Aleksandr Novak

Рувики-späi
Aleksandr Novak
Alexander Novak (2019-11-06).jpg
Флаг
Venäman valdmehišton varapämez'
Флаг
 10. kül'mkud vodel 2020
(aigsijaline pämez' 7.—13. semendkud vodel 2024)
Valdmehišton pämez' Mihail Mišustin
Prezident Vladimir Putin
Флаг
Venäman energetikan ministr
Флаг
21. semendkud vodel 2012 — 10. kül'mkud vodel 2020
(aigsijaline pämez' 8.—18. semendkud vodel 2018, 15.—21. vilukud vodel 2020)
Valdmehišton pämez' Dmitrii Medvedev
Mihail Mišustin
Andrei Belousov(aigsijaline pämez')
Mihail Mišustin
Prezident Vladimir Putin
Ken oli ende Sergei Šmatko]
Ken tuli jäl'ghe Nikolai Šul'ginov
Флаг
Venäman Rahaministerstvan varapämez'
Флаг
2. redukud vodel 2008 — 21. semendkud vodel 2012
Флаг
Krasnojarskan agjan valdmehišton pämez'
Флаг
15. heinkud — 1. redukud vodel 2008
Gubernator Aleksandr Hloponin
Ken oli ende radsija om tehtud
Ken tuli jäl'ghe Edham Akbulatov
Sündundpäiv 23. elokud 1971(1971-08-23) (54 года)
Tat Valentin Jakovlevič Novak
Mam Zoja Nikolajevna Novak
Ak Larisa Novak
Partii partijatoi
Openduz Noril'skan industrialine institut
Moskvan valdkundaline universitet
Pauklahjad
Eriline nimi libo klassan čin
Radnimi Действительный государственный советник Российской Федерации 3 класса.png
Venäman nügüdläine valdkundaline 3. klassan nevonik
Логотип РУВИКИ.Медиа Mediafailad RUWIKI-tedoiš

Aleksandr Valentinovič Novak (ven.: Алекса́ндр Валенти́нович Но́вак, om sündunu 23. elokud 1971, Avdejevka[d]) — venälaine valdmez' da politik.

Venäman valdmehišton varapämez' 10. kül'mkuspäi vodelpäi 2020, (aigsijaline pämez' 7.—13. semendkud vodel 2024)[1]. Ohjandai Pohjoiž-Kavkazan federaližes ümbruses 19. heinkuspäi vodelpäi 2021[2].

Venäman energetikan ministr 21. semendkuspäi vodelpäi 2012 10. kül'mkuhusai vodhesai 2020 (aigsijaline pämez' 8. — 18. semendkud vodel 2018 da 15. — 21. vilukud vodel 2020)[3].

Elostarin

Aleksandr Novak om sündnu 23. elokud vodel 1971 Avdejevka-lidnas Doneckan agjas.

Vodel 1979 kanz ajoi Noril'skaha, kus hänen tet radoi Nadeždinskan metallurgan zavodan sauvomižel[4]. Openzihe Norisl'skan školas № 23[5]. Oldes kazvol 189 sm vändi školan ühthižes komandas basketbolha.

Vodel 1993 lopi Noril'skan valdkundaližen industrialižen institutan "ekonomik da ohjandamine metellurgijas" — special'nostin mödhe. Paiči necidä vodel 2009 lopi Valdkundaližen administriruindan korktan školan Moskvan valdkundaližen universitetan М. V. Lomonosovan nimel "menedžment" — special'nostin mödhe.

Sügüz'kuspäi vodelpäi 1988 zavodi rata Noril'skan mägi-metallurgan kombinatas А. P. Zaven'aginan nimel. Ezmäks oli 1. razr'adan apparatčik-gidrometallugran radsijal, sid' oli openikan — tehnik-tehnologan, radtehnikad, ekonomistan. Vodelpäi 1993 jatksi rata kombinatas ekonomistan da buhgalterijan rahab'uron pämehen. Semendkuspäi 1997 kül'mkuhusai 1999 — erišton pämez', nalogplaniruičendan ohjandusen pämez'.

Tal'vkus 1999 oli pandud varapämeheks ekonomikan mödhe — ohjandusen pämeks, a sid' — varapämeheks personalan mödhe — "Noril'skan mägikompanijan" ohjandusen pämeheks (Zapol'arjen filial.

Jäl'ghe necidä tuli radole Noril'sk-lidnan administracijaha, kus semendkuspäi vodelpäi 2000 oli lidnan varapämez', radoi ühtes Oleg Budarginanke, ohjanzi raha-ekonomižid küzundoid, a sid' — ezmäine varapämez'. Radoi necil sijal redukuhusai vodhesai 2002.

Konz Aleksandr Hloponin tegihe Krasnojarskan agjan gubernatoraks Novak zavodi rata hänen administracijas, redukuspäi vodelpäi 2002 heinkuhusai vodhesai 2007 oli gubernatoran varapämehen da ühtel aigal — Krasnijarskan agjan administracijan päohjandusen pämehen. Heinkus vodel 2007 tegihe Krasnojarskan agjan gubernatoran ezmäižeks varapämeheks, oldes necil sijal pigai tegihe Krasnojarskan agjan valdmehišton pämeheks.

29. sügüz'kuspäi vodelpäi 2008 22. semendkuhusai vodhesai 2012 — Venäman rahoiden varaministr. 2. redukud vodel 2008 tegihe Venäman Rahaministerstvan kollegijan ühtnikaks.

21. semendkud vodel 2012 tegihe Venäman energetikan ministraks Dmitrii Medvedevan ezmäižes valdmehištos[6][7][8]. Kaičihe sijan Dmitrii Medvedevan toižes valdmehištos, mitte oli keratud semendkus vodel 2018, mugažo Mihail Mišustinan valdmehištos (21. vilukuspäi vodelpäi 2020). Jäl'ghe panendad ministran sijale tegihe SNGn Elektroenergetižen nevondišton prezidentaks (25. semendkuspäi vodelpäi 2012) da Venäman prezidentan komissijan ühtnikaks Poltand- da energokompleksan strategijan kehitoitusen da ekologižen varumatomuden küzundoiden mödhe (kezakuspäi 2012).

Heinkus vodel 2015 oli valitud "Rosseti" — nevondišton pämehel, a sügüz'kus necil-žo vodel — "Transneft'" — nevondišton pämehel[9]. Paiči necidä vodelpäi 2012 om "Rosatom" — valdkundaližen korporacijan nevondišton ühtnik (vodelpäi 2012), "Gazprom" da "Rosneft'" — kompanijoiden nevondišton ühtnik (vodelpäi 2015).

Vozil 2015—2018 — Valdkundaližen komissijan varapämez' Arktikan kehitoitusen küzundoiden mödhe. Venäman prezidentan nevondištoiden ühtnik Venäman ekonomikan modernizacijan da innovacižen kehitoitusen (voded 2012—2018), eländpolitikan küzundoiden mödhe (voded 2013—2016)[4].

9. kül'mkud vodel 2020 Venäman premjer-ministr Mihail Mišustin andoi Novakan kandidaturad Vice-premjeran sijale Poltand- da energokompleksan küzundoiden mödhe[10][11]. Udel päiväl hän oli vahvištadud necile sijale.

13. semendkud vodel 2024 Valdkundaline Duma möst vahvištoiti Aleksandr Novakad Venäman valdmehišton varapämehen sijale[12]. 14. semendkud Venäman prezident allekirjuti käskön panendas[13]. Novakan radho mülüb: Venäman Poltand- da energokompleksan, ekonomikan da kehitoituzinstitutoiden radon ohjandamine:

  • "Venäman fondan Oiktoiden investicijoiden ohjanduzkompanii"-akcioneran sebr,
  • "Peniden da suriden biznesmehiden kehitoitusen federaline korporacii"-akcioneran sebr,
  • "Venäman venčuran kompanii"-akcioneran sebr[14].

10. keväz'kud vodel 2025 Venäman prezidentan käskon mödhe om mülütadud Venäman investicijoiden fondan tarkištelendnevondištoho (RFPI)[15].

Politine rad vice-premjeran sijal

29. tal'vkud vodel 2021 Aleksandr Novak sanui, miše "Severnii potok 2"-gazoprovodan sertifikacii linneb loptud ezmäižen pol'voden 2022 lophusai. "Necen aigmäran sertifikacijan polhe, miččes minä tedan, se lopiše ezmäižel pol'vodel. Ezmäižen pol'voden lopus om maksimaline agmär", — homaiči paginas RBK-kanalale. Novak sanui, miše ku jevropalaižil ühtesradnikoil linneb melentartuz', gazoprovodan gazifikacijad voib tehta pigemba da zavodida antta poltandainehed aigemba[16]. Vice-premjer rohktas sanui sen polhe, miše, Ukraina ei voi vastustada "Severnii potok 2"-projektale. "Mö meletam, miše necile projektale ei sa vastustada", — sanui Novak. Hänen sanoiden mödhe "oli äi vihanikoid, no kaiken-se rad mäneb"[17].

Kanz

  • Tat: Valentin Jakovlevič Novak.
  • Mam — Zoja Nikolajevna Novak.
  • Om nainu, ak — Larisa Novak.
    • Kazvataba kaks' tütärt[5].

Klassan čin

  • Venäman nügüdläine valdkundaline 3. klassan nevonik (26 декабря 2009)[18].

Pauklahjad

  • Venäman valdmehišton arvkirjeine (vodel 2009);
  • Arvostelusen Orden (27. tal'vkud vodel 2010) — sadud satusiš da äivoččes hüväs rados[19];
  • Venäman prezidentan kitändkirjeine (vodel 2013);
  • "XXII Tal'vesižed Olimpikvändod da XI Tal'vesižed Paraolimpikvändod vodel 2014 Soči-lidnas" — muštmedal' (vodel 2014);
  • Venäman prezidentan arvkirjeine (vodel 2014);
  • Sebruden Orden (vodel 2014);
  • IV stepenin orden "Kodiman hüväs rados" (vodel 2016);
  • Orden "Uskondas velgudele" (Kriman Valdkund, 17. vilukud vodel 2017) — sures panendas kaikenaigaižehe elektroandmižehe Kriman Valdkundan kävutajile, korktas professionalizmas da "Krasnodaran agj — Kriman" energosildan objektoiden pästandas eloho[20];
  • P. A. Stolipinan I stepenin medal' (vodel 2018);
  • Aleksandr Nevskijan orden (vodel 2019);
  • Noril'sk-lidnan arvostadud eläi (vodel 2013);
  • Toižiden erištoiden pauklahjad. 

Rahatulo

Rahatulon deklariruitud summ vodes 2011 om 11 mln 800 tuhad rubl'ad, akan rahatulo — 2 mln 800 tuhad rubl'ad[5].

Rahatulon deklariruitud summ vodes 2019 om 27 mln 48 tuhad rubl'ad. Akan rahatulo — 1 mln 7 tuhad rubl'ad[4].

Homaičendad

  1. ↑ Правительство России переходит в статус и.о. до назначения нового состава. TACC. Дата обращения: 7 semendkud 2024.
  2. ↑ Михаил Мишустин назначил вице-премьеров кураторами федеральных округов. Дата обращения: 19 heinkud 2021. Архивировано 19 heinkud 2021 года.
  3. ↑ Правительство РФ подало в отставку. Дата обращения: 15 vilukud 2020. Архивировано 15 vilukud 2020 года.
  4. ↑ 1 2 3 Алексей Дружинин. Биография Александра Новака. Его кандидатура 9 ноября 2020 года внесена в Госдуму для назначения на пост вице-премьера РФ. ТАСС (9 kül'mkud 2020). Дата обращения: 19 heinkud 2021. Архивировано 13 sulakud 2021 года.
  5. ↑ 1 2 3 Новак, Александр (HTML). Лентапедия. Дата обращения: 10 kezakud 2013. Архивировано 10 kezakud 2013 года.
  6. ↑ Указ Президента Российской Федерации от 21.05.2012 г. № 664 «О Министре энергетики Российской Федерации». Дата обращения: 6 uhokud 2020. Архивировано 6 uhokud 2020 года.
  7. ↑ Указ Президента Российской Федерации от 18.05.2018 г. № 250 «О Министре энергетики Российской Федерации». Дата обращения: 6 uhokud 2020. Архивировано 6 uhokud 2020 года.
  8. ↑ Указ Президента Российской Федерации от 21.01.2020 г. № 51 «О Министре энергетики Российской Федерации». Дата обращения: 6 uhokud 2020. Архивировано 6 uhokud 2020 года.
  9. ↑ Новак вновь возглавил совет директоров «Транснефти». Дата обращения: 13 sulakud 2021. Архивировано 13 sulakud 2021 года.
  10. ↑ Мишустин предложил Госдуме назначить Новака вице-премьером. РИА Новости. Дата обращения: 9 kül'mkud 2020. Архивировано 9 kül'mkud 2020 года.
  11. ↑ Указ Президента РФ «О внесении изменения в Указ Президента Российской Федерации от 21 января 2020 г. № 21 „О структуре федеральных органов исполнительной власти“». Дата обращения: 10 kül'mkud 2020. Архивировано 10 kül'mkud 2020 года.
  12. ↑ Госдума утвердила Новака заместителем председателя правительства. РИА Новости (14 semendkud 2024). Дата обращения: 14 semendkud 2024.
  13. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 14 semendkud 2024.
  14. ↑ Михаил Мишустин утвердил распределение обязанностей между вице-премьерами. government.ru (17 semendkud 2024). Дата обращения: 17 semendkud 2024.
  15. ↑ Новак включен в набсовет РФПИ, Белоусов и экс-глава ВЭБа Дмитриев вышли из него, Interfax.ru (10 keväz'kud 2025). Дата обращения: 18 sügüz'kud 2025.
  16. ↑ Новак: сертификацию «Северного потока — 2» завершат до конца первого полугодия 2022 года. RT на русском. Дата обращения: 29 tal'vkud 2021. Архивировано 29 tal'vkud 2021 года.
  17. ↑ Новак: проект «Северный поток — 2» невозможно сорвать. RT на русском. Дата обращения: 29 tal'vkud 2021. Архивировано 29 tal'vkud 2021 года.
  18. ↑ Указ Президента Российской Федерации от 26.12.2009 г. № 1479 «О присвоении классных чинов государственной гражданской службы Российской Федерации федеральным государственным гражданским служащим». Дата обращения: 6 uhokud 2020. Архивировано 6 uhokud 2020 года.
  19. ↑ Указ Президента Российской Федерации от 27.12.2010 г. № 1615 «О награждении государственными наградами Российской Федерации». Дата обращения: 6 uhokud 2020. Архивировано 6 uhokud 2020 года.
  20. ↑ Постановление Президиума ГС РК от 17 января 2017 года № п357-1/17. Дата обращения: 24 redukud 2017. Архивировано 25 redukud 2017 года.

Tarkendused


Om sadud "https://vep.ruwiki.ru/w/index.php?title=Aleksandr_Novak&oldid=408334"