Aleksei Overčuk

Рувики-späi
Aleksei Logvinovič Overčuk
Alexey Overchuk official portrait.jpg
Флаг
Venäman Valdmehišton varapämez'
Флаг
 21. vilukud vodel 2020
(pämehen radon tegii 7—13 semendkud vodel 2024)
Valdmehišton pämez' Mihail Mišustin
Andrei Belousov(pämehen radon tegii)
Mihail Mišustin
Sündundpäiv 9. tal'vkud 1964(1964-12-09) (61 год)
Openduz Moskvan K. А. Timir'zeva nimel maakademii
Tedostepen' ekonomikan tedokandidat
Pauklahjad
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Mediafailad RUWIKI-tedoiš

Aleksei Logvinovič Overčuk (ven.: Алексе́й Лóгвинович Оверчу́к, om sündunu 9. tal'vkud 1964, Korostõšiv[d], Žõtomõri oblast[d]) — venälaine vald- da politikmez', ekonomist. Venäman Valdmehišton pämehen varapämez' 21. vilukuspäi vodelpäi 2020 (pämehen radon tegii 7—13. semendkud vodel 2024)[1][2].

Nechesai vodelpäi 2011 vodehesai 2020 radoi Venäman Federaližen nalogslužban ohjandajan varapämehen. Todesine valdkundaline Venäman 2. klassan nevonik.

Elostarin

Sündui 9. tal'vkud vodel 1964, Korostišev-lidnas, Žitomirskan agjas.

Vodel 1986 lopi Moskvan K. А. Timir'zeva nimel maakademijan "ekonomikan kibernetik"-special'nostin mödhe.

Vozil 1986—1993 — vanhemb laborant, noremb tedoradnik, tedoradnik, Moskvan K. А. Timir'zeva nimel maakademijan agrotegeližen kompleksan paremboičendan laboratorijan vanhemb tedoradnik.

Vodel 1992 polesti kandidatradon ven.: «Организация управления кооперативной формой хозяйствования в АПК»-teman mödhe Moskvan K. А. Timir'zeva nimel maakademijas, ekonomikan tedokandidat.

Vozil 1993—1994 — rahvidenkeskeižen sidomusiden Ohjandusen päradnik, vozil 1994—1998 — rahvahidenkeskeižen azjoiden ohjandusen erišton varapämez', vodel 1998 — valdkundaližen malugetišen ohjandusen päelokalušton oiktusiden registracijan erišton da Venäman Valdkundaližen man varoiden da maazjoiden päelokalušton registrecijan komitetan pämez' (Roskomzem).

Vodel 1998 — Venäman man politikan, sauvondan da kodiühthižen elomišton ministerstvan Tedo-analitižen ohjandusen pämez'.

Vozil 1998—1999 — Venäman Valdkundaližen man komitetan Tedo-analitižen ohjandusen pämez'.

Vozil 1999—2000 — Venäman Valdkundaližen man politikan komitetan Tedo-analitižen ohjandusen pämez'.

Elokuspäi vodelpäi 2000 — Venäman Federaližen služban man kadastran varapämez' (Roszemkadastr), vodelpäi 2004 om toižetud Federaližen elomišton objektoiden kadastran agenstvaha (Rosnedvižimost'). Rosnedvižimostiš, jäl'ges om toižetud Rosreestraha, Mihail Mišustin sai ezmäižen valdkundan azjmehišton radon, a Overčuk tegihe hänen alištuses[3].

Vodelpäi 2000 vodehesai 2007 om valitud Ühthižrahvazkundan evropan ekonomikan komissijan büron ühtnikaks da mavaroiden ohjandusen radjoukun varapämeheks[4].

Vodel 2007 tegihe Federaližen eriližiden ekonomižiden sijoiden ohjandusen agenstvan Mihail Mušustinan ohjanduses varapämeheks, ohjanzi radoid investoroiden kucundan täht.

Vodelpäi 2008 vodeheai 2010 oli UFG Capital Management-investicionijoiden kompanijoiden joukun päradoil, miččen ohjanzi Mišustin.

Aleksei Overčuk Jevraziiskijan ekonomikan komissijan Nevondišton ištundal, vodel 2020

Keväz'kuspäi vodelpäi 2011 — Federaližen nalogoiden služban varapämez'. Ohjanzi da kodvi standartoiden ohjandusen da rahvahidenkeskeižen sidomusen radod. Federaližen nalogoiden služban varapämehen radol hän ohjanzi azjmehišton metodologižen tedotamižen radod da sijaližid nalogoiden azjmehišton küzundoid Venäman rahvahidenkeskeižiden azjbumagoiden avtomatižen tedoiden kävutandas[4].

21. vilukuspäi vodelpäi 2020 — Venäman Valdmehišton varapämez'. Hänen rad valdmehištos om sidotud küzundoidenke, miččed koskeba Evraziiskijad integracijad, SNG-, BRIKS- da G20-rahvahidenkeskeižiden organizacijoiden sidomust da vaumičendradoid Valdmehišton Pämehen ühtnendas rahvahidenkeskeižiš azjtegoiš[5].

Kül'mkus vodel 2023 Overčuk ohjanzi Venman delegacijad ATES-sammitale San-Francisko-lidnas, kus pädiskutiruind oli ümbri il'mištod[6].

11. semendkud vodel 2024 Mihail Mišustin eziti Valdkundaližele Dumale uden valdmehišton joukun lugetišen, tariči Overčukad vice-premjeran radsijale[7]. 13. semendkud Valdkundaline Duma vahvištoiti händast necile radsijale[8]. 14. semendkud Venäman prezident allekirjuti käskon hänen panendas radsijale[9]. Overčuk jatkab kodvindradod integracijan valdkundaližen politikad evraziiskijan avarusel, BRIKS-organizacijan radod, Šanhaiskan sodomusiden organizacijan radod da G20-organizacijad[10].

1. sügüz'kud vodel 2025 Šanhajan ühthištön organizacijan sammitan aigan T'an'czin-lidnas Aleksei Overčuk ühtni paginoihe Venäman da Indian kesknezoi[11].

Pauklahjad

  • Ordenan "Kodiman hüväs rados" I stepenin medal' (12. kezakud vodel 2017) — äivoččes hüväs valdkundaližes rados;[12]
  • Ordenan "Kodiman hüväs rados" II stepenin medal' (25. redukud vodel 2014) — radsattusiš, aivoččes hüväs da aktivižes rados;[13]
  • P. A. Stolipinan I stepenin medalin (2024) — äivoččes hüväs valdkundaližes rados[14].

Kanz

Hänen tatoi, Overčuk Logvin Aleksejevič (1932—2007), radoi Ühthižvenälaižes ekonomikan da külän elomišton tedo-oppindaninstitutas. OLi külän elomišton ataše Venäman edustamištos Amerikas[15]. Koli 25. kezakud vodel 2007, om pandud maha Trojekurovan kaumištol Moskvas[16].

Hänen mamoi, Overčuk Nelli Aleksandrovna (1936—2009), radoi Ühthižvenälaižes agrotegeližen kompleksan tehniko-ekonomižiden oppindoiden da külän elomišton tedo-institutas (VNIITEIagroprom)[17].

Elomišt da rahatulo

Voden 2018 voz'sattusiš deklaracijan mödhe hänen ižandoičendas om kaks' linmad pindal 2200 m², koume faterad pindal 225,6 m² da üks' Ford Focus-avtomašin. Hänen rahatulo om 8 786 378 rubl'ad[18].

Akan rahatulo oli 1 636 351 rubl'ad, ližaks hänel oli kaks' faterad pindal 96 m²[19].

Homaičendad

  1. ↑ Алексей Оверчук стал вице-премьером России. Дата обращения: 23 sügüz'kud 0225. Архивировано 16 keväz'kud 2020 года.
  2. ↑ Правительство России переходит в статус и.о. до назначения нового состава. TACC. Дата обращения: 23 sügüz'kud 2025.
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец. Дата обращения: 23 sügüz'kud 2025. Архивировано 25 vilukud 2020 года.
  4. ↑ 1 2 Новым ответственным за ИТ в России стал давний коллега нового премьера // CNews. Дата обращения: 23 sügüz'kud 2025. Архивировано 25 vilukud 2020 года.
  5. ↑ Распределение обязанностей между заместителями Председателя Правительства. Дата обращения: 23 sügüz'kud 2025. Архивировано 29 sulakud 2020 года.
  6. ↑ ТАСС, 17 ноября 2023. Оверчук заявил, что тема Украины в начале саммита АТЭС звучала в основном фоново
  7. ↑ О чем говорит новая конфигурация российского правительства. РБК (11 semendkud 2024). Дата обращения: 23 sügüz'kud 2025.
  8. ↑ Госдума утвердила Оверчука заместителем председателя правительства. РИА Новости (13 semendkud 2024). Дата обращения: 23 sügüz'kud 2025.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 23 sügüz'kud 2025.
  10. ↑ Михаил Мишустин утвердил распределение обязанностей между вице-премьерами. government.ru (17 semendkud 2024). Дата обращения: 23 sügüz'kud 2025.
  11. ↑ Оверчук рассказал о переговорах России и Индии в Тяньцзине. Дата обращения: 25 sügüz'kud 2025.
  12. ↑ Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации. Дата обращения: 23 sügüz'kud 2025.
  13. ↑ Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации (недоступная ссылка — история). Дата обращения: 23 sügüz'kud 2025.
  14. ↑ Мишустин наградил Оверчука медалью Столыпина П. А. I степени. ТАСС (17 tal'vkud 2024). Дата обращения: 23 sügüz'kud 2025.
  15. ↑ Ю.Н. ВАВИЛОВ В долгом поиске // Книга о братьях Николае и Сергее Вавиловых. Дата обращения: 23 sügüz'kud 2025. Архивировано 24 vilukud 2020 года.
  16. ↑ Логвин Алексеевич Аверчук // BillionGraves. Дата обращения: 23 sügüz'kud 2025. Архивировано 24 vilukud 2020 года.
  17. ↑ Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus. Дата обращения: 23 sügüz'kud 2025.
  18. ↑ Алексей Оверчук // Finparty. Дата обращения: 23 sügüz'kud 2025. Архивировано 25 vilukud 2020 года.
  19. ↑ Оверчук Алексей Логвинович // Деклатор. Дата обращения: 23 sügüz'kud 2025. Архивировано 25 vilukud 2020 года.

Tarkendused

Om sadud "https://vep.ruwiki.ru/w/index.php?title=Aleksei_Overčuk&oldid=528226"