vodelpäi 1873 Süvärilaižen monastirin ohjandusen anttihe Oloncan da Petroskoin jepiskopoile, a monastiriš vahvištoittihe ižandoičendan. Vodelpäi 1890 monastir' möst tehtihe ičenaižeks erilaiženke ižandanke-arhimandritanke.

Vodel 1900 monastiriš om sauvodud časoun' imperatoran da hänen kanzan čudokahan surman päzundaspäi imperatoran pojezdan murendusen aigan muštoks.

Sügüzel vodel 1918 monastirin anastiba da vargastiba čekistad, а monastirin ižandad arhimandritad Jevgenijad (Trofimov) ampttihe Olonec-lidnas. Vodel 1919 monastir' putui vauktoiden suomalaižiden valdaha, no oli päzutadud Vidlican vointacindan abul.

Sovetskijan Sojuzan valdan aigan monastiriš oliba lapsiden da invalidoiden pertid. Kuverz'-se aigad monastiriš sijatsihe opišt, a Stroican kogomuses vozil 1953—2009 oli Süvärilaine psihiatrine läžundkodi^[2].

Udessündutamine

Vodel 1997 monastirin mülütadihe Venälaižen jumalanpertin ižandoičendaha. Sidä aigaspäi zavodihe monastirin udessündutamižen radod: mäneb pertiden, jumalanpertiden kupoloiden, freskoiden endištamine, udes zavodihe monahoiden elo da jogapäiväližed jumalanloičendad^[3].

Elokus vodel 2020 Piterin Stavros-kompaii tegi monastirile čapandan kiotoiden čomitesen täht. Vinmarjoiden tophil da lehtesil čomitadud pol'kolonad, miččiden kapitelijad oma ottud Stavros-lugemižespäi. Toižed čomitesen palad vaumittihe da tehtihe ezipakičusen mödhe anttud projektan mödhe.

Stavros-fabrikan mastarid tegiba kaik radod: vaumičiba kaik palad buk-puspäi da čomitiba sidä susal'nijal 22,5 karatad kuldal silitadud metall effektanke. Montažin tehtihe öl, miše ei telustada päiväl jumalanloičendoile.

Vodel 2012 Tihvinan da Pöudon jepiskopan Mstislavan blaslovindan mödhe om tehtud Praznikaline arhijereiskan hor. Sihe mülüdas SNG-ühtištusen muzikaližiden üläopištoiden pästnikad. Kirjutesiden keskes, miččid pajatab hor oma: amuižed Vizantian pajod da znampajatand (ven.) (vep., voz'sadan XIX—XX liturgijan muzik, venälaižed, ukrainalaižed da belorussialaižed rahvahaližed pajod.

Aleksandran Süvärilaižen monastirin tanaz voden 2015 sijadase Nevskijan rajonan Ves'olii pos'olok-sijas Piteriš'.

Monastirin ižandoiden lugetiž

Igumenad

Aleksandr Süvärilaine (1506—1533)
Isaija
Nikodim (ei hätken aigan)
Irodion (vodehesai 1545)
Veniamin
Afanasii S'andebskii
Sidor (vodehesai 1572)
Ioasaf (vodehesai 1582)
Dionisii (vodehesai 1608)
Paisii (vodehesai 1613)
Feodorit (vodehesai 1628)
Avraamii (vodehesai 1646)
Aleksandr (vodehesai 1649)
Savvatii (vodehesai 1660)
Simon (1660—1664)
Iosif (vodehesai 1666)
Makarii (Poluehtov) (vodehesai 1673)

Freskad

Arhimandritad

Germogen (vodehesai 1699)
Lavrentii (vodehesai 1702)
Kirill I (vodehesai 1705)
Isaija (vodehesai 1708)
Feodosii (vodehesai 1715)
Illarion (vodehesai 1717)
Aleksandr I (vodehesai 1719)
Kirill II (vodehesai 1732)
Vissarion (vodehesai 1738)
Jefrem (vodehesai 1740)
Venedikt (vodehesai 1742)
Serafim (vodehesai 1748)

Vozil 1748—1752 arhimandritad ei olend, monastirid ohjanzi namestnik Innokentii.

Freskad

Andronik (1752—1759)
Pahomii (vodehesai 1763)
Varsonofii (vodehesai 1763)
Aleksandr II (vodehesai 1775)
Irinarh (vodehesai 1780)
Varlaam (vodehesai 1790)
Parfenii I (Petrov) (26. semendkud 1790 — 6. uhokud 1800)
Izrail' (Danilov)]] (1802)
Iosif (vodehesai 1816)
Tovija (Moisejev) (1816—1819). Sirttihe Jekaterino-Leb'ažskan monastirišpäi.
Parfenii II (vodehesai 1820)
Makarii (vodehesai 1827)
Varsonofii (Morev) (vodehesai 1853)
Iezekiil' (vodehesai 1855)
Pavel (Smirnov) (vodehesai 1869)
Antonii (vodehesai 1870)
Daniil (vodehesai 1872)

Namestnikad

Arhimandrit Savvatii (1873—1878)
Igumen Innokenti (1878—1883)
Arhimandrit Makarii (1883—1891)
Igumen Antonii 2015

Arhimandritad

Agafangel (21. tal'vkud 1891—1909)
Jevgenii (Trofimov) (1909 — om amptud vodel 1918)
Lukian (Kucenko) (23. tal'vkud 1997 — redukud 2011) a. s. 19. heinkuhusai vodehesai 1999
Mstislav (D'ačina) (28. redukuspäi vodelpäi 2011) a. s. 16. keväz'kuhusai vodehesai 2012

Monastirin nügüd'läine elo

Monastir' om pörditadud jumalanpertin joukuhu vodel 1997. Monastir' om täuzin udištadud, sid' mäneb monahoiden elo, jogapäiväližed službad. Vodel 1998 sihe tagaze todihe Aleksandr Süvärilaižen pühä jändused. Nece om monastirin päkal'huz', ned om avoin jogahižen jumalahižen kumardusen täht. Nügüd'läižel aigal Pühän Stroican Aleksandr-Süvärilaižen monastir' om palomnikoiden da arhitekturan keskuz^[4].

Sid' om ladidud monahoiden elomišton elo. Nece om popul'arine sija turistoiden keskes, kudambile om melentartušt ortodoksine istorii da arhitektur.

Monastir' om avoin joga päivän 06:00—20:00 časuil. Pühäpäivän radab 08:00—20:00 časuil.

Kal'huded

Aleksandar Süvärilaižen pühäjändused;
Turinan plaščenican kopii;
Taho, miččel il'mestui Bogorodica;
Taho, miččel il’mestui Pühä Stroic;
Puhä purde.

Völ om kaičenus pühä kaivoz, miččen kazvoi iče Aleksandr Süvärilaine^[5].

Monastirin jumalanpertid

Kogodusen pala	Monastirin pala	Sauvondan aig
Troican jumalankodi	Stroican	1695—1697
Pühä Bogoroican Pokrova jumalankodi sömsijanke	Stroican	1533—1536
Kellotuzsija	Stroican	1646
Prepodobnijan Ioanna Damaskinan jumalankodi	Stroican	1716
Preobraženijan jumalankodi da Pühä Zaharijan da Jelizavetan jumalankodi	Preobraženijan	1641—1644 1668
Pühä Nikola Čudontegijan nadvratine jumalankodi	Preobraženijan	1791
Kellončuhu	Preobraženijan	1903—1904

Homaičendad

↑ Калинина Е. А. Духовное образование в Олонецкой губернии в XIX — начале XX века. — Петрозаводск, 2019. — 561 с. — ISBN 978-5-904704-71-1.
↑ «Северная Лавра»: монастырь преподобного Александра Свирского, Православный журнал «Фома» (12 sügüz'kud 2018). Дата обращения: 22 sulakud 2026.
↑ Свято-Троицкий Александра Свирского мужской монастырь: мощи, где находится и чем помогает (рус.). vesti.ru. Дата обращения: 22 sulakud 2026.
↑ Как сейчас созидаются монастыри (рус.). Дата обращения: 22 sulakud 2026.
↑ Святыни монастыря (рус.). Дата обращения: 22 sulakud 2026.
↑ Александро-Свирский мужской монастырь (рус.). Азбука паломника. Дата обращения: 17 sulakud 2026.

Literatur

Детчуев Б. Трагедия в монастыре: [Александро-Свирский монастырь Олонецкого уезда] // Север : журнал. — 1991. — № 12. — С. 126—136.
Галкин А. К. Александро-Свирский монастырь как резиденция викарных епископов и центр духовного образования // Санкт-Петербургские епархиальные ведомости. — 2006. — № Вып. 34. — С. 11—15.-
Никодим, архимандрит. Настоятель Александро-Свирского монастыря архимандрит Агафангел. — Петрозаводск, 1910.
Свято-Троицкий Александро-Свирский монастырь. — СПб., 1901.

Lähtked

[1] Калинина Е. А. Духовное образование в Олонецкой губернии в XIX — начале XX века. — Петрозаводск, 2019. — 561 с. — ISBN 978-5-904704-71-1.

[2] «Северная Лавра»: монастырь преподобного Александра Свирского, Православный журнал «Фома» (12 sügüz'kud 2018). Дата обращения: 22 sulakud 2026.

[3] Свято-Троицкий Александра Свирского мужской монастырь: мощи, где находится и чем помогает (рус.). vesti.ru. Дата обращения: 22 sulakud 2026.

[4] Как сейчас созидаются монастыри (рус.). Дата обращения: 22 sulakud 2026.

[5] Святыни монастыря (рус.). Дата обращения: 22 sulakud 2026.

[6] Александро-Свирский мужской монастырь (рус.). Азбука паломника. Дата обращения: 17 sulakud 2026.

[1]

[2]

[3]

[4]

[5]

[6]