Civil'ov Sergei Jevgenjevič

Рувики-späi
В Рувики есть статьи о других людях с фамилией Civil'ov.
Sergei Jevgenjevič Civil'ov
Sergey Tsivilyov (2019-08-22).jpg
Флаг
Venäman energetikan ministr
Флаг
 14. semendkud vodel 2024
Valdmehišton pämez' Mihail Mišustin
Ken oli ende Nikolai Šul'ginov
Флаг
Kemerovon agjan — Kuzbassan pämez'
Флаг
17. sügüz'kud vodel 2018 — 14. semendkud vodel 2024
(aigsijaline pämez' 1. sulakud — 17. sügüz'kud vodel 2018)
Prezident Vladimir Putin
Ken oli ende Aman Tulejev
Ken tuli jäl'ghe Ilja Sered'uk (aigsijaline pämez')
Флаг
Kemerovon agjan aigsijaline pämez'
Флаг
2. keväz'kud — 1. sulakud vodel 2018
Gubernator Aman Tulejev
Sündundpäiv 21. sügüz'kud 1961(1961-09-21) (64 года)
Tat Jevgenii Sem'onovič Civil'ov
Mam Dina Vasiljevna Civil'ova
Ak Civil'ova Anna Jevgenjevna (ven.) (vep. (1972)
Lapsed velled Anton i Nikita
Partii KPSS (vodehesai 1991)
Ühthine Venäma
Openduz 1. Mustanmeren korged voinmeren radmahttehnikum P. S. Nahimovan nimel
2. Piterin valdkundaline ekonomikan universitet
Professii voinmez', ekonomist
Rad valdmez', politik
Pauklahjad

Venäman subjektoiden pauklahjad:

Sait minenergo.gov.ru/ministr…
Armii
Služban voded 1978—1994
Omištuz Sovetskii SojuzSovetskii Sojuz SSSR →
VenämaVenäma Venäma
Voiskiden rod Sovetskijan Sojuzan voinmeren laivišt→
Venäman voinmeren laivišt
Voinnimi 3. rangan kapitan
Логотип РУВИКИ.Медиа Mediafailad RUWIKI-tedoiš

Sergei Jevgenjevič Civil'ov (ven.: Серге́й Евге́ньевич Цивилёв, om sündunu 21. sügüz'kud 1961, Mariupol', Doneckan agj[d]) — venälaine valdmez', Venäman energetikan ministr voden 2024 semendkun 14. päiväspäi[1].

Ende — Kemerovon agjan pämez' voden 2018 sügüz'kun 17. päiväspäi (Kemerovon agjan aigsijaline pämez' 1. — 17. sügüz'kud vodel 2018)[2]. Korktan nevondišton politižen "Ühthižen Venäman"-partijan ühtnik[3].

Elostarin

Sergei Civil'ov om sündnu 21. sügüz'kud vodel 1961 Ždanovas Stalinan agjas. Sergejan sündundan jäl'ghe kanz tuli elole Arhangel'skan agjan Kotlasaha, kümnes vodes päliči vodel 1971 tuli elole  Har'kovan agjan Čugujev-lidnaha. Tat, Jevgenii Sem'onovič, radoi aigsijaližen pämehen kaludištfabrikas. Mam, Dina Vasiljevna, radoi pämehen laukas siš-žo lidnas[4].

Openduz

Vodel 1983 Civil'ov lopi Mustanmeren korktan voinmeren radmahttehnikuman P. S. Nahimovan nimel Sevastopoliš, "Laivoiden azegišt"-erišton, openzihe oficeraks korktan voinopendusenke, sai inžener-elektromehanikan kvalifikacijan. Jäl'ges oli službal Venäman Pohjoižel laivištol.

Vodel 1999 lopi Piterin valdkundaližen ekonomikan universitetan, "Rahad da velg"-erišton, sai ekonomistan kvalifikacijan.

Rad

Vodehesai 1994 Civil'ov oli voinslužbal Venäman voinvägiš Pohjoižel laivištol (ven.) (vep., hänel om voinnimi — 3. rangan kapitan.

Vozil 1995—1996 hän om "Aeroflot"-bankan Piterin filialan varjoičendsisteman pämez'.

Vozil 1997—2012 ohjanzi "Nortek"-juridišt organizacijad Piteriš.

Vodel 2007 tegihe "Lenekspoinvest"-organizacijan partn'oraks. Sille pidi leta uz' "Lenekspo"-kompleks, kus joga voden tehtas Piterin rahvahidenkeskeine ekonomikan forum. Toižen partn'oran oli Viktor Hmarin — Vladimir Putinan ühtesklassnik, kudamb ühtes hänenke kävui vointaidehen sebraha. Nenil vozil Hmarinan organizacii oli ühten surembišpäi kaludišton tojišpäi "Gazproman" täht. Völ ühteks "Lenekspoinvestan" partn'oraks tegihe Lengorispolkoman enzne pämez' Hodirev Vladimir Jakovlevič.

Vodelpäi 2010 Civil'ov tegi rahansijadusid kivensaskilmižes alovehes.

Vozil 2012—2013 — "Kolmaran" pämehiden nevondišton aigsijaline pämez'. Keväz'kun 2. päivähasai vodel 2018 Sergei i Anna Civil'ovad ohjanziškanziba šveicarialašt "Kolmar Sales and Logistics"-organizacijad[5].

Vodelpäi 2014 — "Kolmar (ven.) (vep."-organizacijan pämez' i sen 70 % akcijoiden omištai (30 % akcijoiden omištai om biznesmez' Timčenko Gennadii Nikolajevič[6]). ООО "Kolmar" — hilensaskelmižiden radištoiden, möndan da vedändan organizacijoiden kompleks. Ühtes ned saba, kormdaba korgedladušt hil't, mittušt sadas Ner'ungin agjan Sahan Valdkundan sündundtahoiš.

Voden 2018 keväz'kun 2. päiväspäi  — Kemerovon agjan aigsijaline pämez' tegeližuden, ajamiden da tavaroiden möndan mödhe[7].

25. keväz'kud vodel 2018 Kemerovos oli lämoipalo "Tal'vvišn'"-möndkeskuses (ven.) (vep.. Požaran taguiči koli 60 mest. 27. keväz'kud vodel 2018 Kemerovon eläjad tuliba mitingale, kus pakičiba heitta Kemerovon agjan pämest Aman Tulejevad i lidnan administracijad radsijalpäi, mugažo hö pakičiba sel'genzoitta azjad sudan abul i ustavzoitta kaikid värnikoid. Tulejev mitingale ei tulend, no sille tuli vice-gubernator Sergei Civil'ov[8][9]. Möhemba Civil'ov pidädes sanad, pakiči kolnuziden heimolaižil prostindad seižutades kombuile[10].

14. semendkud vodel 2024 Parlament vahvištoiti Sergei Civil'ovad Venäman energetikan ministran radsijale[11], necil-žo päiväl Venäman prezident allekirjuti käskön hänen panendas[12].

Kemerovon agjan pämez'

Radvastuz Venäman prezidentanke Vladimir Putinanke.
Moskv, Kreml', 5. sulakud vodel 2018

Jäl'ges Aman Tulejevan heitändad radsijalpäi 1. sulakud vodel 2018 Venäman prezident pani Civil'ovad Kemerovan agjan aigsijaližeks pämeheks [13][14].

Om taritud Kemerovon agjan pämehen kandidataks 16. heinkud vodel 2018.

Änestamižen päivän 9. sügüz'kud vodel 2018 Civil'ov oli valitud Kemerovon agjan pämeheks videks vodeks. Zavodi rata 17. sügüz'kud[15].

8. tal'vkud vodel 2018 pätusen pohjal, miččen tegiba XVIII suiman politižen "Ühthižen Venäman"-partijan delegatad, hän mülüškanzi Partijan Korktaha nevondištoho[3].

Voden 2019 lopus Kemerovon agjan administracijan ohjandaikundaspäi tehtihe Kemerovon agjan valdmehišton. Gubernator tegihe valdmehišton pämeheks.

Voden 2020 tal'vkun 21. päiväspäi  — Venäman valdkundan nevondišton prezidiuman ühtnik[16].

Vodelpäi 2021 Kemerovon agjan, Kuzbassan, valdmehištod ohjandab gubernatoran ezmäine aigsijaline pämez'.

1. redukud vodel 2021 vastusel prezidentanke Vladimir Putinanke Civil'ov tariči sureta Kemerovon (nügüd' 540 tuh. eläjid) da Novokuzneckan (nügüd' 580 tuh. eläjid) rahvahan lugumärad millionahasai kaikuččes lidnas. Necen täht pidab mureta üksnäižpertid i leta uzid. Sidä kesken Civil'ov homaiči, miše planuitas mugavoitta lidnad, tehta eläjiden elonoloid parembikš[17].

Keväz'kus vodel 2023 prezident Putin hüväksi Civil'ovan planan Kuzbassan socialiž-ekonomižes kehitoituses, a mugažo neniden kanzoiden tuges, kenen kanznikad ühtneba Voinoperacijaha Ukrainal vodespäi 2022, i Sibirin turizman kehitoituses ottes homaičusehe mägensuks'ted Taštagolas. Putin homiči, miše Kuzbassas om problemoid hilen vedändandke Tihijan valdmeren valdmoidennoks läz 6500 kilometrad matkas. Sikš ku hilen mär kazvab, pidab paremboitta vedändad Baikal-Amuran da Transsibirin raudteiden kal't. Pagištihe siš-ki, miše pidab tehta lophusai Kuzbassan kul'turkompleksan i sureta kadetkodin. Prezident hüväksi Civil'ovan tahtod panda ičeze kandidaturad gubernatoraks änestamižehe toižen kerdan[18].

10. sügüz'kud vodel 2023 valituzpäivän Civil'ov möst tegihe gubernatoraks, sades 85,24 % änid[19].

Märičendad

21. heinkud vodel 2022 Civil'ovad pandihe Jevropan ühtištusen märičezlugetišehe vointegoiden taguiči Ukrainal. 29. kezakud vodel 2022 — putui Velikobritanijan märičezlugetišehe[20]. 24. uhokud vodel 2023 Civil'ov om pandud Amerikan märičezlugetišehe vointegoiden taguiči Ukrainal[21]. Mugažo om Novaja Zelandijan, Ukrainan i Šveicarijan märičezlugetišes.

24. uhokud vodel 2025 putui Kanadan märičezlugetišehe[22].

Kanz

Vel'l' — Valerii Civil'ov, "Kolmar gruppan" pämez'.

Ak — Civil'ova Anna Jevgenjevna (ven.) (vep., Venäman polistusen aigsijaline ministr voden 2024 kezakun 17. päiväspäi[23]. Ende, voden 2023 sulakun 3. päiväspäi tegihe Valdkundaližen "Kodiman kaičijad"-fondan pämeheks[24]. 29. kezakud vodel 2022 oli pandud Britanijan märičezlugetišehe.

Lapsed — poigad Anton i Nikita.

Pauklahjad

  • Sebruden Orden (1. redukud vodel 2021) — sures panendas Kemerovon agjan, Kuzbassan, socialiž-ekonomižehe kehitoitusehe. [25];
  • Medal' "Panendas Venäman polestusen vahvištoitusehe", 2019[25].

Melentartused

Valdmehen melentartusiš ei ole muga äi tedoid. Om tetpas, miše hän nügüdehesai navedib mert da tusttub sen mödhe[26].

Homaičendad

  1. ↑ Госдума утвердила Цивилева министром энергетики. РИА "Новости" (14 semendkud 2024). Дата обращения: 21 redukud 2025.
  2. ↑ Выборы губернатора Кузбасса выиграл Сергей Цивилев - Российская газета, Российская газета (10 sügüz'kud 2018). Дата обращения: 21 redukud 2025.
  3. ↑ 1 2 Ротация в составе Высшего Совета «Единой России» составила 16%. er.ru (8 tal'vkud 2018). Дата обращения: 21 redukud 2025.
  4. ↑ Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны. Новости Новокузнецка сегодня, новости дня, последние новости. Дата обращения: 11 tal'vkud 2018.
  5. ↑ KSL AG (нем.). Moneyhouse. Дата обращения: 15 redukud 2025.
  6. ↑ Gunvor: Доля Тимченко в компании была продана 19 марта 2014 года. // top.rbc.ru. Дата обращения: 1 sulakud 2018. Архивировано из оригинала 19 kezakud 2015 года.
  7. ↑ На должность заместителя губернатора по промышленности, транспорту и потребительскому рынку назначен Сергей Цивилев. ako.ru. Дата обращения: 21 redukud 2025.
  8. ↑ Что происходит в Кемерово. Главное на данный момент. РБК. Дата обращения: 27 keväz'kud 2018. Архивировано 29 keväz'kud 2018 года.
  9. ↑ Тулеев попросил прощения лично у Путина за случившееся в Кемерово. Архивировано 29 keväz'kud 2018 года.
  10. ↑ Алена Мартынова. Вице-губернатор Кемеровской области встал на колени перед родственниками погибших в "Зимней вишне", Комсомольская правда (27 keväz'kud 2018). Архивировано 27 keväz'kud 2018 года. Дата обращения: 27 keväz'kud 2018.
  11. ↑ Госдума утвердила Цивилева министром энергетики. РИА Новости (14 semendkud 2024). Дата обращения: 14 semendkud 2024.
  12. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 14 semendkud 2024.
  13. ↑ ВРИО губернатора Кемеровской области назначен Сергей Цивилёв
  14. ↑ Принята отставка Амана Тулеева. kremlin.ru (1 sulakud 2018). Дата обращения: 1 sulakud 2018.
  15. ↑ Выборы губернатора Кузбасса выиграл Сергей Цивилев - Российская газета, Российская газета (10 sügüz'kud 2018). Дата обращения: 21 redukud 2025.
  16. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. web.archive.org. Дата обращения: 21 redukud 2025.
  17. ↑ Глава Кузбасса предложил сделать два города миллионниками за счёт сноса частного сектора. Interfax.ru. Дата обращения: 2 redukud 2021.
  18. ↑ Владимир Путин провел встречу с губернатором Кемеровской области Сергеем Цивилевым. Новости. Первый канал (неопр.). Дата обращения: 21 redukud 2025.
  19. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (23-09-11).
  20. ↑ Consolidated list of financial sanctions targets in the UK. ofsistorage.blob.core.windows.net. Дата обращения: 21 redukud 2025.
  21. ↑ The United States Takes Sweeping Actions on the One Year Anniversary of Russia's War Against Ukraine - United States Department of State, United States Department of State. Дата обращения: 21 redukud 2025.
  22. ↑ Канада ввела санкции против Познера, РБК (24 uhokud 2025). Дата обращения: 24 uhokud 2025.
  23. ↑ РБК, 17 июня 2024. Путин назначил жену министра энергетики замминистра обороны. Путин назначил жену министра энергетики Анну Цивилеву замминистра обороны
  24. ↑ Путин создал фонд поддержки участников СВО и семей погибших бойцов "Защитники Отечества", TACC. Дата обращения: 22 redukud 2025.
  25. ↑ 1 2 Указ Президента Российской Федерации от 01.10.2021 № 558 ∙ Официальное опубликование правовых актов. publication.pravo.gov.ru. Дата обращения: 21 sügüz'kud 2025.
  26. ↑ Сергей Цивилев: биография министра энергетики РФ и моряка родом из Мариуполя. Новости Mail:картина дня в России и мире. Дата обращения: 21 redukud 2025.

Lähtked

Om sadud "https://vep.ruwiki.ru/w/index.php?title=Civil%27ov_Sergei_Jevgenjevič&oldid=528253"