Naip'jido

Naip'jido
mjanm.: နေပြည်တော်
Fail:Uppatasanti Pagoda-02.jpg
19°44′51″ с. ш. 96°06′54″ в. д.
Valdkund	Mjanmar
Глава	Myo Aung[d]
Istorii da geografii
Tegemižen päiv	2005
Pind	7054,37
Высота	115 ± 1
Aigvö	UTC+06:30[d]
Eläjad
Eläjad	1 160 242 чел. (2014)
Lugud
Telefonan kod	067
Mediafailad RUWIKI-tedoiš

Naip'jido (mjanm.: နေပြည်တော် [nèpjìdɔ̀] «kunigahan sijaduz») om Mjanmaran pälidn. Se om valdkundan koumanz' lidn eläjiden lugun mödhe, Mjanmaran region — Naip'jidon nevondterritorii.

Istorii

Ende vaiše Pjinman-lidn (angl.: Pyinmana, 100 tuh. eläjid vl 2006) sijazihe 17 kilometras uden pälidnan keskusespäi. Valdkundan uz' pälidn om saudud vll 2002−2012. Sirtihe pälidnad Jangonaspäi vn 2005 kül'mkus, 6.-11. päivil.

Geografijan andmused

Lidn sijadase 115 m ü.m.t. keskmäižel korktusel. Matkad enččehe Jangon-pälidnhasai om 320 km suvhe.

Klimat om tropine räk kaks'sezonine. Kun keskmäine lämuz om +28..+32 C° keväz'kus-redukus, +23..+25 C° tal'vkus-uhokus. Paneb sadegid 1151 mm vodes, enamba semendkus-redukus (131..229 mm kus), kuiv sezon oleskeleb tal'vkus-keväz'kus (23 mm pordos).

Eläjad

Vl 2009 lidnan-territorijan eläjiden lugu oli 924 608 ristitud. Kaikiš suremb ristitišt om nügüd'.

Koume universitetad ratas severz'-se kilometrad pohjoižpäivnouzmha lidnaspäi Jezin-žilos: maižandusen, mecižandusen, veterinarijan. Kaks' tedoinstitutad ratas siš-žo. Ičeze lidnas — üläopendusen aluzkundoiden koume nomeruidud školad, Suvipäivnouzmaižen Azijan bioerazvuiččendan tedoinstitut.

Transport

Avtobusad i taksid oma kundaližeks transportaks lidnas da sen ümbrištos. Raudte ühtenzoitab Jangon- i Mandalai-lidnoidenke.

Rahvahaidenkeskeine civiline Naip'jido-lendimport (NYT / VYNT, mjanm.: နေပြည်တော် အပြည်ပြည်ဆိုင်ရာ လေဆိပ် Naipjido aapjipjisinerarlajsiut) radab 16 km suvipäivnouzmha vspäi 2011. Tehtas reisid valdkundadme, Bankokha i Kitain erasihe-se lidnoihe (Pekin, Nankin, Sian', Šen'čžen', Kun'min).

Irdkosketused

• Naipjido-nevondterritorijan šingotesen komitetan sait (nptdc.gov.mm). (mjanm.)  (angl.)