Klimencan monastir'

Рувики-späi
Monastir'
Клименецкий Свято-Троицкий монастырь
Klimencan Pühä-Stroican monastir'
Klimencan monastirin Elonaugotišen Stroican pühäpert'
Klimencan monastirin Elonaugotišen Stroican pühäpert'
61°50′55″ с. ш. 35°11′01″ в. д.GЯO
Valdkund  Venäma
Sija Velikogubskan küläkund[d]
Uskond Ortodoksine uskond
Tegii Pühä klimencan Iona
Sündundpäiv 1520
Loppäiv 1918-1920
Kacui igumen Aleksandr (Marčenko)
Status Логотип конкурса «Вики любит памятники» ОКН № 1031169000№ 1031169000
Sait klimenets.ru
Логотип РУВИКИ.Медиа Mediafailad RUWIKI-tedoiš
Klimencan monastirin fresk

Klimencan Pühä-Stroican monastir' (ven.: Климени́цкий, Климецкий, Клименецкий Свято-Тро́ицкий монасты́рь) — udessündutadud ortodoksine monastir', mitte seižub Surel Klimencan sarel, Medvežjegorskan rajonas, Karjalas).

Istorii

Kuni ei olend tehtud monastir', sarel oli ortodoksine Nätinan pustin'[1].

Karjalaine Pühä klimencan Iona (ven.) (vep. (Novgorodan posadnikan Ivan Klimentjevan poig) tegi sen vodel 1520[2]. Hänen aigan oli letud puižed Nikolan da Stroican pühäpertid[3]. Iče Iona ei olend tehnus pühäpertin ižandaks, hän jäi monahaks. Koli vodel 1534, oli mahapandud läz Pühän Nikolajan jumalanpertid.

Vozil 1613—1614 monastir' oli muretud švedoil[4].

Vodhesai 1664 ižandoičend oli igumenal, sid' — sauvojal.

Vodel 1709 Nikolan pühäpert' paloi. Vodel 1712 oli udes sauvdud Stroican pühäpert'. Vodel 1714 oli letud Sretenin pühäpert' (udes sauvdud vodel 1843 da pühävalatadud pühän čudontegijan Nikolajan muštoks). Imperatriican Jelizavetan rahoile oli sauvdud kivesine pühäpert' oigedmeližiden pühiden Zaharijan da Jelizavetan muštoks (udes pühävalatadud jäl'ghe kohenduzradoid vodel 1840)[5]. Neciš pühäpertiš oli Ionan Klimeneckijan kaum (grobnic).

Vodelpäi 1764 — zaštatine monastir', vodel 1769 oli heittud. Keväz'kus vodel 1772 monastirin pühäpertid oli anttud Sennogubskijaha prihodaha.

Vodel 1833 monastir' oli udessündutadud ezmäižen Oloncan da Petroskoin jepiskopan Ignatijan (ven.) (vep. abul, kudamb ižandoiči Oloncan arhijerejan Ionan pertiš[6]. Ignatii toi monastirile kuverdad-se elomištod ičeze pertišpäi, kirjuti očerkad monastirin istorijan polhe.

Projektan mödhe da Oloncan gubernijan arhitektoran Vasilii Tuhtarovan (ven.) (vep. ohjandusel vodel 1853 monastiriš oli tehtud kohenduzradoid.

23. sulakud vodel 1860 monastir' tegihe ripmatomaks.

Vodel 1876 monastiriš oli avaitud abustancii, miččen pämeheks tegihe pühäpertin ižand[7].

Vodel 1884 monastirin adivoiš oli sur' kn'az' Vladimir Aleksandrovič.

Monastir' oli üks' sijoišpäi Jumalan loičijoile, kudambad tuleskeliba Petroskoišpäi[8].

Vodel 1901 blahočinnijan arhimandritan Varnavan (Nakropinan) tahton mödhe oli avaitud škol, vodel 1902 se oli vajehtadud cerkovno-prihodskijaks školaks. Vodel 1903 sen holitajaks tegihe sur' kn'az' Konstantin Konstantinovič[9].

5. sulakud vodel 1902 pühäpertiš oli pažag[10].

Vodel 1905 monastiriš oli pühävalatadud puine pühäpert' pühän Iona klimeneckijan muštoks.

Vodel 1906 monastir' oli vajehtadud akoiden monastirikš. Ezmäižel mail'man voinal monastirin monahin'ad vediba ühthižradod Ühthiž-Venäman ühtištusenke da abutiba läžujile da ranitud soldatoile.

Voden 1913 sauvotusiden kirjutamižen lugetišes monastiriš oli 27 pertid — Zaharijan da Jelizavetan pühäkodi, kelloiden taho, Iona klimeneckijan pühäkodi, nel'l'čogaine časoun', čuhunduz-kelja aidan longibokan čogas, uz' kaks'žiruine velliden korpus kivipohjal, pen' kaks'žiruine velliden korpus, puine sömsija, pert'-kelja, karzin-kaum, jäžom[4].

Vodel 1920 monastir' oli saubatud da paganzoittud: sen pertid anttihe sijaližele sovhozale, möhemba invalidoiden pertin töpajile, pionerlagerile[11]. Invalidoiden pert' tegi monostirin kelloiden sijal silosan kaičendtahod[12].

Vodel 2015 oli tehtud Klimencan monastirin pühiden Zaharijan da Jelisavetan pühäpertin prihod.

Igumen Aleksandr (Marčenko) tegihe sen ižandaks, enččel aigal oli Kemin Blahoveščenjan mužikoiden monastirin namestnikan Venälaižen Pühäkodin uziden mokičijoiden da loičijoiden muštoks vozil 2000-2015 (vodelpäi 2011 igumenan). Semendkus vodel 2016 ezmäižed monahad pörzihe udessündutadud Klimencan monastirihe da zavodihe sauvond-kohenduzradoid. Miše tehta eländsijad monastiriš, Petroskoin da karjalan mitropolit Konstantin (Gor'anov) lahjoiči pertin, kus eli mitropolit Manuil (Pavlov) (ven.) (vep.[13].

3. sügüz'kud vodel 2017 mitropolit Konstantin pühävalati sauvdud kulul pohjal pühäpert' pühän Nikolai Čudotvorcan muštoks[14].

Monastirin üksjaine kaitud istoriline sauvotuz om oigedmeližiden Zaharijan da Jelisavetan XVIII voz'sadan pühäkodi, mitte vodeks 2019 oli avariinijas olendas. Jäl'ghe kohenduzradoid, miččed zavottihe vodel 2019, udessündutadud pühäpert' pühävalatadihe vodel 2024[15][16].

Ižandoiden lugetiž

igumenad:

  • Prohor (1520);
  • Iona (1520—1534);
  • Dionisii (läz 1540);
  • Kirill (1547);
  • Prohor (1565);
  • Misail (1568);
  • Tihon (1582—1583);
  • Filipp (läz 1590);
  • Iona (1591);
  • Varsonofii (1593—1596);
  • German (1599);
  • Kiprian (1600—1611);
  • Gennadii (1611—1612);
  • Akakii (1615);
  • Arsenii (1617—1628);
  • Gerasim (1628—1632);
  • Arkadii (1632—1638);
  • Varlaam I (1639—1642);
  • Ioasaf I (1643—1647);
  • Ignatii (1648);
  • Ilija I (Lopar'ov) (1649—1660);
  • Gedeon (1661—1664).

sauvojad:

  • Ioasaf II (1664—1675);
  • Ilija II (1676);
  • Feodosii (1677—1688);
  • Filipp (1682);
  • Sergii (1689);
  • Varlaam II (1690—1694);
  • Aleksandr (1695—1707);
  • Ilija III (1707—1725);
  • Kornilii (1727—1748);
  • Feodor (Козьмин), pühämez';
  • Pafnutii (1765);
  • Ioasaf III (1756—1762);
  • Pafnutii (1765—1769);
  • Adrian (1846—1854);
  • Vladimir (1854);
  • Iraklii (1854—1875), igumen vodelpäi 1865;
  • Samuil (voded 1890);
  • Ieronim (voded 1890);
  • Varnava (Nakropin), igumen (1899—1905);
  • Simeon (1905—1906);
  • Hristina (1907—1909);
  • Jevgenia (1909—1913);
  • Markelina (1913—1915);
  • Margarita (1916—1918)[17][18][19].

Homaičendad

  1. ↑ Климецкий монастырь (рус) // Олонецкие губернские ведомости. — 1887. — 19 elokud (№ 63). — С. 539.
  2. ↑ Покровитель путешествующим по здешним водам. Дата обращения: 13 elokud 2025.
  3. ↑ Климецкий монастырь (рус) // Олонецкие губернские ведомости. — 1847. — 10 sulakud (№ 15).
  4. ↑ 1 2 Дмитриева Т. П., Кочкуркина C. И.. Остров Большой Климецкий: историко-культурный очерк (рус) // Кижский Вестник : Электронная библиотека. — Петрозаводск, 2000. — № 5.
  5. ↑ Климецкий монастырь (рус) // Олонецкие губернские ведомости. — 1847. — 17 sulakud (№ 15).
  6. ↑ Возведение Климецкого монастыря на степень самостоятельной обители (рус) // Олонецкие губернские ведомости. — 1860. — 25 kezakud (№ 26).
  7. ↑ Пароход «Кивач» (рус) // Олонецкие губернские ведомости. — 1890. — 1 elokud (№ 58). — С. 502.
  8. ↑ Поездка в Клименицкий монастырь (рус) // Олонецкие губернские ведомости. — 1895. — 24 semendkud (№ 58). — С. 502.
  9. ↑ Кожевникова Ю. И.. Монастыри и монашество во второй половине XVIII — начале XX века (рус) // Издательство Спасо-Кижского подворья. — Петрозаводск, 2009. — С. 210—211.
  10. ↑ Кожевникова Ю. И.. Свято-Троицкий Клименецкий монастырь во второй половине XVIII — начале XX века (рус) // Кижский Вестник. — Петрозаводск, 2002. — № 7.
  11. ↑ Клименецкий монастырь (рус) // Олонецкая губерния. Страницы истории. — Петрозаводск, 2000. — С. 69—77.
  12. ↑ Подгорный П. А.. Живём мы хорошо (рус) // Красная Карелия. — 1936. — 3 kezakud.
  13. ↑ Идет активное возрождение монашеской жизни в древней Клименецкой обители. Информационный отдел Петрозаводской и Карельской епархии (8 heinkud 2016). Дата обращения: 13 elokud 2025.
  14. ↑ В неделю 13-ю по Пятидесятнице митрополит Константин освятил Никольский храм возрождающейся Клименецкой обители. Информационный отдел Петрозаводской и Карельской епархии (2017). Дата обращения: 13 elokud 2025.
  15. ↑ Каменный храм 1757 года постройки освятят в Карелии после восстановления. Интерфакс (10 kezakud 2024). Дата обращения: 13 elokud 2025.
  16. ↑ Завершилась реставрация самого древнего сохранившегося каменного храма Карелии. ИА "Республика" (17 sügüz'kud 2022). Дата обращения: 13 elokud 2025.}
  17. ↑ Барсов Е. В. Олонецкий монастырь Клименцы, с приписными к нему Пустынями, царскими и иераршими грамотами / Императорское Общество Истории и Древностей Российских при Московском Университете (рус) // Университет.тип.. — М., 1871. — С. 81-82.
  18. ↑ Барсов Е. В. Алфавитный указатель монастырей и пустынь, упраздненных и существующих в Олонецкой епархии, с их настоятелями // Памятная книжка Олонецкой губернии на 1867 год (рус). — 1867. — С. 3‑29.
  19. ↑ Строев П. М. Списки иерархов и настоятелей монастырей российской церкви (рус). — СПб., 1877. — С. 999.

Literatur

Lähtked

Om sadud "https://vep.ruwiki.ru/w/index.php?title=Klimencan_monastir%27&oldid=510514"