Karjalan front

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Venäman tedoakademii

Prezidentan kirjišton B.N. Jel'cinan nimel materialad

Library.png
Neciš kirjuteses om kävutoitud materialad Prezidentan B.N. Jel'cinan nimen kirjišton fondaspäi
К материалам
Karjalan front
Парад в честь 70-летия Великой Победы - 47.jpg
Voded 23. elokud 1941 — 15. kül'mkud 1944
Ma Флаг СССР SSSR
Mülüb SSRan azegvoinväged
Tip front
Lugu voinrad
Ühtnend Sur' Kodiman voin
Voinohjandajad
Tetabad voinohjandajad Valerian Frolov (1. sügüz'kud 1941 — 21. uhokud 1944);
Kirill Mereckov (22. uhokud — 15. kül'mkud 1944).
Логотип РУВИКИ.Медиа Mediafailad RUWIKI-tedoiš

Karjalan front (ven.: Каре́льский фронт) — om Rusttan armijan operativine da strategine ühthižkund Suren Kodiman voinan aigan. Se radoi voden 1941 elokuspäi voden 1944 kül'mkuhusai.

Vodel 1943 Suren Kodiman voinan kaikiden sovetskijoiden frontoiden keskes Karjalan front oli pitkemb, sen piduz' oli 1600 km.

Sädamine da voinvägen kund

Karjalan front oli sätud SSSRan Azegvoinvägiden Ülembaižen päohjanduzkundan käskön mödhe 23. elokud vodel 1941, sihe mülüiba Pohjoižen frontan erased voinväged, niiden keskes oliba ohjanduzkund, Sovetskijan Sojuzan 7. armii, Sovetskijan Sojuzan 14. da 23. armijad, miččed frontan tegemižen aigan polestihe frontan linijal Barencan merespäi Ladogan järvehesai. Frontan štaban olendsija oli Karjalaiž-Suomaližen SSRan Belomorskas[1].

Frontan operativižes ohjanduses oli Pohjoine laivišt (ven.) (vep.. Front tehtihe sen täht, miše vahvištoitta da polestada pohjoižen strategižen rivipolen man pohjoižes. Voden 1942 sügüz'kuks frontan voinvägenkundaha mülüiba Sovetskijan Sojuzan 19. armii, Sovetskijan Sojuzan 26. i 32. armijad, a voden lopuks ühtenzoitihe Sovetskijan Sojuzan 7. il'marmii. Uhokus vodel 1944 frontan voinvägen kundaha mülüi 7. armii, mitte heittihe sen kundaspäi sügüz'kus vodel 1941.

Ühtenzoitust tarkišteli eriline Aleksandr Nevskijan ordenan 80. sidojouk[2][3].

Tegendad da operacijad

Elokus — sügüz'kus vodel 1941 frontan voinväged azotadihe vihanikoid, kudambad tahtoiba anastada Zapol'arjed, miččele tegihe polestadas. Voden 1941 sügüz'kuspäi voden 1944 kezakuhusai frontan voinväged seižuiba polestuzlinijal: Zapadnaja Lica-jogi (60 km Murmanskaspäi), Kalevala (enzne Uhta, Karjala), Povenec, Änine, Süvär'-jogi. Erašti vedetihe eriližid operacijoid (Medvežjegorskan tacindoperacii).

Voden 1944 toižes poles (heinku — eloku) frontan voinväged Ladogan da Änižen voinflotilijoiden abul vediba Süvärin-Petroskoin operacijan, sügüz'kus — sabutiba vihanikoid Kandalakšan da Kesten'gan polil, redukus Pohjoižen laivišton abul — vediba Petsamo-Kirkenesan operacijan. Satuseks tuli se, miše Sovetskijan Sojuzan öbokas oli udessündutadud valdkundaline röun Suomenke da Norvegianke.

15. kül'mkud vodel 1944, konz Suomi läksi Toižes mail'man voinaspäi, front oli heittud. Frontan ohjanduzkundan päpala sulakus vodel 1945 oigetihe Edahaižehe Päivnouzmaha, kus sen pohjal oli tehtud 1. Edahanpäivnouzmaine front (ani augotišes se oli Primorskan voinjoukun ohjanduz).

Memorialine "Karjalan frontan saldatoile, partizanoile i podpol'ščikoile"- kompleks Petroskoiš

Ohjanduzkund

Voinpämehed:

Voinnevondišton ühtnikad:

Štaboiden pämehed:

Lehtez

Eloho läksi ven.: «В бой за Родину»-lehtez.

Toimitajad:

  • podpolkovnik Mihail Nosov;
  • podpolkovnik P'otr Korobov;
  • polkovnik Boris Pavlov.
Karjalan frontan jogapäiväine lehtez. Pätoimitai M. A. Nosov, 1943

Mušt

  • 140 voinmest saiba Sovetskijan Sojuzan Gerojan (ven.) (vep. arvnimen urohontegoiš Karjalan frontal[4].
  • Vägestusen paradal Karjalan frontal ühtenzoittud voinvägi astui ezmäižen. Siš aigaspäi tradicijan mödhe paradoil 9. semendkud Karjalan frontan voinznam kanttas ezmäižen toižiden frontoiden znamoiden keskes.
  • 8. semendkud vodel 2015 Petroskoiš oli praznikaline Voin-memorialižen Karjalan frontan kompleksan avaiduz, se kaičeb muštod kaikiš Karjalan frontan saldatoiš, kudambad ühtniba Karjalan polestusehe da sen pästandaha vihanikoišpäi, a mugažo Sovetskijan Sojuzan Gerojiden 134 nimed da kaikiden stepeniden Rohktuden ordenan 15 kavalerad saiba necen arvnimen rohktoiš tegoiš ühtnedes Karjalan frontan toroihe[5].
  • Vodel 2020 Belomorskas avaižihe Karjalan frontan muzei. Muzejan päekspozicijas om 10 zalad, miččiš oma muzejan kalud, voinaigan artefaktad, dioramad, panoramad da install'acijad. Kaikutte zaloišpäi om omištadud miččele-se temale: toroile frontan erazvuiččil polil, tiloile, konclagerile okkupiruitud sijoil[6].
Karjalan frontan istorijan muzei Belomorskas

Homaičendad

  1. ↑ Здание штаба в Беломорске. Дата обращения: 26 vilukud 2026.
  2. ↑ Указ Президиума Верховного Совета СССР от 31 октября 1944 года — за образцовое выполнение заданий командования в боях с немецкими захватчиками, за овладение городом Петсамо (Печенга) и проявленные при этом доблесть и мужество.Сборник приказов РВСР, РВС СССР, НКО и Указов Президиума Верховного Совета СССР 1966 о награждении орденами СССР частей, соединений и учреждений ВС СССР. Часть II. — 19—21 с.
  3. ↑ Феськов В. И., Калашников К. А., Голиков В. И. Красная Армия в победах и поражениях 1941—1945 гг. — Томск: Издательство Томского университета, 2003.
  4. ↑ А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2011. — С. 324—384. — ISBN 978-5-8430-0127-8.
  5. ↑ В Карелии открылся Военно-мемориальный комплекс Карельского фронта «Аллея Памяти и Славы». Дата обращения: 26 vilukud 2026.
  6. ↑ 100-летие Республики Карелия. В Беломорске открылся Музей Карельского фронта. Дата обращения: 26 vilukud 2026.

Literatur

  • Гнетнев К. В. Карельский фронт: тайны лесной войны. — Петрозаводск: Острова, 2011. — 415 с.
  • Горбачев А. Н. Военные газеты периода 1900—2018 гг. из фондов Российской Государственной библиотеки и архивов РФ: Краткий справочник. — М.: Infogans, 2019.
  • Отв. ред. А. И. Бабин. Карельский фронт в Великой Отечественной войне 1941—1945 гг.: Военно-исторический очерк. — М., 1984. — 359 с.
  • Колосенок С. В., Сулимин С. Север сражается. Рассказы и очерки о Карел. фронте. — Беломорск: Госиздат КФССР, 1943. — 88 с.
  • Куприянов Г. Н. За линией Карельского фронта. — Петрозаводск: Карелия, 1975. — 232 с.
  • Куприянов Г. Н. От Баренцева моря до Ладоги. — Л.: Лениздат, 1972. — 376 с.
  • На Карельском фронте:] сборник рассказов и стихов бойцов и офицеров Карельского фронта. — Петрозаводск: Государственное издательство Карело-Финской ССР, 1945. — 91 с.
  • Науч. ред. В. Г. Макуров. По обе стороны Карельского фронта. — Петрозаводск, 1995. — 636 с.
  • Слава тебе, Карельский фронт!: Воспоминания ветеранов. — Петрозаводск, 2004. — 365 с.
  • Чубук И. Гвардейцы Карельского фронта. — Петрозаводск: Государственное издательство Карело-Финской ССР, 1944. — 38 с.
  • Эрфурт В. Финская война 1941—1944 гг. — М.: ОЛМА-ПРЕСС; Звёздный мир, 2005. — 320 с. — ISBN 5-94850-438-7.

Lähtked

Om sadud "https://vep.ruwiki.ru/w/index.php?title=Karjalan_front&oldid=528301"