Siluanov Anton Germanovič

Рувики-späi
В Рувики есть статьи о других людях с фамилией Siluanov.
Anton Germanovič Siluanov
Anton Siluanov (2019-09-25).jpg
Флаг
Venäman rahavaroiden ministr
Флаг
 16. tal'vkud 2011
Valdmehišton pämez' Vladimir Putin
Viktor Zubkov (ven.) (vep. (a. p.)
Dmitrii Medvedev
Mihail Mišustin
Andrei Belousov(a. p.)
Mihail Mišustin
Ken oli ende Aleksei Kudrin (ven.) (vep.
a. p. 27. sügüz'kud — 16. tal'vkud 2011, 7.—21. semendkud 2012, 8.—18. semendkud 2018, 15.—21. vilukud 2020, 7.—13. semendkud 2024
Флаг
Venäman valdmehišton ezmäine aigsijaline pämez' — Venäman rahavaroiden ministr
Флаг
18. semendkud 2018 — 15 vilukud 2020
Valdmehišton pämez' Dmitrii Medvedev
Mihail Mišustin
Prezident Vladimir Putin
Ken oli ende om pandud radsijale,
Igor' Šuvalov (ven.) (vep. kut Venäman valdmehišton ezmäine aigsijaline pämez'
Ken tuli jäl'ghe om heittud radsijalpäi,
Andrei Belousov kut Venäman valdmehišton ezmäine aigsijaline pämez'
a. p. 15.—21. vilukud 2020
Sündundpäiv 12. sulakud 1963(1963-04-12) (63 года)
Tat Q61875753?
Partii Jedinaja Rossia
Openduz Moskvan rahoitusen institut
Tedostepen' ekonomikan tedodoktor (2012)
Professii finansist
Rad rahoituz[d] da Politik
Pauklahjad
Armii
Voinnimi Действительный государственный советник РФ 1 класса (Минобороны)г.png
Venäman nügüdläine valdkundaline 1. klassan nevonik
Radsija
Логотип РУВИКИ.Медиа Mediafailad RUWIKI-tedoiš

Anton Germanovič Siluanov (ven.: Анто́н Ге́рманович Силуа́нов, om sündunu 12. sulakud 1963, Moskva) — venälaine politikmez', ekonomist. Venäman rahavaroiden ministr vodelpäi 2011, Venäman varumatomuden nevondišton ühtnik (vodelpäi 2011). Venäman valdmehišton aigsijaline pämez', Venäman rahavaroiden ministr (ven.) (vep. vozil 2018 — 2020. Venäman nügüdläine valdkundaline 1. klassan nevonik (2008). Ekonomikan tedodoktor (2012).

Elostarin

Dmitrii Medvedev, Siluanov, Sergei Storčak, Arkadii Dvorkovič edel radištundad, 3. kül'mkud vodel 2011

Anton Siluanov om sündnu 12. sulakud vodel 1963 Moskvas, tedomahtoižiden finansistoiden German Mihailovič da Janina Nikolajevna Siluanovoiden kanzas.

Vodel 1985 Siluanov lopi Moskvan rahoitusen institutan, "rahavarad da pidenzoittud velg"-openduzerišton.

Voden 1985 elokuspäi voden 1987 keväz'kuhusai — ekonomist "Giproribas", RSFSRan rahavaroiden ministerstvan vanhemb ekonomist.

Voden 1987 keväz'kuspäi voden 1989 semendkuhusai oli voinslužbal Sovetskijas armijas.

Voden 1989 semendkuspäi voden 1992 vilukuhusai — päekonomist, 1. kategorijan ekonomist, päekonomist, alaerišton aigsijaline pämez', RSFSRan rahavaroiden ministerstvan konsult.

Uhokus vodel 1992 — Venäman ekonomikan da rahavaroiden ministerstvan erišton aigsijaline pämez'.

Voden 1992 uhokuspäi voden 1997 redukuhusai Siluanov — rahavaroiden ohjandusen erišton aigsijaline pämez', rahoituzerišton aigsijaline ohjandai — erišton pämez', Venäman rahavaroiden ministerstvan rahoituzerišton aigsijaline pämez', kuna hän tuli radole tatan abul[1].

Vodel 1994 Siluanov polesti dissertacijan, miše tehtas ekonomikan tedokandidataks, dissertacijan temaks valiči "Valdkundan b'udžetpolitik möndkosketusiden kehitoitandan oloiš: Venäman ozutesel"[2].

Voden 1997 redukuspäi voden 2003 heinkuhusai — mikroekonomižen politikan erišton da Venäman rahavaroiden ministerstvan bankradon pämez'.

Voden 2001 keväz'kun 22. päiväspäi — Venäman rahavaroiden ministerstvan komissijan ühtnik.

Voden 2003 heinkuspäi voden 2004 semendkuhusai — Venäman rahavaroiden aigsijaline ministr.

Voden 2004 semendkuspäi voden 2005 tal'vkun 12. päivähasai — Venäman rahavaroiden ministerstvan rahakosketusiden erišton pämez'.

Voden 2005 tal'vkun 12. päiväspäi — Venäman rahavaroiden aigsijaline ministr.

Voden 2011 sügüz'kun 27. päiväspäi — Venäman rahavaroiden aigsijaline ministr.

Voden 2011 tal'vkun 16. päiväspäi Siluanov om Venäman rahavaroiden ministr[3] i Venäman varumatomuden nevondišton ühtnik (ven.) (vep.[4].

Vodel 2012 Siluanov polesti dissertacijan i tegihe ekonomikan tedodoktoraks, temaks valiči "Rahakosketused federalizman kehitoitusen oloiš Venämal". Oficialižed vastustajad — ekonomikan tedodoktor, professor Abel Aganbeg'an (ven.) (vep., ekonomikan tedodoktor Sergei Sinel'nikov-Muril'ov (ven.) (vep. i ekonomikan tedodoktor, professor L'udmila Likova. Päorganizacii — Korged ekonomikan škol (ven.) (vep.[5].

Voden 2013 vilukuspäi — Rahoitusen universitetan, mitte om Venäman valdmehišton ohjandusel, raha-ekonomižen tedokundan dekan.

Vilukus vodel 2015 Venäman valdmehišt pani Siluanovad "Sberbankan (ven.) (vep." tarkištelendnevondišton ühtnikan radsijale[6].

Uhokus vodel 2016 hän läksi "Jedinaja Rossia"-partijan korktas nevondištospäi (oli sen ühtnikan vodelpäi 2012).

Sulakus vodel 2017 Siluanov tegihe VTB-bankan tarkištelendnevondišton pämeheks[7].

18. semendkud vodel 2018 Venäman prezidentan Vladimir Putinan käskön mödhe Siluanov tegihe Venäman valdmehišton ezmäižeks aigsijaližeks pämeheks — Venäman rahavaroiden ministraks[8].

Konz Dmitrii Medvedevan toine valdmehišt jäti radsijan vilukus vodel 2020 Siluanov jäti ezmäižen aigsijaližen pämehen radsijan[9], no jatkui rata rahavaroiden ministran.

14. semendkud vodel 2024 Siluanov tegihe Venäman rahavaroiden ministraks[10], necil-žo päiväl Venäman Preziden allekirjuti käskön hänen panendas[11].

15. semendkud vodel 2025 Venäman Prezidentan käskön mödhe Siluanov om pandud Venäman tedoakademijan (ven.) (vep. holenpidändan nevondištoho[12].  

Kaikile avaitud mel'kacundad

Vodel 2018 Siluanov oli ühten üks'hengišpäi, ken tahtoi pästta radho zakonan pensiimehiden igän surendandas Venämal. Nece pätuz ei tulend mel'he äjile ristituile, hö meletiba, miše tahtoitas pästta zakon eloho peitos Mail'man čempionatan sün taguiči. Siluanov sanui, miše reforman zavodind i Mail'man čempionat jaugmäčun mödhe oma ühtel aigal ani muite, miše pensiireforaman polhe levedas diskutiruidas, a möhemba zavodihe rahvahan vastustused reformad vaste[13].

Oldes Venäman rahavaroiden ministran, Siluanov om päarvostelii i hän azoteleb projektan Moskva-Kazan'-pigaraudten tegendan mödhe[14][15].

Sulakus vodel 2019 Siluanov tariči panda školprogrammaha kursan ičeze biznesan tegendan mödhe[16].

Vodel 2019 Siluanov pučihe VTB-bankan pämehen Andrei Kostinan taričendaspäi alenzoitta nalogoid venälaižiden täht, kel oma pen' rahatulo, a mugažo penen da keskbiznesan täht[17].

Vodel 2020 Siluanov nimiti radon nalogmaksuid Venämal korktoikš. Zakonan mödhe radonandajale Venämal pidab maksta radnikas kaičuzmaksoid, nece om 30 % paukaspäi, 22 % mäneb Venäman pensiifondaha (ven.) (vep., 5,1 % — tervhuz'kaičuzmaksuihe, 2,9 % — socialižehe kaičuzmaksuihe. Völ 13 % ristitun rahatulon nalogad heittas radnikan paukaspäi. Mugoižiden suriden nalogoiden taguiči Venämal peittud pauk rados om vaiše ekonomikan rahatulon 13 %. Nalogoiden stavk radole Venämal om kaikid korktemb mail'mas, se om 36,6 % kommercižišpäi radišton ližarahoišpäi. Rindatuzoppindad ozutiba, miše Kazahstanas nalogoiden stavk radole om vaiše 10,1 %, Amerikas — 9,8 %, Kanadas — 12,7 %, Germanias — 21,5 %, Velikobritanias — 12 %. Venäman valdmehišt ei hökkähta alenzoitta nalogoid, sikš ku om varu mureta Venäman b'udžetad i tulijas aigas voib tehtas rahoiden mairiž Venäman pensiifondas, sel'genzoiti rahavaroiden ministr Siluanov[18].

Kanz

Tat — German Mihailovič Siluanov (om sündnu 25.02.1937), vodel 1961 lopi Venäman ekonomikan universitetan G. V. Plehanovan nimel, "Rahavarad"-tedikundan, openduzvozil oli tedokundan komsomol'skijan organizacijan aigsijaližen sekretarin. German oli ühten koumespäi pästnikaspäi, kudambid institutan lopindan jäl'ghe jättihe Moskvaha, oigetihe radmaha Sovetskijan Sojuzan valdkundan varumatomuden komitetha. Sigä hän radoi vähäižen, i tedokundan dekanan Raisa Gužkovan abul putui radole Sovetskijan Sojuzan rahavaroiden ministerstvaha, kus radoi hänen mužikan Ivan Gužkovan ohjandusel. Oli komsomil'skijan aktivistan, oli seinlehtesen toimišton ühtnikan Rahavaroiden ministerstvas. Vodeks 1991 tegihe RSFSRan rahavaroiden ministerstvan erišton pämeheks[1], vodel 1996 oli Venäman rahavaroiden ministerstvan velgan da rahan pörundan erišton aigsijaližen pämehen, vodel 1996 läksi pensijale. Teravas nece erišt sauptihe i avaitihe uz' mikroekonomikan da bankoiden erišt, mittušt ohjaškanzi Anton Siluanov.

Mam — Janina Nikolajevna Siluanova (om sündnu 20. vilukud 1936), radoi "Rahavarad da statistik"-painištos, jäl'ges oli Venäman rahavaroiden ministerstvan Valdkundaližen universitetan toimišterišton radnikan. Anton Siluanoval om vel'l' Vsevolod (om sündnu 18. uhokud 1976), hän mugažo radab Venäman rahavaroiden ministerstvas[19][20].

Om nainu, no vodel 2016 tedod hänen akas kadoiba rahatulon deklaracijaspäi[21].

Poig Gleb (om sündnu vodel 1999), üläopenik Rahoitusen universitetas Venäman valdmehišton ohjandusel, noriden politikmehiden školan pästnik, baiker[19][20][22]. Poig Aleksei. Vodelpäi 2023 — "Aeroflot"-aviakompanijan regionaližen kehitoitusen erišton pämez'[23].

Melentartused

Anton Siluanov navedib ajada motocikloil, hänele om mel'he vedenaluine mectuz, keradab gramplastinkoid. Pagižeb germanian kelel[20].

Pauklahjad

  • III stepenin orden "Arvtegoiš Kodiman edes" (15. sulakud vodel 2013) — sures panendas valdkundan rahavaroiden politikan tegemižehe i äivoččes hüväs rados[24].
  • IV stepenin orden "Arvtegoiš Kodiman edes" (2. uhokud vodel 2011) — sabustadud radsatusiš i äivoččes hüväs rados'.
  • I stepenin ordenan medal' "Arvtegoiš Kodiman edes" (13. sügüz'kud vodel 2007) — arvtegoiš ekonomikas i rahoitusen rados[25].
  • Venäman Prezidentan arvokaz kirjeine (18. kül'mkud vodel 2010) — verazmaižiden pasportoiden andmižes, miččiš kaičese elektrotedod[26].
  • Venäman Prezidentan kitändkirjeine (1. sügüz'kud vodel 2012) — arvtegoiš ekonomikas i äivoččes hüväs rado[27].
  • Venäman Prezidentan kitändkirjeine (6. sügüz'kud vodel 2002) — arvtegoiš ekonomikas i rahoitusen rados.
  • Venäman rahavaroiden ministerstvan arvokaz kitändkirjeine (2001).
  • Venäman rahavaroiden ministran kitänkirjeine (2002).
  • Orden "Pohjoižtähtaz" (Jakutia).
  • Orden "Duslik" (Тatarstan, 2015)[28].
  • Medal' "Arvtegoiš Čečn'an Valdkundan edes" (24. kül'mkud 2008) — sures panendas Čečn'an Valdkundan rahavaroiden politikan tegemižehe[29].
  • Medal' "Arvtegoiš Karjalan Valdkundan edes" (8. kezakud 2020) — arvtegoiš Karjalan Valdkundan i sen eläjiden edes, sures panendas socialiž-ekonomikan valdkundan kehitoitusehe i aktivižes rados komissijas Karjalan Valdkundan 100-voččen jubilejan praznuičendan mödhe[30].

Painused

  • Межбюджетные отношения в условиях развития федерализма в России. — М.: Дело, 2011. — 295 с. : ил., табл.; ISBN 978-5-7749-0660-4

Homaičendad

  1. ↑ 1 2 Постановление Совета Министров РСФСР от 08.11.1991 № 594. Дата обращения: 23 sügüz'kud 2025.
  2. ↑ Силуанов, Алексей Германович. Бюджетная политика государства в условиях перехода крыночным отношениям: На примере Российской Федерации: диссертация … кандидата экономических наук : 08.00.10. — Москва, 1994. — 139 с.
  3. ↑ Медведев назначил Антона Силуанова министром финансов / РИА Новости. Дата обращения: 23 sügüz'kud 2025.
  4. ↑ Указ Президента Российской Федерации от 16 декабря 2011 года № 1630. Дата обращения: 23 sügüz'kud 2025.
  5. ↑ Силуанов, Антон Германович. Межбюджетные отношения в условиях развития федерализма в России: автореферат дис. … доктора экономических наук: 08.00.10 / Силуанов Антон Германович; [Место защиты: Рос. акад. нар. хоз-ва и гос. службы при Президенте РФ]. — Москва, 2012. — 42 с.
  6. ↑ «Ведомости»: Силуанов и Улюкаев войдут в набсоветы Сбербанка и ВТБ. Дата обращения: 25 kezakud 2025.
  7. ↑ Ведомости. Медведев утвердил директиву об избрании Силуанова председателем наблюдательного совета ВТБ (6 sulakud 2017). Дата обращения: 23 sügüz'kud 2025.
  8. ↑ Kremlin.ru. Рабочая встреча с Председателем Правительства Дмитрием Медведевым(ven.). Дата обращения: 23 sügüz'kud 2025.
  9. ↑ Правительство РФ подало в отставку. Дата обращения: 23 sügüz'kud 2025.
  10. ↑ Госдума утвердила Силуанова на должность главы Минфина. РИА "Новости" (14 semendkud 2024). Дата обращения: 25 kezakud 2025.
  11. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 23 sügüz'kud 2025.
  12. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Дата обращения: 23 sügüz'kud 2025.
  13. ↑ Коммерсантъ, 30 июля 2018. Протесты ушли на пенсию. Москва отозвалась на непопулярную реформу двумя митингами
  14. ↑ Силуанов скептически относится к проекту высокоскоростной магистрали Москва - Казань. ТАСС (5). Дата обращения: 23 sügüz'kud 2025.
  15. ↑ Коммерсантъ, 28 января 2019. Минфин тормозит высокоскоростные магистрали. Дата обращения: 23 sügüz'kud 2025.
  16. ↑ Силуанов предложил ввести в школах курс по пропаганде создания бизнеса. РИА Новости. Дата обращения: 23 sügüz'kud 2025.
  17. ↑ Матиас Брюггманн. Ведущий банкир России Андрей Костин: «Все боятся санкций». Handelsblatt. Дата обращения: 23 sügüz'kud 2025.
  18. ↑ Силуанов назвал «запредельной» налоговую нагрузку на труд. Когда будет возможно снижение страховых взносов и за чей счёт. Росбизнесконсалтинг. Дата обращения: 23 sügüz'kud 2025.
  19. ↑ 1 2 Силуанов, Антон Германович. Министр финансов РФ. ТАСС. Дата обращения: 23 sügüz'kud 2025.
  20. ↑ 1 2 3 Силуанов, Антон. Министр финансов РФ. Lenta.ru. Дата обращения: 23 sügüz'kud 2025.
  21. ↑ Из декларации Силуанова исчезла информация о супруге. РБК (15 sulakud 2016). Дата обращения: 23 sügüz'kud 2025.
  22. ↑ 18-летний сын министра финансов Силуанова попал в ДТП на мотоцикле. КП. Дата обращения: 23 sügüz'kud 2025.
  23. ↑ Песков прокомментировал назначение сына Силуанова в департамент «Аэрофлота»
  24. ↑ Указ Президента Российской Федерации от 15 апреля 2013 года № 359 «О награждении орденом „За заслуги перед Отечеством“ III степени Силуанова А. Г.» (недоступная ссылка — история). Дата обращения: 23 sügüz'kud 2025.
  25. ↑ Указ Президента Российской Федерации от 13 апреля 2007 года № 476 «О награждении медалью ордена „За заслуги перед Отечеством“ I степени Силуанова А. Г.» (недоступная ссылка — история). Дата обращения: 23 sügüz'kud 2025.
  26. ↑ Распоряжение Президента Российской Федерации от 18 ноября 2010 года № 784-рп «О награждении Почетной грамотой Президента Российской Федерации». Дата обращения: 23 sügüz'kud 2025.
  27. ↑ Распоряжение Президента Российской Федерации от 1 сентября 2012 года № 401-рп «О поощрении работников Министерства финансов Российской Федерации». Дата обращения: 23 sügüz'kud 2025.
  28. ↑ Антон Силуанов награждён орденом «Дуслык». Дата обращения: 23 sügüz'kud 2025.
  29. ↑ Указ Главы Чеченской Республики от 24.11.2008 № 379
  30. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»

Lähtked

Om sadud "https://vep.ruwiki.ru/w/index.php?title=Siluanov_Anton_Germanovič&oldid=528361"